Taitas 2:12 - Oksapmin

¹² Pitap teinong mara Gin gur norhe yah da pitap teinong dei moh wandeipti gur Got norhornong kom nasar er hat sapti ohe dao kakdah han guragure ina teimdapat tarpam Noh ihtipora noh ihtipora daham ma er hat sapti ohe dao ama ihat sapti danong ohri kom asar mandatinmur. Mandama kakdah morhor patim potahat daham saya apriya hat ayao yah hat son ohe danong hayao Got orhe dahat pat danongwi hat ayao hat sashenmur.

Taitas 2:12 ပူးပေါင်းရင်းမြစ်များ

Matyu 12:32

Hanip Brer nohnong dasei nahayahanoh ama ohe yan oh natimbas matin hatin mat patmur. Mat patmura; Yahsup ohnong dasei deiyahanoh ama ohe yan oh gino kaputo orhorsi na natimbas matin hatin hat patmur.

Matyu 16:24

Por indeipat nuhurnong Gur Noh ohe danong ham dimtipora ma dahapti kuuhan gur guragure ma Nuhur ihat inpera ma dahapti da oh mandama Noh Jisas ohe danongwi hat sapatin nohnong ruumsup naham nitperhan hapurhanhe yahwa dahat orhorwi nohe danong ham dinahenmur.

Matyu 28:20

Patira nohe gurnong sawa ma nasarisuh meng oh gonsi am mat pisashenmur. Am mat ma pisasipri oh mama meng moh amram dimarwi paptenmur por am mat pisashenmur. Mohnong dahenmur. Nohe ma patepra oh noh arpin gursi napanggeit orhor napapatru nahat napanggeit napapatin kaput mong pepe dik sa hatipra napongop.

Ruk oh yah meng ma brak matip ohe meng oh 1:6

Ite gamin dahe Got ohe kintei duutin dasi hat orhorwi susa Got ohe sawa mengo orhe porpat mengo ohwi rum mutuh matwi dindeishemur.

Ruk oh yah meng ma brak matip ohe meng oh 1:75

Natamreima norhe kintei nuhur Got orhe hanmur rim ongeng mat papti da ohsi; duutin da ohsi hat ma sapti da ohsi hat sa patepri rim Epraham ohnong gipor awam tuketipmur.

Jon oh yah meng ma brak matip ohe meng oh 14:30

Gin kakdah mohe er nahapat duuptei han oh apris kakduup hat pat ohoh ihan norhornong son kakduup hah tei ohoh ihan noh meng napot indin dikhe gin timbas hatin kakduup hapatmur. Noh ama er nahapat duuptei han ohe hrep oh noh na patmur.

Jon oh yah meng ma brak matip ohe meng oh 6:25

Mandesa Jisaso nuhur matan patin ihir wanahangopa. Wanaham ohnong Tisa. Go desut mandeih pongopa.

Aposer 24:16

Noh ihat patim Got ohe kinteio kuuhan ire kinteio oh Go er hat sapat hanmuro napotiprihanrim ire kintei yah hat son ohe danong ohwi kasip hat sapatmur.

Aposer 24:25

Pora hanip dire ma duung dasi ham ongeng taham yah hat sapti da mengo yah da oh hanip diradire hrepnong mar papti ohe da mengo kaput ma Got orhe apris dirnong dahanaham nasatipra ohe da mengo oh potipri. Potporhan Piriks oh kas hama ohnong Gin gwe meng oh kiwa. Sonmur. Kwit noh it gwe mengnong namratpor dahah tei oh it unatipramur pongopri.

Rom ihirnong Por oh brak atip ohe meng oh 12:2

Da ina imat ma apripti han bap guroh kakdah mama dahat sapti da hatin hathe sasipri. Kakdah mama da hat sapti da moh Got oh dat namdama orhe dahapat kopenohe da ohsi ha nahatinoh. Nahatporhan noh kopenohe da hat son dasi nahah mohsi hat sasipora daham ama kopenohe da ohsi saya apriya hatwi sashenmur. Ihat susa Got orhe Moh yah damur dahapat ohe danong am hayao orhe amam mat papat danong am hayao orhe ihat ha sashengwe dahapat danong yah hat orhor am hayao hat sa sasipri.

Rom ihirnong Por oh brak atip ohe meng oh 6:12

Gur ihat pati han bap ohoh ihan mama hapuripti ina moh er da ohe hrepnong mathe paptepri. Ohe hrepnong mat papayahan ama ina teimdapat Ihtipera dahapti er da oh pranahat napisus er teinong nahatiproh ohoh ihan gur ama ihat ina teimdapat pranahat napisapat da hrepdapathe hat patepri.

Rom ihirnong Por oh brak atip ohe meng oh 6:19

Gur kakdah mohe danong hat patim kapkap pomat na dahapti han bap gur ohoh ihan noh meng oh diradire kakdah wamar am hapti han morhe boknong mar mama naporpat ohmur. Gur rih er da hrepdapat hat patim buh bes ina mohsi Er hat sona por er danong isip mat pisashemur. Imat isip mat ma pisasheru mat orhor ginhe nure buh bes ina moh Got gorhewimur. Ihan go duutin dasi ongengnap mat orhorwi napisashenmur por orhornongwi aprishenmur.

