Павелонь васенце сёрмац Коринфу 1:21 - Од Соткс Новый Завет на мордовском-мокша языке 2016

²¹ Шкайсь няфтезе Эсь смузьшинц, но мзярда масторлангсь эсь смузьшисонза ашезе сода и ашезе шарьхкоде Шкайть, эста Шкайсь арьсесь идемс кемайхнень тя «ёньфтома» кулять вельде, конань минь пачфнесаськ.

Павелонь васенце сёрмац Коринфу 1:21 ပူးပေါင်းရင်းမြစ်များ

Матфей 11:25

Меле Иисус мярьгсь: «Аляй, менельть и масторть Азороц! Шнате Тонь сянкса, мес Тон кяшить тянь смузюфнень и шарьхкодихнень эзда и панжить тянь ёмла иттненди.

Лука 10:21

Тя ёткть Иняру Ваймопожфсь пяшкодезе Иисусонь кенярдемада, и Иисус мярьгсь: «Аляй, менельть и масторть Азороц! Шнате Тонь сянкса, мес Тон кяшить тянь смузюфнень и шарьхкодихнень эзда и панжить тянь ёмла иттненди. Виде, Аляй, вдь тяфтама ульсь Тонь пара мяльце.

Лука 12:32

Тят пеле, ёмла стада, вдь Алянтень ули паромялец максомс тейнть Оцязорксши.

Иоанн 12:31

Тяни сась масторлангть судендама пингоц; тяни тя масторлангть азороц ули паньф тяста.

Павелонь сёрмац Риму 1:28

Сяс мес синь ашель мяльсна содамс Шкайть, Шкайсь синь максозень синцень шоряф ёньцнонды тиендемс сянь, мезе тиендемс аф мярьгондеви.

Павелонь сёрмац Риму 11:33

Вай кодама пефтома Шкаень козяшись, смузьшись и содамошись! Аф панжевихть Сонь мяленза-арьсеманза, аф кочксевихть кинза-янонза!

Павелонь васенце сёрмац Коринфу 1:18

Крёз лангса Кулофть колга кулясь – тя ёньфтомаши сятненди, кит молихть юмамань киге аду, а тейнек, идемань киге молихненди, – тя Шкаень вий.

Павелонь васенце сёрмац Коринфу 1:23

ина минь канттама Куля крёз лангс эськотьф Христость колга. Еврейхненди тя Кулясь – пупордамань кев, лия ломаньтналхненди – ёньфтомаши.

Павелонь васенце сёрмац Коринфу 1:24

А сятненди, конатнень тердезень Шкайсь: еврейхненди и грекненди, Христоссь – Шкаень вий и Шкаень смузьши,

Павелонь васенце сёрмац Коринфу 1:25

сяс мес Шкаень ёньфтомашись ломанень смузьшида ёню, и Шкаень лафчашись сяда вии ломаннеть коряс!

Павелонь васенце сёрмац Коринфу 1:27

Мезсь тя масторлангса лувови ёньфтомашикс, сянь Шкайсь кочказе, и тянь вельде вятезень смузюфнень визькс шамас. Мезсь тя масторлангса лувови лафчекс, сянь Шкайсь кочказе, и тянь вельде вятезень виихнень визькс шамас.

Павелонь васенце сёрмац Коринфу 11:32

А мзярда Азорсь минь судендасамазь-наказасамазь, Сон ладясамазь виде кис – тязаме уле судендафт аду лядыкс масторлангть мархта.

Павелонь васенце сёрмац Коринфу 2:14

Но кинь эса аш Ваймопожфсь, сянь аш виец сявомс сянь, мезе максови Шкаень Ваймопожфть эзда. Тяфтама ломанти ся ёньфтомаши: тейнза аф шарьхкодеви ся, мезть колга эряви судендамс аньцек Ваймопожфть вельде.

Павелонь васенце сёрмац Коринфу 4:10

Минь Христость инкса ёньфтомотама, а тинь Христость эса смузюфтада. Минь лафчтама, а тинь виихтяда. Тинь пара лувкссотада, а минь аш пара лемоньке.

Павелонь васенце сёрмац Коринфу 6:2

Кали тинь аф содасасть: Шкаень ломаттне кармайхть судендамонза масторлангть? Кда тейнть сави судендамс масторлангть, эста мес тинь лувсасть эсь прянтень аф кондястикс судендамс ёмла тефнень?

Павелонь сёрмац Галатияв 1:15

Но Шкайсь Эсь пароказненц коряс кочкамань монь нинге тядянь пекста шачемдон инголе и ладямань Эстейнза покодикс. Сон сась мяльс

Павелонь сёрмац Галатияв 4:8

Тяда инголи, мзярда тинь нинге ашесть сода Шкайть, тинь уледе урекс шкайхненди, конат прокс аф шкайхть.

Павелонь сёрмац Ефесу 1:9

Шкайсь пара мяленц коряс панжезе тейнек Эсь мяленц салавашинц, конань инголькиге путозе-ладязе пяшкодемс Христость эса

Павелонь сёрмац Ефесу 3:10

Шкайть мялецоль кемаень пуромксть вельде панжемс сембе ширде Эсь смузьшинц вярдень кяжи оцюнятненди и азорхненди.

Павелонь сёрмац Колоссав 1:19

Вдь Шкайть мялецоль: эряль-ащель Шкаень сембе пяшксешись Цёрать эса.

Еврейхненди сёрмась 1:14

Дяряй аф сембе ангелхне – тя лезды ваймопожфт? Синь кучфт лездома сятненди, кинди максови идемась.

Еврейхненди сёрмась 2:3

эста дяряй минь мянттяма пандомада, кда тя инь оцю идемать лувсаськ аф питникс? Тя идемать колга васенцекс корхтась Сонць Азорсь, и сят, конат кулезь Сонь валонц, кемокстазь сонь и пачфтезь сонь тейнек.

Еврейхненди сёрмась 7:25

Сяс Сонь ули виец фалу идемс сятнень, кит вельденза сашендыхть Шкайти. Вдь Иисус эряй пефтома пингс и озонды синь инксост.

Иаковонь сёрмац 4:4

Шкайти полафни ломатть! Дяряй аф содасасть: масторлангть мархта ялгафтомась – тя Шкайти каршек молема? Кинь мялец улемс ялгакс тя масторлангти, ся арси душманкс Шкайти.

Иаковонь сёрмац 5:15

Кемама мархта озондомась пчкафтсы сярядить, и Азорсь стяфтсы сонь. И кда ся ломанць тись пежет, синь нолдавихть тейнза.

Иаковонь сёрмац 5:20

эста катк сон содасы: ся, кие мрдафтсы пежуть видешинь ки лангс, идесы пежуть ваймонц куломада и нолдафтсы лама пеженц.