Павелонь васенце сёрмац Коринфу 12:27 - Од Соткс Новый Завет на мордовском-мокша языке 2016

²⁷ Сембе марса тинь Христость ронгоц, а башка, эрсь тинь эздонт Сонь ронгонц пяльксоц.

Павелонь васенце сёрмац Коринфу 12:27 ပူးပေါင်းရင်းမြစ်များ

Павелонь сёрмац Риму 12:5

тяфта миньге, мзяра эздонк тяза уле, Христость эса минь тиенттяма фкя ронга, а фкя-фкянди – минь тя ронгонь пялькстама.

Павелонь васенце сёрмац Коринфу 1:2

кучихть пара вал Коринф ошень кемаень пуромксти, сембонди, кит иняруяфтфт Иисус Христосонь эса и тертьфт улемс иняру ломанькс сембонь сятнень мархта, кит эрь вастова, эсь ширесост и минь ширесонка, тернесазь Иисус Христос Азороньконь лемонц.

Павелонь васенце сёрмац Коринфу 10:17

Кшида фкя, и хуш эздонк лама, миньге арсетяма фкя ронгокс, сяс мес явондсаськ сембонди фкя-тяка кшить.

Павелонь васенце сёрмац Коринфу 12:12

Христость ронгоц, кода ломанень ронгське, ащи лама пяльксста. Хуш ронгсь тиф лама пяльксста, сон сембе сяка ляткшни фкя ронгокс.

Павелонь васенце сёрмац Коринфу 12:26

Кда маятай фкя пялькссь, эста мархтонза маятайхть сембе лия пяльксневок. А кда шнави фкя пялькссь, мархтонза марса кеняртькшнихть сембе лиятневок.

Павелонь васенце сёрмац Коринфу 6:15

Кали тинь аф содасасть: тинь ронгонте – Христость ронгонцты пялькст? Кали мон сявсайне Христость ронгонь пяльксонзон и тисайне синь пяльксокс усксеви авать ронгонцты? Мзярдонга аф!

Павелонь сёрмац Ефесу 1:23

Кемаень пуромкссь – тя Христость ронгоц и пяшксешиц, Христость, конац пяшкотькшнесы семботь сембоса.

Павелонь сёрмац Ефесу 4:12

Тянь вельде Сон анокласыне иняруфнень лездомс ломаттненди Христость ронгонц касфтоманц-кемокстаманц инкса,

Павелонь сёрмац Ефесу 5:23

сяс мес мирдсь рьванцты пря, тяка лаца, кода и Христос кемаень пуромксонь Прясь. Сон Сонць Эсь кемаень пуромксонцты, лиякс мярьгомс, ронгонцты, Идись.

Павелонь сёрмац Ефесу 5:30

Сяс мес минь пялькстама Сонь ронгсонза, минь Сонь сивольстонза и Сонь пакарьстонза.

Павелонь сёрмац Колоссав 1:18

Сон – ронгти пря, лиякс мярьгомс, кемаень пуромксти. Сон ушеткссь и васенцесь, кие вельмась кулофнень эзда, и сяс Сон сембоса васенцесь.

Павелонь сёрмац Колоссав 1:24

Тяни мон кеняртькшнян сянди, мес тинь инксонт кирдян маятамат. Мон эсь ронгозень вельде пяшкотькшнеса сянь, мезе нинге аф сатни Христость маятамасонза. Тянь мон тиса Сонь ронгонц инкса, лиякс мярьгомс, кемаень пуромксть инкса.

Павелонь сёрмац Колоссав 2:19

Синь аш соткссна Христость мархта, Прять мархта, конань эзда сембе ронгсь сотови и кемокстави эзнетнень и саттнень вельде, и касы Шкайть мяленц коряс.