Rom ihirnong Por oh brak atip ohe meng oh 8:13

Imat napapat ohe Yahsup orhe danong na hama ina teimdapat er da tarpam er da tei pranahat napisapat ohe danongwi hayahan eimat Got ohsi yah hat na patepri ohe danong oh dar ihat saptimur. Yahsup orhe inahat napapat ohe kasip ohsi guragure ina teimdapat er da tarpam ihat sapti danong asoh kom asar mandayahanoh yah hat eimat paten danong dar ihat saptimur.

2 Korin 1:12

Nuhur Got oh nure boknong armi nahatin inasi nahapat ohe meng oh napotiprohemur. Mamarumur. Nure da oh nuhur kakdah mama saya apriya hat ma pati oh kakdah moh ohe dakuu da ohsi saya apriya na haptimur. Got orhe damdapat Imat yah matpora ma dahapat ohe kasip orhorsi hanip ire mutuh oh gisipga dasi na ham tit dawi hat patim Got orhe duung da ohsi hat gure mutuh oh yah hat namgit saya apriya hat pati ma hapat dahapatimur. Ama ihat yah hat saya apriya hapti da oh Got orhordapat nure boknong armi nahatin inasi nahatporhan ihat saptimur.

2 Korin 7:1

Got oh ritporhan ma brak matpa meng ma riya moh dirnong tap mat napotip ohoh ihan nohsi taptem dir Mameng moh arpin dirnong napotip ma hapat daham da ina tei ma er nahapat da moh gonsi mandatpero. Mandama Got orhornong kas ham diradire da inanong ongeng mat papinpero rim noh mameng moh naporpatmur.

Garesia 5:24

Krais orhe nita dire ina teimdapat ma tarpapat er danong oh irat bok sur gardeiya hatin mar mandaptimur.

Epesas 1:4

Ama bapkei naham napripat da oh rih orhor mong kopen na darpat patin orhor Got oh dirnong Maihirnong kaput krais orhe dap teidapat norhe nita bap matipramur. Indeipat norhe hannap matporhan ihir yah hat ongeng tahat orhorwi saya apriya hat paten han bap mat paptepramur daham ihat paten han bap nahat napapatmur.

Epesas 2:2

Er danong oh ihat patim gur kakdah mohe er hat sapti danong dindeiyao aw tei mahat ma pat han duuptei er han ohnong dindeiyao hat pateshemur. Ama dindeishe duuptei han oh Got ohe meng na amram sakarap deipti han ire mutuh oh kasip mat papat kakhan ohmur.

Korosi 1:22

Imat Got ohnong mahaw mat papteshe orhor Got orhe damdapat Noh ihirnong norhorsi yah hat paten han bap matpor daham orhe heisup nahat napapat da oh mon orhe ongengnap tahat pat boknong matporhan mon oh haputipmur. Haputporhan mon oh dire gwemat hapur ohe dap tei amdapat dirnong orhorsi yah hat paten han bap nahatipmur. Ma inahatip oh Maihir ongengnap ham ire boknong matin meng timbas hat patim nohe patnong ha apringwe daham inahatipmur.

1 Tesaronaika 4:7

Got oh dirnong Gur norhe hanmur napor orhe han nahat ma napapat oh dir er danong ham bisei saw hat ha songwe rim Gur norhe han bapmur na napotipmur. Norhe han bap gurmur ma napotip oh ongeng tahat ha songwe rim Gur norhe han bap gurmur napotipmur.

1 Tesaronaika 4:9

Diradir da goshat indiprohemur dahatin da oh Got orhor gurnong am nahat napapatin ada ohsi da gosapin pati ohoh ihan nuhur ama ihat paten meng oh na napotin hat patimur.

1 Timoti 4:12

Kuuhan ihir gonong wanahama moh kopen han ma hapat. Ihan meng moh dasuh mengsi naporpat ma hapat daham dasei nahatipririm gomdapat yah meng potin dao yah hatwi son ohe dao ire danong ham panggeitin ohe dao Got ohe danongwi kasip hat paten ohe dao yah danong ongeng mat papti ohe dao oh Krais ohe danong hat pati han ihirnong pinggit pisashenmur.

1 Timoti 6:17

Timoti go kakdah morhe erernong ma kamah han hat pati ihirnong kasip mengtei porinmur. Kamah han gur kakdah timbas hapat han ohe danong ham erer ruumsan mohoh nohnong yah nahatipra ma hapat. Ihan nuhurwi yahnap hat pati han bapmur dahapri. Got orhornongwi Orhorwi yah nahatipra han ma hapat dahenmur. Ama han Got oh Ihir da yah ham amam hat ha patengwe daham erer oh yah mat orhor ruumsan napripat han ohoh ihan orhe danongwi hat patenmur.

