Rom ihirnong Por oh brak atip ohe meng oh 7:8 - Oksapmin

⁸ Noh ihat am hat patdapat orhor ihapri ma ritip danong asoh hatpora daham tihan tihan abopor matin ohe danongwi hat sapatmur. Ama ihtin erer sawa meng oh ihapri na ritipneng ama da oh isip ham bapkei tahat na susa ihtipora ihtipora dahapat danong oh mandam hapuriya hatin hat patnengmur.

Rom ihirnong Por oh brak atip ohe meng oh 7:8 ပူးပေါင်းရင်းမြစ်များ

Rom ihirnong Por oh brak atip ohe meng oh 7:11

Eimat paten dasi nahatin ohe sawa meng hrepdapat hat pat ma hapat dahasuh orhor We. Go ihapra ma napor danong asoh noh kis taham wamtipor dahatporhan er han oh dasuh naham eimat timbas nahatin ohe hrepnong hat patesuhmur.

1 Korin 15:56

Hanip dire ihat ma er da hat sapti ohe pe oh haputin sup ohe danong akasip mar ihat saptimur. Got ohe sawa mengnong amram ma na dindeipti ohe pe oh haputin sup ohe danong akasip mar ihat saptimur.

Rom ihirnong Por oh brak atip ohe meng oh 4:15

Got orhe sawa meng hrepnong ham dimtipera ma dahapti ohe pe ohe dam ma timapat oh pomat na dimtin ina hat pati ohoh ihan Got orhe bopor heisup nahatin ohe dam ohwi timapatmur. Got orhe sawa meng moh na patneng na amkariptinengmur. Pat ohoh ihan amkatperhan dam ma timapat oh Got orhe bopor heisup dam oh timapatmur.

Rom ihirnong Por oh brak atip ohe meng oh 7:13

Ama yahnap sawa meng oh norhe yah hat paten ohe da namdama eimat batbet dar paten ohe da hrepnong mat namdatipda. Basra. Got orhe sawa meng oh We. Go ihapra ma napor danong asoh noh kis taham wamtipor daham wamar ihtiporhan ama da oh pranahat napisus eimat batbet dar paten ohe da hrepnong nahat napaptesuhmur. Got ohe sawa meng ohsi ma inahatip oh norhe er hat sapat da oh Moh atnap er da dasei mar mandatin da ma hapat daham ha mandatinoh rim ama sawa meng ohsi namgitipmur.

Rom ihirnong Por oh brak atip ohe meng oh 5:20

Tit han oh er hat saporhan kuuhan gonsi er hat saptin gahan Got oh Gin mama sawa mengnong sama Epe. Nuhur er hat sapti sa daham ha am hatingwe daham Moses ohe bes teimdapat sawa meng brak mar napdapmur. Napriporhan ama ohe pe oh atnap isip er hat saptin orhor Got orhe damdapat Ihirnong yah matpora ma dahapat da oh atnap isip mat pihipmur.

Jon oh yah meng ma brak matip ohe meng oh 15:22

Noh kakdah moh wandasa ihirnong na pot patin ohe ma er hat saya ohe pe oh yansida. Ihir er hat sapti han bapmur potiproheda. Basra. Ihir hanhan hat patim ihat saya ohoh ihan na gipotiprohemur. Noh wandas porpatin orhor ma ihaptinong oh kinhat Nuhur hanhan hat patim ihaptimur ritiprohe. Ihat na ritin ina hat patimur.

Rom ihirnong Por oh brak atip ohe meng oh 7:17

Ihat dahapat ohoh ihan nohe ma ihpat oh hanip norhor Er danong moh hatpor daham na ihpatmur. Hanip diradire ina teimdapat ma tarpapat er da orhap inahat napisapatmur.

Jon oh yah meng ma brak matip ohe meng oh 15:24

Noh apris ire kintei hanip dire na imtin ina da oh na indeisuhneng ihir nohnong inahapti ohe san oh ire bok oh na patnengmur. Noh hanip dire na imtin ina da oh indeipatin orhor ihir wamar am ham orhor at nuhutnong tap mat garnaham heisup nahapti ohoh ihan san oh iraire bokdapat hat patmur.

Mak oh yah meng ma brak matip meng oh 7:22

erer oh nohwi dar nohwi ihtin han hat patepora ma dahapti dao arwananah ihirnong er matpera daham er deipti dao dasuh deipti dao mian imah ire da hatin hat sapti dao arwananah ire erer oh abopor deipti dao arwananah ire sang rim aripti dao Nohwi ihtin han hat patmur dahapti dao da timbas gon hat sapti dao

Rom ihirnong Por oh brak atip ohe meng oh 3:20

Got ohe sawa meng ma natip oh hanip dir saptidapat er hayahanoh Epe. Noh gin er hah sa daham ha am hatingwe rim natipmur. Orhe imat natip sawa mengnong oh hanip dir eimatnap na dimtin inasi hat patimur. Dir ihat pati ohoh ihan dir dimtiperhanhe Got oh Gur yah han bapmur na naporpatmur.

Rom ihirnong Por oh brak atip ohe meng oh 7:9

Ama sawa meng oh noh na amrat patin ohoh Noh yah hatwi pat ma hapat dahat patesuhmur. Gahan Got orhe sawa meng oh Go ihathe sasipra napotporhan noh amrama Epe. Nohe ihat ma sapat oh er hat sapat ma hapat dahatin ohe da oh nohe mutuhnong am nahatporhan Noh eimat timbas nahatin ohe hrepnong hat patesuhru pat ma hapat daham am hatipmur.