Rom ihirnong Por oh brak atip ohe meng oh 8:9 - Oksapmin

⁹ Oh ina teimdapat er da tarpapat ohe hrepnong mat papat han bap ihirmura; gurnong oh ihat na patimur. Gurnong oh gure mutuh oh Got orhe Yahsup oh patin ohoh orhe hrepnong naham napapatmur. Krais ohe Yahsup oh gure mutuh oh na pathanoh ama han gur Krais ohe nita bap hat na pati bap gurmur.

Rom ihirnong Por oh brak atip ohe meng oh 8:9 ပူးပေါင်းရင်းမြစ်များ

Ruk oh yah meng ma brak matip ohe meng oh 11:13

Gur kakdah moh er hat pati han bap orhora; guragure brer ihirnong yah hanwi apriptimur. Aw tei mahat ma pat han at Got oh atnap yahnap hat pat han ohoh ihan gur Got gorhe Yahsup oh nure mutuhnong mar napina poriyahanoh oh arpin napriprohmur pongopri.

Jon oh yah meng ma brak matip ohe meng oh 14:17

Ama napanggeit napaptepra Yahsup oh arpin meng ohe duuptei ohmur. Kakdah morhe danong hat pati ihiroh ama Yahsup ohnong na wandeiyao na dahayao hat pati ohoh ihan ihir Yahsup oh nure mutuhnong ha hatinoh na dahatin ina hat pati bap ihirmur. Gurnong oh guragursi tap hat orhorwi patru patepra ohoh ihan gur ama Yahsup ohnong am hat patimur.

Jon oh yah meng ma brak matip ohe meng oh 14:23

Potporhan oh Ei. Nohe danong ham ma bopor nahat pati gur nohe mengnongwi amrat patimur. Ama amrapti han gurnong oh at oh bopor nahama nuhut apris gursi eimat napapteprimur.

Jon oh yah meng ma brak matip ohe meng oh 3:6

Hanip gure brer manhem ma saripti oh kakdah mohe paten inasi sariptimur. Got orhe Yahsup ohsi nasar hatin ma nahapat guroh Got orhorsi paten inasi nasarpatmur.

Aposer 16:7

Imat pot pisusa gahan Misia mong apet tei oh kora gin Bitinia mongnong sapera dahatperhan Jisas orhe Yahsup oh Gur amongnongri na saprohemur por baso pongopri.

Rom ihirnong Por oh brak atip ohe meng oh 7:5

Dir rih ma pateshenong oh ihat na pateshemur. Ma pateshe oh ina teimdapat tarpam ihtiper ihtiper ma dahapti ohe da oh namkat napaptesuhmur. Namkat napapatin ohoh ihan sawa meng oh We. Go ihapra ma napor danong asoh Noh kis tahatpora daham ama ohe danong isip mat pisashemur. Isip mat pisaptin hapur sus eimat batbet dar paten ohe da oh dam timasuhmur.

Rom ihirnong Por oh brak atip ohe meng oh 8:1

Krais Jisas orhe tapnong hat pati dirnong oh Krais orhe dap teimdapat dirnong yah hat orhorwi paten da nahapat Yahsup oh dir er nang ohe eimat batbet dar paten ohe hrepdapat nang natpat napapatin orhor nang narpima yah teinong nahat napapatmur. Inahat napapat ohoh ihan Got oh ihat napapat dire boknong nahatin menghe timbasnapmur.

Rom ihirnong Por oh brak atip ohe meng oh 8:11

Ama inahat napapat han gure mutuh oh Jisas Krais orhornong pamsuhup han Got orhe Yahsup oh gure mutuh oh patmur. Pat ohoh ihan Jisas Krais orhornong ma pamsuhup han orhor orhe Yahsup oh gure mutuh pat ohe dap teimdapat gure kakdah mama hapuripti inanong oh it ama ina orhor napamsapramur.

1 Korin 15:23

Imat ma napamsapra oh Krais ohnongri pamsuhupmur. Komdapat orhe ma apripra dik oh orhe tapnong hat pati bap dirnong napamsapramur.

1 Korin 3:16

Gur mohnong dahat pati basda. Guragure ina bok oh Got orhe ap yawar hatin hat pati ohoh ihan orhe Yahsup oh gure mutuh patmur.

1 Korin 6:17

Hanipyah orhorwi tap hat ma pati bap dirhe orhorsi tit inawi ham tit dawi hat patimur.

1 Korin 6:19

Gur mohnong dahat patimur. Got oh Hanip ire ina moh ap yawar hatin hat patin norhe Yahsup oh ros sa patepra daham orhe Yahsup oh dire mutuhnong naham napapatin dir orhorsi patimur.

2 Korin 10:7

Gur nohe ma ihat pat danong na wanahama be ina teimdapatwi wanahapti Oh be ihat pat hanhe dahaptimur. Iham Nohwi Krais orhe mengtei atamreipat han ma hapat ma dahah han go it potahat dahatinmur. Ma dahatiproh oh Nohwi Krais orhe atamreipat han bas ma hapat. Por ohsihe nutanut arpin Krais ohe mengtei tap atamreipti han yot ma hapat sa dahatipra.

2 Korin 6:16

Kakdah dasuh got ire ap yawar ohsi; Got orhe ap yawar ohsi tit apwi matin hatinda. Basra. Na imtin hatin ohoh ihan gur sahsah mathe paptepri. Got oh ritporhan ma brak matpa mengnong moh dahenmur. Ma brak matpa meng oh mamarumur. Got oh Noh ire ina oh norhe ap yawar hatin mara ire ina mutuh oh noh patepramur. Ihat ma patepra oh ihirnong norhe nita mar paptepramura; ihirdapat norhornong Nure Gotmur napor napapteprimur. ritporhan brak matpamur. Giritporhan ma brak matparu orhe nita ma nahat pat dir gonsi dipwi pat han Got orhe ap yawar ongeng mat apapten ohe ap yawar hatin hat patimur. Ihat pati han dir ohoh ihan gur Got ohe danong na hapti han ihirsihe sahsah goshathe patepri.