1 Timoti 6:9

Ihat na dahama Noh kamah erer ruumsansi han hatpor ma dahapti ihir iraire Ihtin hansi hat patineng ma dahapti ohe er da oh pramat pisusa ambir temnong deipatmur. Matporhan da ban tahat patim Titsi datpor. Titsi datpor ma dahapat da oh ihirnong er mara timbas deipatmur.

2 Timoti 3:12

Nohnongwi inahat napapti basmur. Nuhur Krais Jisas orhe tapnong hama yah danongwi hat pateper ma dahapti han gurnonghe gonsi inahatperhan mama mihtin ruumsup oh gure boknong inahaptimur. Imat ruumsup nahapti ohoh ihan gur kasip hat orhor patenmur.

2 Timoti 4:10

Nohsi patesuh han Demas oh kakdah mohe paten danong isip hama nohnong namdama Tesaronaika apteinong pipmur. Ma napanggeit napapti han ihiroh Kresens oh Garesia mongnong sus patmur. Taitas oh Darmesia mongnong sus patmur.

Taitas 3:3

Nohe Go ire danong apamsaswi paptenmur ma napor oh diradire rih ma pateshe danong oh dahama ginapormur. Rih ma pateshe oh da oh mamaru hat pateshemur. Rih ma pateshe oh da ban tahat patim hanip meng naporiya mengnong na amram sakarap deishemur. Dir hanip ire dasuh meng naporiya mengnong oh amratperhan ameng oh pranahat er da basnong napisasuhmur. Diradire er da orhor noh ihahneng noh ihahneng ma dahapti da ohe hrep naham namrin napaptesuhmur. Ihama er da ham susa tit han ohe ihahnong asoh nohhe ihahneng daham abopor deishemur. Ihat patina kat han ihirdapat dirnong dasei nahayao diradirhe dasei gosham mahaw goshat pateshemur.

Hibru 8:11

Norhe sawa meng oh gure da mutuhnong namtiporhan brero hanipyaho kamah hano borop hano gonsi gur norhornong am hatiprimur. Am hat patin ohoh ihan gurdapat guragure yah han ihirnongo arwananah ihirnongo Gur Hanipyah ohnong mihat daham am hatinmur por am deinhe timbasmur. Ihir am hatwi patimur.

Jemis 1:27

At Got orhe kintei dasuh timbas yahnap hat ma sapti da oh mamaru hat patimur. Tit oh kuu tahemo saham brero ire ruum hat ma pati danong apang mara ma panggeipti da ohmur. Tit orhe kintei yah hat ma sapti oh kakdah moh ohe er da oh nohnong er nahatipra daham ongeng mat ma pisapti da ohmur.

2 Pita 2:9

Hanipyah oh indeipat han ohoh ihan orhe da hatin hat patim yah hat sus ruumsup ma dat sapti dirnong oh ama ihat sapti dus orhor nambutin inasi nahat napapat ma hapat dahaptimur. Er hat ma sapti ihirnong oh batbet mar papatdapat kaput pepe dik ma nasatipra dik oh atnap isip batbet apinmat mamen mat apapat ma hapat dahaptimur.

2 Pita 3:11

Erer oh ihat timbas hatipra ma hapat daham ihan dir kinhat inper daham ihan nuhur Got orhe danongwi ham orhe dahapat da hatin ham ongeng tahat orhorwi saya apriya hatwi patepera daham sashenmur.

1 Jon 2:27

Noh gur ha am hatingwe rim mama meng moh brak mat nasar orhora; Krais oh Got ohe Yahsup oh gure mutuhnong namtiporhan Yahsup orhor am nahat napapat ohoh ihan gur am hat patimur. Gur am hat pati ohoh ihan nih Moh yahmur. Moh ermur napor am nahatiproh. Guragur am hat patimur. Yahsup oh gure mutuh patim ma am nahat napapat oh dasuh hat sashen ohe da oh na am nahapatmur. Arpin yah hat sashen ohe da ohwi am nahapatmur. Ihat am nahapat ohoh ihan orhe am nahapatru hat orhor Krais orhe tapnong hat patenmur.

1 Jon 5:19

Dir am hat patimur. Kakdah moh ohe erer gon oh gonsi Satan ohe hrepnong mat papatmur. Papatmura; Got orhe brer hat pati dirnong oh Got orhor orhe hrepnong nahat napapatmur.

Jut ohe brak mat atip ohe meng oh 1:18

Ma napotpa meng oh mamarumur. Pepe dik ma kakduup hah tei oh Got ohnong kom asar iraire er hat son ohe danongwi hat sapti han bap ihir aprisa ti dasei meng ti dasei meng oh Got orhe boknongwi mar dasuh nahat apriprimur napotpamur.

Erer tarpatipra 14:12

Ihtin supsi hat apiro rim Got ohe nita ham ohe sawa meng amram dindeipti guroh orhe danong hat sapti danong mandapri. Kasip hama ma kasip haya da orhorwi hat patenmur rim Jon noh mama nabrak dei ohmur.