Taitas 3:8 - Oksapmin

⁸ Nohe ma napor meng moh arpin dam timdin meng ohoh ihan Taitas go ohe danongwi kasip hat patim orhor kasip mat orhor Got orhe danong ham Ohwi inahatin hatin hanwa ma dahapti kuuhan gur yah danongwi ham yah hat orhorwi sashenmur porinmur. Yah hat sapti ohe da oh kuuhan gonsi ihirnong panggeitin yahnap da ohoh ihan yah hat orhorwi sashenmur porinmur.

Taitas 3:8 ပူးပေါင်းရင်းမြစ်များ

Matyu 20:4

Be patihan Gin gurhe nohe tomhan nakapom saprohehan sona. Susa tamreinperhan ama tamreiya ohe yan oh napriprohmur por darhetipri.

Jon oh yah meng ma brak matip ohe meng oh 12:44

Gahan Jisas oh kasip mengteiwi Gur nohnong Ohwi inahatin hatin hanwa ma dahapti kuuhan gur nohnongwi na ginaporiptimur. Ma ginaporipti oh at nutanutnong tap mat ginaporiptimur.

Jon oh yah meng ma brak matip ohe meng oh 5:24

Arpin gur nohe meng amrama nohnong ma nadarhetip han ohnong Ohwi inahatin hatin hanwa dahayahanoh ama dahaya gurnong oh eimat paten dasi haptimur. Ama gur eimat paten dasi ham yah dasi hat pati ohoh ihan noh gurnong Gur er hanmur napor gure boknonghe nohe heisup da oh na nahatipramur.

Aposer 12:15

ihir Epe. Go da timbas hat patim giripatda. Ohnongra karapus mat ma papti oh potperhan uh Es. Arpin Pita orhor pathemur potporhan Ihan orhe da ohkin apris ap gwatei duup ohot pat ama gipotpa oh.

Rom ihirnong Por oh brak atip ohe meng oh 4:5

Got orhe Gur yah han bapmur napor ma napripat da oh dire tamreim sapti ohe pe oh Ihirnong yan apripora daham yan na napripatmur. Dire Er han nohnong orhorwi inahatin hatin hanwa dahapti ohe pe oh yan timbas be napripatmur.

2 Korin 4:13

Rih ma brak matpa meng oh mama ohmur. Noh Got ohe rit natip meng oh arpin menghe daham porpatmur rim brak matpamur. Ama brak matpa mengru hat orhor nuhurhe Arpin meng ma hapat daham meng naporiptimur.

Epesas 4:28

Gapah hapti han gurhe gapah hapti danong oh hariri por mandanmur. Mandapti guragure bes tei yah hat tamreindinnong asoh yah hat tamreima den yah mat damo hatip hat pati ihirnong pandemo hat patenmur.

1 Timoti 1:15

Krais Jisas oh er hat sapti han dirnong nambutinmat wanhupmur ma ripti meng moh arpin meng ripti ma hapat daham han gonsi dir amratin mengmur. Er hat sapti han dirnong nambutinmat ma wanhup oh nohri duupteinap ernap hat sasuh han nohmur.

1 Timoti 2:8

Ihan noh aptei aptei ma pati han gonsi ihir heisup ham inggoshatin da oh timbas hat patim ongeng mat papti da orhorsiwi Got ohnong dahamar ha paptengwe dahat patmur.

1 Timoti 5:10

Ama kuu ihir brer ihirnonghe pomat papayao hohop han ihirnong ambura papayao Got ohe nita bap ihir apriperhanhe ire tong agahmar papayao ruumsup hat pati ihirnong panggeim papayao ama ire kin tei ihat yah hat tamrein sapti kuu tahem ire winnongwi asarinmur.

