Павелонь васенце сёрмац Коринфу 1:20 - Од Соткс Новый Завет на мордовском-мокша языке 2016

²⁰ Коса тяни смузюсь? Коса койти тонафтысь? И коса тя масторлангонь ёнюста арьсись, мазыста корхтайсь? Дяряй Шкайсь ашезе няфте тя масторлангонь смузьшить сембе ёньфтомашинц?

Павелонь васенце сёрмац Коринфу 1:20 ပူးပေါင်းရင်းမြစ်များ

Матфей 13:22

А сялги тишетнень ёткс видеф видьмось тя ся, кие кульсы валть, но эряфонь тефне и козяшити прафтомась опапнесазь валть, и сон аф канды раштафкс.

Иоанн 12:31

Тяни сась масторлангть судендама пингоц; тяни тя масторлангть азороц ули паньф тяста.

Апостолхнень тевсна 17:18

Весть сонь мархтонза срхкафтсть пялькстома философт – эпикуреецт и стоикт. Финцне кизефнесть: «Мезе мялец азомс тя лама валонь шотнайть?» Омбонцне: «Афоли сон азонды лия масторонь шкайхнень колга». Тя сянкса, мес Павел пачфнесь Пара куля Иисусонь колга и кулофста вельмамать колга.

Павелонь сёрмац Риму 1:20

Менельхнень-масторхнень тиемаснон эзда сявомок, Шкайть аф няевикс ширенза – Сонь пефтома виец и Шкайксшиц – няфтьфт ломаттненди Сонь тифонц вельде. Сяс ня ломаттненди аф аралави прясна Шкайть инголе!

Павелонь сёрмац Риму 1:22

Лемнемок эсь пряснон смузюкс, синь арасть шава прякс.

Павелонь васенце сёрмац Коринфу 1:19

Сёрматфксса азф: «Мон машфтса смузьшиснон смузюфнень, и нардаса ёнюфнень ёньцнон».

Павелонь васенце сёрмац Коринфу 1:26

Лятфтасть, кемай ялгат, кикс тинь уледе, мзярда тинь тердедязь Шкайсь. Аф ламоль ётксонт стамда, кинь ломаттне лувозь смузюкс, аф ламоль виида, пара лувксоннеда и содавикс юромоннеда.

Павелонь васенце сёрмац Коринфу 1:27

Мезсь тя масторлангса лувови ёньфтомашикс, сянь Шкайсь кочказе, и тянь вельде вятезень смузюфнень визькс шамас. Мезсь тя масторлангса лувови лафчекс, сянь Шкайсь кочказе, и тянь вельде вятезень виихнень визькс шамас.

Павелонь васенце сёрмац Коринфу 1:28

И мезсь тя масторлангса юромфтома, мезькска аф лувови, аердаф, сянь кочказе Шкайсь, тянь мархта няфтезе: ся, мезе лувондови питникс масторлангса – ся шава.

Павелонь васенце сёрмац Коринфу 11:32

А мзярда Азорсь минь судендасамазь-наказасамазь, Сон ладясамазь виде кис – тязаме уле судендафт аду лядыкс масторлангть мархта.

Павелонь васенце сёрмац Коринфу 2:6

Минь азондсаськ смузьшить сятненди, кит кенерсть тянди, но тя аф масторлангонь смузьши и аф тя масторлангонь азорхнень смузьшисна, конатнень шисна ни лувфт.

Павелонь васенце сёрмац Коринфу 2:8

Тя масторлангонь азорхнень эзда кивок ашезе сода-шарьхкоде тя смузьшить, афток афолезь эськоде крёз лангс иневалдонь Азорть.

Павелонь васенце сёрмац Коринфу 3:18

Кивок тязазе васькафне эсь прянц! Кда кие лувсы прянц смузюкс тя масторлангса, ся катк тиеви ёньфтомокс смузюкс араманкса.

Павелонь васенце сёрмац Коринфу 3:19

Вдь тя масторлангонь смузьшись Шкайть инголе ёньфтомаши. Сёрматфксса азф: «Шкайсь кунцесыне смузюфнень синцень ёжушисост».

Павелонь васенце сёрмац Коринфу 6:2

Кали тинь аф содасасть: Шкаень ломаттне кармайхть судендамонза масторлангть? Кда тейнть сави судендамс масторлангть, эста мес тинь лувсасть эсь прянтень аф кондястикс судендамс ёмла тефнень?

Иаковонь сёрмац 4:4

Шкайти полафни ломатть! Дяряй аф содасасть: масторлангть мархта ялгафтомась – тя Шкайти каршек молема? Кинь мялец улемс ялгакс тя масторлангти, ся арси душманкс Шкайти.