Павелонь васенце сёрмац Коринфу 12:11 - Од Соткс Новый Завет на мордовском-мокша языке 2016

¹¹ Семботь тянь тиендьсы фкя и тяка Ваймопожфсь, кона Эсь мяленц коряс эрь ломанти максси башка казне.

Павелонь васенце сёрмац Коринфу 12:11 ပူးပေါင်းရင်းမြစ်များ

Матфей 11:26

Виде, Аляй, вдь тяфтама ульсь Тонь пара мяльце.

Матфей 20:15

Дяряй эсь ярмаконень мархта аф тиеван, мезе мялезе? Али тон каят сельме цебярень тиемазень лангс?"

Иоанн 3:27

Иоанн мярьгсь каршезост: «Ломанти мезевок аф сявови эсь лангозонза, кда тейнза аф ули максф менельста.

Иоанн 3:8

Вармась уфай коза мялец, сувоманцка марясак, а аф содасак, коста сай и ков туй: тяфта уленди эрть мархта, кие шачсь Ваймопожфста».

Иоанн 5:21

Вдь кода Алясь вельмафнесыне кулофнень и максы тейст эряф, стане Цёрацка максы эряф сянди, кинди ули мялец максомс.

Павелонь сёрмац Риму 12:6

Тейнек максф пароказнеть коряс, эрть минь эздонк ули эсь лацонь казнец. Сяс, кда кинь ули пророчествань казнец, ся катк пророчендай эсь кемаманц коряс;

Павелонь сёрмац Риму 9:18

Лисенди, Шкайсь Эсь мяленц коряс финцнень ужяльдьсыне, а лиятнень седиснон кевонзафтсыне.

Павелонь васенце сёрмац Коринфу 12:18

Но Шкайсь сотозень марс ронгть сембе пяльксонзон и эрти макссь васта ронгса Эсь мяленц коряс.

Павелонь васенце сёрмац Коринфу 12:4

Улихть эрь кодама казнет, но сембе синь фкя-тяка Ваймопожфть эзда.

Павелонь васенце сёрмац Коринфу 12:6

Шкаень вийть тевонзонга эрь кодапт, но сембе ня тефнень тиендьсыне-няфнесыне фкя-тяка Шкайсь сембе кемаензон лангса.

Павелонь васенце сёрмац Коринфу 7:17

Аньцек эрсь катк эряй стане, кода ладязе тейнза Шкайсь, и ляды стамкс, кодамкс тердезе Шкайсь. Тянди кошярясайне сембе кемаень пуромкснень.

Павелонь васенце сёрмац Коринфу 7:7

Вдь монь мялезе, сембе ломаттне улельхть монь лацон, но эрь ломанть сонцень казнец Шкайть эзда, фкять тяфтама казнец, омбоцеть лия.

Павелонь омбоце сёрмац Коринфу 10:13

А минь аф шнатама пря путф ункстамада вельф. Минь шнасаськ пряньконь аньцек ся тевса-покодемаса, конань максозе тейнек Шкайсь: тоза сувси минь покодеманьке тинь аймаксонтка.

Павелонь сёрмац Ефесу 1:11

Сонь эсонза минь кочкамазь и тейнек аноклазь сембе ся паротнень, конат максовихть Шкайть ломанензонды. Тя ульсь Шкайть инголькиге арьсефонц коряс, Шкайть, кона семботь тиендьсы Эсь мяленц и ладяфонц коряс.

Павелонь сёрмац Ефесу 4:7

Но эрти минь эздонк максфоль пароказнесь Христость казненц ункстаманц коряс.

Еврейхненди сёрмась 2:4

Сонцьке Шкайсь синь мархтост марса кемокстазе тя валть тяштькснень, дивань тефнень и эрь кодама вии тефнень вельде, и Иняру Ваймопожфть казнензон вельде, конатнень Сон явондсыне Эсь мяленц коряс.

Иаковонь сёрмац 1:18

Тя Сон Эсь мяленц коряс шачфтомазь минь видешинь валса – макссь тейнек од эряф Иисус Христосса, и путомазь васенце вастти Эсь тифксонзон ёткса.