Павелонь васенце сёрмац Коринфу 10:13 - Од Соткс Новый Завет на мордовском-мокша языке 2016

¹³ Сембе варчсематне, конат прайхть лангозонт, сембе синь ломанти кирдевомшкат. Шкайсь кирдьсы валонц: Сон мзярдонга аф нолдай лангозонт стама варчсемат, конат улельхть тейнть аф вийс коре. Тяконь лаца эрь варчсемаса Сон няфти лисема васта и максы вий сонь кирдемс.

Павелонь васенце сёрмац Коринфу 10:13 ပူးပေါင်းရင်းမြစ်များ

Матфей 6:13

Тямасть вятфне варчсемас, но Кальдявть эзда идемасть. Вдь Тоннет – Оцязорксшись, вийсь и иневалдсь пефтома пингс. Аминь.

Лука 11:4

Нолдайть тейнек минь пеженьконь, вдь миньге нолясаськ эрти, кие тейнек шумуясь. Тямасть вятфне варчсемас, но Кальдявть эзда идемасть».

Лука 16:26

Тяка лангс нинге, минь и тинь ётксонк потмаксфтома оцю лотка, сяс, кие ёрай ётамс тяста тейнть – аф ётави, тяфта тостотневок тейнек аф ётавихть".

Лука 22:46

Сон мярьгсь тейст: «Мес удотада? Стяда и озондода, варчсемстонт афоледе пра пежес».

Апостолхнень тевсна 27:44

А лядыхненди уемс седяф али оцю венчста лия кодамонга пялькс лангса. Тяфта сембе идевсть, лиссть трвати.

Павелонь васенце сёрмац Коринфу 1:9

Кемоста кирдьсы валонц Шкайсь, кона тердедязь тинь сотовомс Эсь Цёранц, Иисус Христос Азороньконь мархта.

Павелонь омбоце сёрмац Коринфу 1:10

Тя Сон идемазь минь пяк мала куломада и сяда товга идесамазь. Сонь лангозонза минь кемоста надиятама: Сон тага идесамазь,

Павелонь васенце сёрмац Фессалоникав 5:24

Кирдьсы валонц Ся, кие эсонт терди, и Сон тисы тянь!

Павелонь омбоце сёрмац Фессалоникав 3:3

Но Азорть лангс ули кода надиямс: Сон кемокстатядязь и ванфттядязь тинь Кальдявть эзда.

Павелонь омбоце сёрмац Тимофеенди 4:18

Идесамань монь Азорсь сембе кальдявда и сувафтсамань Эсь Менелень Оцязорксшизонза. Шнама Тейнза пефтома пингс! Аминь.

Еврейхненди сёрмась 10:23

Карматама кемоста кирдевома ся надиямаса, конань минь азонкшнесаськ сембонь инголе, сяс мес Надияфтысь кирдьсы валонц.

Еврейхненди сёрмась 11:11

Кемамать вельде Сарравок, улемок аф шачфтыкс, маштсь пекиямс, хуш ульсь ни пяк сире. Вдь сон арьсесь: Надияфтысь кирдьсы валонц.

Еврейхненди сёрмась 12:4

Тинь нинге ашесть вала веронтень тюремаса пежеть каршек.

Еврейхненди сёрмась 6:18

Сяс тяни минь улихть ня кафттне, конат аф полафтыхть и конатнень эса Шкайсь коданга и мзярдонга аф васькафты: тя Шкаень варамась и надияфтомась. Синь кемокстасамазь минь, сятнень, кит музь инголе ащи надиямаса кяшема вастть.

Пёторонь васенце сёрмац 4:19

Сяс сят, конат кирдихть маятамат Шкайть мяленц коряс, катк макссазь эсь пряснон Тииеньконь кядьс, и сяда товга аф лотксихть пара тевонь тиендемс.

Пёторонь омбоце сёрмац 2:9

Тя сембось няфнесы: Азорсь содасы, кода идемс Шкайда пели ломаттнень сталмотнень-варчсематнень эзда, а коень колсихнень кирдемс судонь шить самс наказаманди,

Иоаннонь васенце сёрмац 1:9

А кда минь виденцятама Шкайть инголе эсь пеженьконь колга, эста Шкайсь нолдасыне пеженьконь и аруяфтсамазь эрь кодама аф видешить эзда, сяс мес Сон кирдьсы максф валонц и тиенди видексшить коряс.

Иоаннонди панчф няйфкс 19:11

Мон няень панжада менель и, вов, акша алаша и лангсонза ластя. Сонь лемоц Валонь Кирди и Виде, и Сон видеста судендай и тюри каршек ащихнень мархта.

Иоаннонди панчф няйфкс 2:10

Тят пеле сянь эзда, мезе тейть сави кирдемс. Ламотнень эздонт идемэвозсь ёрдасыне пякстамгуду. Тя ули тейнть кемамань варжамакс. Кемонь шит кармайхть люпштама эсонт, но сяка, тяк кадонда кемамацень, кда мянь сави куломс. И эста, кода сяськити, Мон максса тейть эряфонь каштазть.

Иоаннонди панчф няйфкс 3:10

Тон ванфтыть монь кошардомазень улемс кирдикс, сяс монга карман ванфтомот тонь варчсемань-маятамань пингста, кона шашты марнек масторть лангс и кармай варчсемост-маятафтомост модалангонь сембе эряйхнень.