Павелонь васенце сёрмац Коринфу 12:13 - Од Соткс Новый Завет на мордовском-мокша языке 2016

¹³ Тяфта миньге сембе: еврейхне и грекне, уретне и воляшистотне улеме кстиндафт фкя ронгс фкя Ваймопожфса. И сембонди тейнек максфоль симомс фкя-тяка Ваймопожфта.

Павелонь васенце сёрмац Коринфу 12:13 ပူးပေါင်းရင်းမြစ်များ

Матфей 3:11

Мон кстиндатядязь тинь ведьса Шкайти шарфтомантень няфтеманкса, но мельган Молись мондедон вии. Мон аф кондястян кандомс Сонь сандалиянцка. Сон кармай кстиндамонт тинь Иняру Ваймопожфса и толса.

Лука 3:16

Иоанн тянь каршес корхнесь сембонди: «Мон кстиндатядязь тинь ведьса, но мельган сай мондедон Виись, и мон аф кондястян нльне сандалия шнанянцка юксомс. Сон кармай тинь кстиндамонт Иняру Ваймопожфса и толса.

Иоанн 1:16

И Сонь пяшксешинц эзда тейнек сембонди максовсь пароказнеть лангс пароказне.

Иоанн 1:33

Мон ашине сода Сонь; но ведьса кстиндама Кучиезе мярьгсь тейне: "Ся, кинь лангс няйсак Ваймопожфть валгоманц и лангсонза ащеманц, Ся и ули Иняру Ваймопожфса кстиндайсь".

Иоанн 3:5

Иисус азозе: «Видеста корхтан тейть: кие аф шачи ведьста и Ваймопожфть эзда, ся аф сувави Шкаень Оцязорксшити.

Иоанн 4:10

Иисус каршезонза мярьгсь: «Содандярялить Шкайть казненц и Кие корхтай тейть: "Макст Тейне симомс", эста тон тонць аналеть кядьстонза, и Сон максоль тейть эряфонь максы ведь».

Иоанн 4:14

а кие сими ведьта, конань Мон максса, сянь симомац мзярдовок аф сай. И ведсь, конань Мон максса тейнза, потмосонза тиеви лихтибрякс, конань ведец максы пефтома эряф».

Иоанн 6:63

Аньцек Ваймопожфсь кази эряф, ломанть тяса аш виец. Валхне, конатнень Мон тейнть азыне, – ваймопожф и эряма.

Апостолхнень тевсна 1:5

Иоанн кстиндась ведьса, а тинь аф лама шида меле ульхтяда кстиндафт Иняру Ваймопожфса».

Павелонь сёрмац Риму 3:22

И тя видексшить Шкайсь макссы ломаттненди Иисус Христости кемамать инкса. Сон максови сембонди, кит кемайхть, кикс синь афольхть уле,

Павелонь сёрмац Риму 3:29

Кали Шкайсь аньцек еврейхненди Шкай, а лия ломаньтналхненди аф? Тяфта, Сон – лия ломаньтналхнендинге Шкай,

Павелонь сёрмац Риму 4:11

Киськопень керфтомась ульсь кода тяштькс, кона няфтезе сонь видексшинц, кона максфоль тейнза кемаманц инкса керфтомада инголе. Тяфта сон арась алякс сембе аф керф кемайхненди, конатнень Шкайсь лувсыне видексшинь ломанькс кемамаснон инкса.

Павелонь васенце сёрмац Коринфу 10:2

Тя коволть и оцюведть эса сембе синь ульсть кстиндафт, кода Моисеень мельге молихть.

Павелонь сёрмац Галатияв 3:23

Кемамать самс койсь минь кирдемазь пякстафста и ваномазь ся пингс, мзярс ашезь панжев кемамась.

Павелонь сёрмац Галатияв 3:28

И аш тяни аф еврей, аф лия тналонь ломань; аф уре, аф воляшистонь; аф аля, аф ава, сяс мес сембе тинь сотоводе фкя-фкянь мархта и тиеводе кода фкя ломань Христос Иисусонь эса.

Павелонь сёрмац Ефесу 3:6

Тя салавашись вага мезьса: лия ломаньтналхнень ули еврейхнень мархта пялькссна сембе ся паротнень эзда, конат максовихть Шкаень ломаньтналти. Синь арасть фкя-тяка ронгонь, и Пара кулять вельде тейстка максовихть Шкайть надияфтоманза Христос Иисусса.

Павелонь сёрмац Ефесу 4:5

ули фкя Азор, фкя кемама, фкя кстиндама,

Павелонь сёрмац Ефесу 5:26

Христос тянь тиезе ва мезенкса: иняруяфтомс сонь, штамок ведьса валть вельде;

Павелонь сёрмац Ефесу 6:8

Тинь содасасть: Азорсь эрти максы ся цебярть коряс, конань сон тиезе, улендяряй сон урекс али воляшистоннекс.

Павелонь сёрмац Колоссав 1:27

Шкайть мялецоль панжемс тейст, конашкава оцю и козя салавашить иневалдоц лия ломаньтналхненди. Тя салавашись вага мезьса: Христоссь тинь эсонт и Сон – тинь надияманте сай пингонь иневалдти.

Павелонь сёрмац Колоссав 3:11

И тя од эряфсонт аш явома: грек тя али еврей, керф али апак керхт, варвар, скиф, уре али воляшистонь. Ули аньцек Христоссь – Сон сембось и семботь эса.

Пёторонь васенце сёрмац 3:21

Тя ведсь няфнесы кстиндамать, кона тяни тиньге идетядязь. Кстиндамась – тя аф ронгть лангста рдазонь штама, а Шкайть кядьста ару ваймовайгялень вешема. Кстиндамась идетядязь тинь Иисус Христосонь вельмаманц вельде.