Павелонь васенце сёрмац Коринфу 1:6 - Од Соткс Новый Завет на мордовском-мокша языке 2016

⁶ вдь Христость колга кулясь кемокставсь эсонт, –

Павелонь васенце сёрмац Коринфу 1:6 ပူးပေါင်းရင်းမြစ်များ

Марк 16:20

А тонафнихне тусть и азонкшнезь Пара кулять сембе вастова. Азорсь лездсь тевсост и кемокснезе синь азондомаснон тяштькснень вельде. Аминь.

Апостолхнень тевсна 11:17

Эрь вов, кда Шкайсь максозе тейст сяка казнеть, конань максозе тейнековок, мзярда минь кемаме Иисус Христос Азорти, эста киян мон – Шкайть каршес арамс?»

Апостолхнень тевсна 11:21

Синь мархтост ульсь Азорть виец, и ламодонга лама ломань кармась кемама и шарфтсь Азорти.

Апостолхнень тевсна 18:5

Мзярда Сила и Тимофей састь Македонияста, Павел марнек виенц путозе Пара кулянь азондомати, корхнемок-няфнемок еврейхненди: Иисус – тя Христоссь.

Апостолхнень тевсна 20:21

Мон еврейхненьге и аф еврейхненьге тернине шарфтомс Шкайти и кемамс Иисус Христос Азороньконди.

Апостолхнень тевсна 20:24

Но мон мезькска аф путса эсь эряфозень, аньцек максоза тейне Шкайсь кеняртьксонь марязь шумордамс кизень и покодемазень, конань сявине Иисус Азорть эзда: азондомс Пара кулять Шкаень пароказнеть колга.

Апостолхнень тевсна 22:18

Мон няине Азорть. Сон мярьгсь тейне: "Эряздоне тук Иерусалимста и тик тянь тяникиге, сяс мес синь аф путсазь седиезост тонь азондомацень Монь колган".

Апостолхнень тевсна 23:11

Омбоце веня Азорсь эвондась Павелонди и мярьгсь: «Тят пеле! Кода тон няфтеть-азондоть Монь колган Иерусалимса, стане тейть эряви няфтемс-азондомс Римсонга».

Апостолхнень тевсна 28:23

Синь корхтасть Павелонь мархта, и ладяф шиня нинге сяда лама еврей пуромсь кудти, коса сон эрясь. Сенем валдонястокиге илядти самс Павел корхнесь мархтост, панчсезе Сёрматфксть смузенц, и сявомок Моисеень койста и пророкста няфнесь-азондсь тейст Шкаень Оцязорксшить колга. Тянь вельде сон ёрась вятемс синь Иисусти кемамати.

Павелонь сёрмац Риму 15:19

тяштькснень и дивань тефнень вийса, и Шкаень Ваймопожфть вийса. Иерусалимста сявомок Иллирикти молемс мон азондыне Христость колга Пара кулять.

Павелонь омбоце сёрмац Коринфу 12:12

Мон куватьс кирдемшка мархта тиень тинь ширесонт лама тяштькста, дивань и вии тевда, конат няфтьсазь: мон афкуксонь апостолан.

Павелонь сёрмац Галатияв 3:5

Кода арьсетяда, Шкайсь кази тейнть Ваймопожф и тиенди ётксонт дивань тефт сяс, мес тинь тиенттяда койть кошардоманзон коряс? Афоли сяс, мес тинь кулесть Пара кулять и кемаде?

Павелонь омбоце сёрмац Фессалоникав 1:10

Тяфта тиеви ся шиня, мзярда Сон сай и ули шнаф Эсь иняру ломанензон ёткса. Эста лангозонза ванозь дивандазевихть сембе сят, кит кемасть Тейнза. Ётксост ульхтяда тиньге, сяс мес тинь кемаде минь няфтеманьконди-азондоманьконди Христость колга.

Павелонь васенце сёрмац Тимофеенди 2:6

кона максозе Эсь прянц сембе ломаттнень идемаснон-рамамаснон инкса. Тя ульсь виде пингста, и няфнесы Шкайть арьсефонц.

Павелонь омбоце сёрмац Тимофеенди 1:8

Сяс тят визде азонкшнемс Иисус Христос Азороньконь колга ломаттненди, тяфта жа тямак визде монь, Сонь валонц пачфнеманкса пякстафть. Меколанкт, кирдить мархтон сталмонень Христость Пара кулянц инкса, надиязь Шкайть виенц лангс.

Иоаннонди панчф няйфкс 1:2

Иоанн семботь колга пачфти, мезе няйсь и кульсь: Шкаень валть и видешить колга, конань азондозе Иисус.

Иоаннонди панчф няйфкс 1:9

Мон, Иоанн, тинь кемай ялганте, явса мархтонт Иисус Христосонь маятаманц, оцязорксшинц и кирдемшканц. Мон улень паньф Патмос усияв сяс, мес пачфнине Шкаень валть и азондонь Иисус Христосонь колга.

Иоаннонди панчф няйфкс 12:11

Синь сяськозь сонь Верозть верса и Шкаень валть пачфнемаса. Синь, нльне, эсь эряфснон аноктольхть максомс, аф пелемок куломать эзда.

Иоаннонди панчф няйфкс 12:17

Драконть кяжец лаказевсь авать лангс, и сон тусь тюрема авать лия идензон мархта, конат ванфнесазь Шкайть кошардомвалонзон и конат кирдихть Иисус Христосонь эзда азф валти.

Иоаннонди панчф няйфкс 19:10

Эста мон прань сонь пильгозонза тейнза сюконязь, но сон мярьгсь тейне: «Ватт, тяк тиенде тянь! Монга Шкаень покодиян, кодамат тон и тонь ялгатне, конат азондыхть Иисусонь колга. Шкайти сюконяк! И содак: Иисусонь колга азондомась – тя пророчендамань ваймопожф».

Иоаннонди панчф няйфкс 6:9

Мзярда Верозсь валхтозе ветеце тяштьксть, мон няине алтарть ала сятнень ваймоснон, кит шавфтольхть Шкаень валть инкса и колганза няфтемать-азондомать инкса.