Павелонь васенце сёрмац Коринфу 12:10 - Од Соткс Новый Завет на мордовском-мокша языке 2016

¹⁰ а киндиге максы казне тиендемс дивань тефт, кинди максы пророчендамань казне, кинди – казне сотцемс ваймопожфнень. Кинди-бди максы лия кяльхнень лангса корхтамань казне, а кинди максы казне панчсемс тяфтама кяльхнень смузьснон.

Павелонь васенце сёрмац Коринфу 12:10 ပူးပေါင်းရင်းမြစ်များ

Марк 16:17

Кемайхненди кармайхть тиендевома тяфтама тяштькст: Монь лемсон кармайхть панцемост кяжи ваймопожфнень, корхтама од кяльса,

Марк 16:20

А тонафнихне тусть и азонкшнезь Пара кулять сембе вастова. Азорсь лездсь тевсост и кемокснезе синь азондомаснон тяштькснень вельде. Аминь.

Лука 24:49

Мон кучса тейнть сянь, мезе надияфнесь Алязе; но илядода Иерусалимса вярдень вийса пяшкодевомазонт».

Иоанн 14:12

Видеста корхтан тейнть: Тейне кемайсь кармай тиендема ся тефнень эса, конатнень тиендьсайне Мон, и тии корязост сяда оцю тефт; сяс мес Мон туян Алязти.

Иоанн 16:13

А мзярда сай видешити вяти Ваймопожфсь, эста Сон вяттядязь видешить педа-пес шарьхкодеманцты: вдь Сон аф Эсь эздонза кармай корхтама, а корхтасы сянь, мезе маряй, сай пингтьке азсы тейнть.

Апостолхнень тевсна 1:8

Но мзярда лангозонт валги Иняру Ваймопожфсь, тейнть максови вий и карматада азондома ломаттненди семботь, мезе содатада колган – Иерусалимса и марнек Иудеяса, Самариясонга и мянь модать пенц самс».

Апостолхнень тевсна 11:27

Сяка пингть Иерусалимста Антиохияв сась мзярошка пророк.

Апостолхнень тевсна 11:28

Ёткстост фкясь, лемоцоль Агав, стясь и Ваймопожфть вятеманц коряс ингольпяли азозе: марнек модать лангса кармай улема оцю вачаши, и тяфтама вачашись сась Клавдий кесарть пингста.

Апостолхнень тевсна 19:6

Мзярда Павел путозень лангозост кядензон, Иняру Ваймопожфсь валгсь синь лангозост, и синь кармасть корхтама лия кяльса и пророчендама.

Апостолхнень тевсна 5:3

Эста Пётр мярьгсь: «Анания, мес тон нолдайть Сатанать путомс седиезт мяльхть васькафтомс Иняру Ваймопожфть и сёпомс ярмакнень пяльксснон миф паксяцень инкса?

Павелонь сёрмац Риму 12:6

Тейнек максф пароказнеть коряс, эрть минь эздонк ули эсь лацонь казнец. Сяс, кда кинь ули пророчествань казнец, ся катк пророчендай эсь кемаманц коряс;

Павелонь сёрмац Риму 15:19

тяштькснень и дивань тефнень вийса, и Шкаень Ваймопожфть вийса. Иерусалимста сявомок Иллирикти молемс мон азондыне Христость колга Пара кулять.

Павелонь васенце сёрмац Коринфу 11:4

Эрь алясь, кона озонды али пророчендай вельхтяф прят, прафнесы визьксс эсь прянц.

Павелонь васенце сёрмац Коринфу 13:8

Кельгомась мзярдонга аф юмай. Лоткайхть пророчестватне, лия кяльхневок лоткайхть корхтамда, содамошиське юмай.

Павелонь васенце сёрмац Коринфу 14:13

Сяс, лия кяльхнень лангса корхтайсь катк озонды: максовоза тейнза казне панчсемс азф валонзон смузьснон.

Павелонь васенце сёрмац Коринфу 14:39

Тяфта, кемай ялгат, путода оцю вий пророчендамань казнеть сатоманкса, и лия кяльхнень лангса корхтаматьке тясть карне;

Павелонь сёрмац Галатияв 3:5

Кода арьсетяда, Шкайсь кази тейнть Ваймопожф и тиенди ётксонт дивань тефт сяс, мес тинь тиенттяда койть кошардоманзон коряс? Афоли сяс, мес тинь кулесть Пара кулять и кемаде?

Павелонь васенце сёрмац Фессалоникав 5:20

пророчестватнень тясть лув шавокс,

Еврейхненди сёрмась 2:4

Сонцьке Шкайсь синь мархтост марса кемокстазе тя валть тяштькснень, дивань тефнень и эрь кодама вии тефнень вельде, и Иняру Ваймопожфть казнензон вельде, конатнень Сон явондсыне Эсь мяленц коряс.

Иоаннонь васенце сёрмац 4:1

Кельгома ялгат, аф эрь ваймопожфти кемада, а инголи ваность-варжасть синь: Шкайть али аф Шкайть эзда сафт, сяс мес тяни масторть ланга якай лама аф афкуксонь пророкта.

Иоаннонди панчф няйфкс 2:2

Мон содасайне тонь тефнень, стака покодемацень и кемошицень. Содаса, маласотка афолить кирде пежес ваяф ломаттнень. Тон варжайть-содайть сятнень, кит лемнесазь пряснон апостолкс, но синь аф сят, кикс няфнесазь пряснон. И тон шарьхкодить, синь васькафнихть.