Garesia 4:6

Krais oh dire tapnong hat patim sawa meng arpit namdatip ohoh ihan dir ama ohe pe oh Got orhe brer haptimur. Orhe brer hat patim Got oh Gur norhe brero rim orhe brer ohe Yahsup oh dire mutuhnong namtiporhan ama Yahsup ohsi At Gota poriptimur.

Garesia 5:24

Krais orhe nita dire ina teimdapat ma tarpapat er danong oh irat bok sur gardeiya hatin mar mandaptimur.

Epesas 1:13

Gin Juda na hat pati bap gurhe ihat orhor Got orhe it nambur yah nahatin ohe arpin meng oh napotperhan gur amrama Krais ohwi inahatin hatin han ma hapat daham Krais orhe ma imtip ohe dap teidapat gin gurhe Got orhe brer hatirimur. Orhe brer hat patin Got oh ihirdapat wanaham Moh Got orhe nita ma hapat ha dahatingwe rim orhe Yahsup oh kaput napripramur ma ritip Yahsup oh dirnong ket tup saripti ohe tan mat kis naham napin napapatmur.

Epesas 2:22

Imat dapat ap ohe tan isip mat ma apisapat oh gursi; nuhursi Krais orhe tapnong hat pati bap diradir gonsi tapnong naham tit bapwi nahat napisapatmur. Imat ma napisapat oh Got orhe Yahsup ohe paten apo rim ap isip mat apisapatmur.

Epesas 3:17

Papatin ihir Krais orhorwi inahatin hatin hanwa ma dahapti ohe dap tei oh Krais orhor ire mutuhnong ham ha patenohmur. Ihat patin Got gorhornongsi; hanip ihirnongsi bopor mar da apripti ohe da oh ire mutuhnong ha hatinohmur. Hama irat kaker oh mong mutuhnong yah hat wasa iratnong ma kasip deipatru hat orhor bopor mar da apripti ohe dahe ihat orhor ha kasip deinohmur.

Piripai 1:19

Noh amam hat patru hat orhorwi patepramur. Noh amam hat patepramur ma ri oh mamarumur. Nohnong ruumsup naham karapus nahat napapti moh er nahatinmat imat napapti orhora; gur nohe ihat pat danong moh hama Got ohnong nadahandeiyao Jisas Krais oh Yahsup ohsi nohnong yah nahat napapao imat orhorwi napapayahanoh kat han ihirdapat nohnong er nahatinmat karapus nahat napapti orhora; Got ohdapat ama er nahatin da ohnong it yah nahatin dasi matiproh ma hapat dahat patmur. Ihtin ohoh ihan noh amam hat patepramur.

2 Timoti 1:14

Pot pisusa Got ohe yah meng oh gwe hrepnong ma matipnong oh ihir aer matipririm orhe Yahsup dire mutuh ma pat Yahsup ohsi diradire ihsen yahnap tit ma boporsi mar paptiru mat orhor apaptenmur.

1 Pita 1:11

Ama aperishe ohe meng oh mamaru hat patmur. Yahsup oh ihirsi patim kaput Krais oh ti ina ruumsup ti ina ruumsup ohe batbet oh ohe boknong matperhan datipramur. Darpat komdapat oh ti da ti da armi matin ohe da oh oh datipramur por rit asarisuhmur. Por rit atporhan ihir mama naporpat meng moh de dik sa tarpatipra. Dir kinhat patin apripra gigosham am hatinmat aperishemur.

1 Jon 3:24

Ama sawa nasarpat mengnong amram dindeipti han bap diroh Got orhorsi tap hat patimur. Ohdapathe dirsi tap hat patmur. Ihat Got ohsi tap hat ma pati da oh orhe napin pat Yahsup oh Gur ihat Got ohsi tap hat patimur napor am nahatporhan dir ohsi ihat pati ma hapat daham am haptimur.

1 Jon 4:13

Gur mohnong dahenmur. Got orhe Yahsup ma napin pat ohe penong oh dir wamara Dir ohsi pati ma hapat. Orhor dirsi pat ma hapat daham am hat patimur.

1 Jon 4:4

Norhe taptem brer muk gur Got orhorsi tap hat pati ohoh ihan ama dasuh han bap ihirnong gurdapat ambapte mat paptimur. Gure mutuh ma pat Got orhor kakdah ohe danong hat pati han bap maihirnong orhe kasipnap ohsi ihirnong ambapte mat papat ohoh ihan ama imat papat Got orhe kasip ohsi gur ihirnong ambapte mat paptimur.

Erer tarpatipra 13:8

Imat wamat patin mong mong mama pati gonsi ihir ama kurwah ohe danong ham ihir armi deiprimur. Gonsi armi deipri orhor kat ihir mong na tarpat patin orhor da dipwi paten ohe brak tei ma win atip ihir ohnong na armi deiprimur. Da dipwi ma patepri ohe brak oh sipsip bap hatin ma sutpa han ohe brak ohmur.

Erer tarpatipra 20:15

Mandapat eimat paten ohe brak matip tei oh ire win ma na brak matip ihir ama win timbas ihirnonghe tahe pora ama irat taurpat tanggap isip dahnong ohom tihi tahe por mandangop.