Rom ihirnong Por oh brak atip ohe meng oh 9:7 - Oksapmin

⁷ Amaru hat orhor Epraham ohe puh ihirhe gonsi Got orhe nitawi hama arpin Isrer bap hat patida. Basra. Kat tit Got orhe nita na hat pati bap ihirmur. Got orhor Noh Aisak ohe puh ihirnongwi Gur norhe nita bapmur potipramur ritipmur.

Rom ihirnong Por oh brak atip ohe meng oh 9:7 ပူးပေါင်းရင်းမြစ်များ

Garesia 4:23

Mon yot ma itpa oh nang tatpat pat hatin hat ma patesuh kuu uhe oh be manhem itip brermur. Nang na tatpat pat hatin hat patesuh kuu uhe brer oh Got orhor Gut gamin brer mon tit manhem itiprimur por rit atip brer itipmur.

Piripai 3:3

Ire eit watah ma gatdeipti ohe pe oh Got oh ihirnong Gur yahnap han bapmur na porpatmur. Mama mihat pati han dirnongwi Gur yah hat pati han bapmur ginaporpatmur. Dire damdapat Got orhe Yahsup oh orhornong armi matin dasi nahat napapatin orhornong armi maro Krais Jisas orhor yah nahapatmur por armi maro ina teimdapat noh ihahhanoh Got oh nohnong Go yah hana na napotiproh ma hapat dahayao ama ihat pati dirnongwi Gur yah han bapmur naporpatmur. Napora Mama ihirwi arpin watah gatmatpa bap hatin hat pati han gurmur dahapatmur.

Ruk oh yah meng ma brak matip ohe meng oh 3:8

Gur tomwi wapero daham apripti gur guragure er hat sapti da oh mandatperhan ihir wanaham Ire er hat saptingweri da oh gin mandata ma hapat. Gin yah hatwi sapti ma hapat dahatin da oh ihirnong pinggit pisaptidapat apris tom wayonmur. Gur Nuhur Epraham ohe puh nuhur ohoh ihan Got oh batbet yan oh na napriprawa ma dahapti da oh dahapri. Gur Nuhurwi Epraham ohe puh ohoh ihan er dasi hat patin orhor nambutiprawa dahapri. Basra. Wan kweinong mohhe Got oh Epraham ohe puh matin hatinmur.

Jon oh yah meng ma brak matip ohe meng oh 8:33

Potporhan ihir Wa. Nuhurra Epraham ohe puh nuhur ohoh ihan nuhur tit han ohe hrepnong nahat napapatin nuhur nang tatpat napapat han bap hatin hat patida. Basra. Nuhur tit han ohe hrepdapat hat na patem yah hat orhorwi hat patesheru patiru gin mama pati ohmur. Nuhur ihat pati ohoh ihan go nuhurnong kianorim Gur arpin meng am hapti ohe pe oh nang arpit namdatipramur napor pongopa.

Ruk oh yah meng ma brak matip ohe meng oh 16:30

Potporhan kamah han oh At Eprahamo. Rih ma ritpa mengwi oh ihir sam na dahatiprohemuro. Haputpa han ihir tit it masas sus porhanoh ihir Arpinhe daham da tamburker er da mandatiprohemuro pongopri.

Matyu 3:9

Gur Nuhur Epraham ohe puh nuhur ohoh ihan Got oh batbet yan oh na napriprawa ma dahapti da oh dahapri. Gur nuhurwi Epraham ohe puh ohoh ihan er dasi hat patin orhor nambutiprawa dahapri. Basra. Wan kweinong mohhe Got oh Epraham ohe puh matin hatinmur.

Garesia 4:28

Gin norhe taptem gur Epraham ohe brer yotnong oh daham Nuhur Got orhe rit atip brer Aisak oh hatin hat pati ma hapat daham am hat patenmur. Tit oh mohnong dahenmur.