Павелонь васенце сёрмац Коринфу 10:32 - Од Соткс Новый Завет на мордовском-мокша языке 2016

³² Эряда тяфта: афоледе уле пупордамань кевкс аф еврейхненди, аф грекненди, аф кемаень пуромксти.

Павелонь васенце сёрмац Коринфу 10:32 ပူးပေါင်းရင်းမြစ်များ

Апостолхнень тевсна 20:28

Ванода эсь мельгант и марнек стадать мельге, конань ваномонза ладядязь Иняру Ваймопожфсь. Ваность Азорть и Шкайть кемаень пуромксонц, конань Сон рамазе Эстейнза веронц питнеса.

Апостолхнень тевсна 24:16

Сяс мон семботь тиса ваймозень аруста ванфтоманкса ломаттнень и Шкайть инголе.

Павелонь сёрмац Риму 14:13

Сяс аф карматама фкя-фкянь судендама. Меколанкт, тяряфтода мезевок аф тиендемс стама, мезсь тапарялезе кемай ялгацень али сувафтолезе пежес.

Павелонь васенце сёрмац Коринфу 1:2

кучихть пара вал Коринф ошень кемаень пуромксти, сембонди, кит иняруяфтфт Иисус Христосонь эса и тертьфт улемс иняру ломанькс сембонь сятнень мархта, кит эрь вастова, эсь ширесост и минь ширесонка, тернесазь Иисус Христос Азороньконь лемонц.

Павелонь васенце сёрмац Коринфу 10:33

Тиендеда монь лацон: мон тяряфнян ваномс сембонь мяльснон, мон аф вешендян эстейне цебярь, а вешендян цебярь лиятненди, синь идемаснон инкса.

Павелонь васенце сёрмац Коринфу 11:22

Мезе, тинь аш эсь кудонте, коса ярхцаледе и симоледе? Али тинь мезькска аф лувсасть Шкаень кемаень пуромксть и мяленте визделгофтомс ашуфнень? Мезе азомс тейнть? Шнамс тянкса? Аф, тянкса аф шнатядязь!

Павелонь васенце сёрмац Коринфу 12:28

Шкайсь кемаень пуромксса васенда путозень апостолхнень, меле пророкнень, а меле тонафтыхнень; сяльде сятнень, кинди максф казне тиендемс дивань тефт, а сяльде сят, кинди максфт пчкафнемань казнет, ломаненди лездомань казне, вятемань казне и лия кяльхнень лангса корхтамань казне.

Павелонь васенце сёрмац Коринфу 15:9

Мон вдь апостолхнень ёткста инь ёмласян, и мянь аф кондястян лемневомс апостолкс, сяс мес инголи панцине Шкаень кемаень пуромксть.

Павелонь васенце сёрмац Коринфу 7:17

Аньцек эрсь катк эряй стане, кода ладязе тейнза Шкайсь, и ляды стамкс, кодамкс тердезе Шкайсь. Тянди кошярясайне сембе кемаень пуромкснень.

Павелонь васенце сёрмац Коринфу 8:13

Сяс, кда ярхцамбяльсь арси туфталкс кемай ялгазень пежес праманцты, мон мзярдонга аф карман ярхцама сивольда, тяза пра пежес инксон монь кемай ялгазе.

Павелонь омбоце сёрмац Коринфу 1:1

Павел, Шкайть мяленц коряс Иисус Христосонь апостолоц, и Тимофей кемай ялгась кучихть пара вал Шкайть кемаень пуромксонцты Коринф ошса, и тяфта жа сембе иняру ломанензонды, конат эряйхть Ахаиять келес.

Павелонь омбоце сёрмац Коринфу 6:3

Минь аш мяленьке улемс киндинге мезьсонга пупордамань кевкс: афоль сялдов минь покодеманьке Шкайти.

Павелонь сёрмац Галатияв 1:13

Тинь, арьсян, кулесть: монь ингольдень эряфозе ульсь евреень кемамать сембе коензон коряс и мон сембе вийса панцине Шкаень кемаень пуромкснень, мялезель машфтомс-тапамс синь.

Павелонь сёрмац Филиппав 1:10

и тянь вельде тинь маштсасть кочкамс сембодонга цебярть. Тяфта, Христость сама шистонза, тинь ульхтяда аруфт и аф муворуфт

Павелонь сёрмац Филиппав 3:6

мон оцю мяльса ёрань покодемс Шкайти и сяс улень кемаень пуромксонь панцикс, койть видексшинц коряс улень афсатыксфтомокс.

Павелонь васенце сёрмац Фессалоникав 2:14

Вдь тинь мархтонт, кемай ялгат, лиссь сякось, мезе лиссь Иудеяса Шкайть пуромкссонза Христос Иисусти кемайхнень мархта: тинь кирдеде панцемат эсь юромонь ломанентень эзда, кода синь еврейхнень эзда.

Павелонь васенце сёрмац Тимофеенди 3:15

кда курок аф саван, тя сёрмастон тон содалить, кода эряви вятемс эсь пряцень Шкаень кудса, конац эряй Шкайть пуромксоц, и конань Сон тиезе нежекс и видешинь юркс.

Павелонь васенце сёрмац Тимофеенди 3:5

Кда кие аф машты вятема эсь кудэряензон, кода ся кармай Шкаень пуромксть колга пичедема-канзедема?