2 Timoti 1:12

Imat kis nahat napapat ohoh ihan noh ama ohe meng oh pot pisapatin ama ohe pe oh nohnong ruumsup nahat napapti orhor noh na kas hapatmur. Ruumsup nahat napaptin orhor nohe ma na kas hapat oh Krais Jisas orhor nohnong Go nohe yah meng moh pot pisashenmur napor nohe hrepnong matip yah meng moh orhor wamat paptepra ma hapat dahapat ohoh ihan nohhe ruumsupsi nahat napapti dus orhor noh na kas hapatmur. Norhe Orhorwi inahatin hanwa daham ma am hat pat han orhor orhe mengnong yah mat orhorwi wamat papatru yah mat papatin orhor orhe pepe dik oh sa hatipra dahama na kas hama kasip hat orhorwi patmur.

Taitas 1:9

Kis mat ma pisapra oh Poro dire arpin meng poriptinong kasip hat dindeipti ihirnongwi kis mat pisonmur. Ihirdapat kuuhan ihirnong pomat meng por ire danong akasip mat sa pisapri. Mengnong ma na amram gardeipti ihirnong oh pomat potperhan ihir amrama Epe. Nure ma ripti meng oh er menghe. Maire naporipti meng moh arpin yah menghe ihirhe sa dahapri. Imat pomat ha ritingwe rim dire arpin meng poriptinong kasip hat dindeipti ihirnongwi kis mat pisonmur.

Taitas 2:14

Ama minhan pati han Krais orhor Noh ire er nang hrepnong hat pati moh norhor ambura yah teinong matpora. Yah teinong mara ire er gap ahirmara eimat norhe kuuhan hat paten han bap matpora. Mara yah hat pan hat sashen ohe da ohsi matpora daham orhe yah hat paten ohe danong na hama dire danong ham dire gwemat haputipmur. Ama inahapat han orhornong apripra ma hapat daham minhan patimur.

Taitas 2:7

Pora Taitas gorhe us apir ma hahnonghe yah hat orhorwi pinggim sashenmur. Ihat pinggit sapatin ihirhe gorhe yah hat sapatnong oh wanahama ihirhe ihat yah hat orhor sa sasipri. Ihat susa meng ma am mar poriprahe go arpinnap mengwi porinmur. Deinin meng hatinmathe poripra. Da darherpat pomat mengwi porinmur.

Taitas 3:1

Taitas go Got ohe nita hat pati kuuhan ihirnong Gur gapman bap kakhan hat pati han ire hrepnong hat inpera daham ire hrepnong hat patim ire naporiya meng oh marim amram dindeinmur. Dimara ire yah tamreindin ohnong oh tamreindina naporiyahanoh naporiya meng oh gur damdapat pan hat pati da orhorsi tamreinmur.

Taitas 3:14

Krit ihir gospanggeit indin ohe danong asoh na hat pati bap ohoh ihan Got orhe nita kuuhan bap ihir gospanggeit indin ohe danong asoh na hama be patepririm Taitas go ihirnong Gur beheri gapa hat patepri. Kat kuuhan ihir ire din hano erer oh hatip hat patihanhe moh panggeitin kat oh patin orhor dir kapkap na panggeiyahan er hatiprohekin daham ama ihat hatip hat pati kuuhan ihirnong panggeitin ohe da oh kasip hat orhor am ham pomar panggeit paptenmur porinmur.

Pirimon 1:11

Oh rih oh gorhornong na napanggeim be gapa hat patesuhmur. Ohe gin ma patnong oh gonong napanggei nohnong napanggei nahatin han hat patmur.

Hibru 10:24

Ihat minhan patim arwananah ire danong ham gospanggeipti dao yah hat sapti ohe dao oh ha isip hat sonoh rim kasip goshat orhorwi sasipera.

1 Pita 1:21

Ama namohom haputip ohe dap tei oh gurhe Got orhorwi inahatin hatin hanwa dahat patimur. Got oh Krais ohnong it da pamsasa armi mar win isipsi papten han matipmur. Got oh Krais ohnong imtipo rim ihan dirnonghe inahatipra ma hapat daham minhan patimur.