Rom ihirnong Por oh brak atip ohe meng oh 8:14 - Oksapmin

¹⁴ Got orhe Yahsup ohe danongwi ham ma dindeipti gur Got orhe brer gur ohoh ihan ama imat dindeipti guroh eimat yah hat paten da dar ihat sapti bap gurmur.

Rom ihirnong Por oh brak atip ohe meng oh 8:14 ပူးပေါင်းရင်းမြစ်များ

Garesia 5:18

Ihtin dasi nahat pati orhora; Yahsup ohe naporpat ohe meng oh amram dineiyahanoh sawa meng nang natpat pat han ohe hrepnong na hat patimur.

Jon oh yah meng ma brak matip ohe meng oh 1:12

Hahap matperhan kat han dir Orhorwi inahatin hatin hanwa daham ambutpamur. Gidaham ma amburiya han dirnong oh Got oh orhe brer hen ohe da oh napripatmur.

Garesia 3:26

Gin dir gonsi Krais Jisas ohnong ohwi inahatin hatin hanwa dahapti ohe pe oh Got oh Nohe brermur naporpatmur.

Garesia 5:16

Nohe ma naporpat oh mamarumur. Gure mutuh Yahsup ma naporpat meng danong ohwi amram dindeiyahanoh ina teimdapat Noh ihtiprohneng noh ihtiprohneng daham er danong hat na sasiprohemur.

Erer tarpatipra 21:7

Er danong ire merwi mar suya han ihirnong noh ama han ihirnong norhe brer mara nohe erer oh apripramur. Aprisa Got noh ire armi nahatin han itap hat paptepramur.

1 Jon 3:1

Gur mohnong dahenmur. Han bana. Got orhe bopor nahat napapat da mohri isipnap nahat napapatmur. Isipnap nahat ma napapat ohe pe oh dirnong Gur norhe brermur naporpatmur. Imat ma naporpat oh dir arpin orhe brer hat patin Gur norhe brer gurmur naporpatmur. Dir ihat orhe brer ma hat pati oh kakdah han diradir kat han ma Got ohnong hanhan hat pati han ihiroh Got orhe pat danong hanhan hat pati ohoh ihan orhe brer hat pati dire ihat ma sapti danong ohsi hanhan hat patimur.

2 Korin 6:18

Nambura norhor gure ita hat patepramur. Gur norhe brer kuunango wanango ham diradir pateprimur. Hanipyah kasipnap han norhor ginaporpatmur. potporhan ama meng oh brak matpamur.

Garesia 4:6

Krais oh dire tapnong hat patim sawa meng arpit namdatip ohoh ihan dir ama ohe pe oh Got orhe brer haptimur. Orhe brer hat patim Got oh Gur norhe brero rim orhe brer ohe Yahsup oh dire mutuhnong namtiporhan ama Yahsup ohsi At Gota poriptimur.

Rom ihirnong Por oh brak atip ohe meng oh 8:5

Mohnong dahenmur. Ina teimdapat er da tarpam Noh ihtipor ihtipor daham dindeipti gurhe ama ina teimdapat er da tarpapat danong marim ohe danongwi hat pati bap gurmur. Yahsup orhe danongwi hat sapti bap gurhe Yahsup orhe Ihir ihat ha songwe ma dahapat danongwi marin pati bap gurmur.

Rom ihirnong Por oh brak atip ohe meng oh 8:9

Oh ina teimdapat er da tarpapat ohe hrepnong mat papat han bap ihirmura; gurnong oh ihat na patimur. Gurnong oh gure mutuh oh Got orhe Yahsup oh patin ohoh orhe hrepnong naham napapatmur. Krais ohe Yahsup oh gure mutuh oh na pathanoh ama han gur Krais ohe nita bap hat na pati bap gurmur.

Epesas 5:9

Orhe has da teiwi susa dam ma timapat ohe dam oh mamarumur. Yah hat sus ma duutin dawi hat sapti dao arpin dasi sapti dao oh has da teiwi sus ma dam timapat ohe dam ohmur. Gur ama has da teinong hat pati bap gur ohoh ihan ama dam ohsi hat sashenmur.

Rom ihirnong Por oh brak atip ohe meng oh 8:19

Orhe brer nahat napapat dire boknong has yahnap da ma pitap matipra oh orhe gonsi darpatip gonsi erer oh imat pitap matipra ma hapat daham kinkin da ham wamat patimur.

Rom ihirnong Por oh brak atip ohe meng oh 9:8

Ama giritip oh be hanip puh artahat saptinong asoh daham norhe nitamur na ripatmur. Orhe daham ma rit atip bap ihirwi arpin norhe nita ihirmur ripatmur.

Epesas 1:5

Ihat paten han bap nahat ma napapat oh dirnong rih orhor isip bopor nahama orhe da orhor Noh kaput Jisas Krais orhe dap tei oh ihirnong norhe brer mar paptepramur daham kis nahat napaptesuhmur.

Rom ihirnong Por oh brak atip ohe meng oh 9:26

Ihtin meng orhor tit ma ohnong potporhan ma brak matip oh mamaru hat patmur. Ire pati tei oh gur norhe nita bap basmur ma gipotip tei oh atei orhor noh it Gurnong oh patru patepra han Got norhe brermur potipramur. ritporhan Hosea oh brak matipmur.

Matyu 5:9

Gusupti meng ma agatmar sawa asaripti gurnong Got oh norhe brermur naporpatmur. Ihan ihapti gur amamsi hat pati bap gurmur.

Garesia 4:5

Moses ohe sawa meng hrepnong ham amrat ma patesuh oh Ihir sawa meng hrep nang tatpat pati hatin hat pati moh noh arpit amdatpora. Arpit amdatporhan ihir Got ohe brer sa hatipri. Orhe brer ohoh ihan orhe at pat erer oh ihir sa datipri rima sawa hrepnong ham amrat patesuhmur.

1 Jon 3:24

Ama sawa nasarpat mengnong amram dindeipti han bap diroh Got orhorsi tap hat patimur. Ohdapathe dirsi tap hat patmur. Ihat Got ohsi tap hat ma pati da oh orhe napin pat Yahsup oh Gur ihat Got ohsi tap hat patimur napor am nahatporhan dir ohsi ihat pati ma hapat daham am haptimur.