Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Rom ihirnong Por oh brak atip ohe meng oh 7:25 - Oksapmin

25 Basra. Got oh diradire Hanipyah Jisas Krais orhe dap teimdapat nohnong nambur yah teinong nahatin han hat patwa daham Got ohnong weso porwi paptepera dahapatmur. Noh yah danong hatpor dahapat orhor er da hatin ohe danong oh hat ma sapat oh damdapat Got orhe yah danong hatpor ma dahapat da oh Got orhe sawa hrepdapat hat patmur. Ina teimdapat ma tarpapat sapat da oh er da ohe hrepdapat hat napapatin noh ihat er hat sapatmur.

အခန်းကိုကြည့်ပါ။ ကော်ပီ




Rom ihirnong Por oh brak atip ohe meng oh 7:25
20 ပူးပေါင်းရင်းမြစ်များ  

Uhe brer ma itipra oh mon tit itipramur. Itporhan oh gure er da dat namdama gurnong namburin han hatipramur rim ohe winhe Jisas oh potinmur ama potip oh.


Gur sawa meng dindeipti ohe pe oh Gur yah han bapmur na napotin ohe hrepdapat hat na patimur. Got orhe damdapat Yah matpora daham ma yah nahapat ohe da hrepdapat hat pati ohoh ihan er da hrepnong na hatin ina hat patimur.


Gur rih ma pateshe oh er da ohe nang oh natpat pat hrepdapat hat patim ama ohe danong hat sashemur. Gin ma pati oh Got orhe meng oh napotperhan gur Mamengnong moh amram pomat dimtipera daham ohe hrepnong hat patim arpin amram dindeiptimur. Dimtipera dahaptin Got oh gure er nang natpat napapat hrepdapat narpit namdama duung dasi hat son ohe hrepnong naham nang natpat hatin nahat napapatmur. Gur ihat pati han bapo rim noh Got ohnong Got go wes imat ihirnong yah mat papato rim weso naporpatmur.


Ihtin orhor Got oh diradire Hanipyah Jisas Krais orhe dap teidapat haputin supnong oh ambapte matin inasi nahat napapatin dir haputin supnong dire hrepnong mar ambapte mat paptimur. Imat ambapte matin inasi nahat napapat hano rim Got orhornong weso por armi mar paptimur.


Got orhe ma napdap han oh isipnap ohoh ihan dir kinhat ihtin hanmur ritiprohe. Ihtin isipnap han napdap ohoh ihan dir ihtin isipnap napdap ma hapat daham weso potwi papteper dahat patenmur.


Ihapti Jisas Krais orhorsi tap hat patio rim diradire At Got ohnong Wes erer gonsi moh inahapat hano por dipwi armi mar paptenmur.


Ire eit watah ma gatdeipti ohe pe oh Got oh ihirnong Gur yahnap han bapmur na porpatmur. Mama mihat pati han dirnongwi Gur yah hat pati han bapmur ginaporpatmur. Dire damdapat Got orhe Yahsup oh orhornong armi matin dasi nahat napapatin orhornong armi maro Krais Jisas orhor yah nahapatmur por armi maro ina teimdapat noh ihahhanoh Got oh nohnong Go yah hana na napotiproh ma hapat dahayao ama ihat pati dirnongwi Gur yah han bapmur naporpatmur. Napora Mama ihirwi arpin watah gatmatpa bap hatin hat pati han gurmur dahapatmur.


Gur Noh gin kinhat sa indiproh daham da trun darheripri. Guragure daham dahamtipera ma dahaya danong oh Got ohnong Weso porin ohe da ohsiwi hat patim dahamtin meng oh porinmur.


Rit susa gure meng rit sapti dao gure ma ihat sapti dao ama ihat sapti da gonsi oh Krais orhe hrepdapat hat patim ihat sashenmur. Ihat susa Got ohnong dipwi weso porwi paptenmur. Dire weso porwi ma papti oh Krais oh mutuh han ham itap ohnong porpat ma hapat daham weso porwi paptenmur.


Eimat paten dasi hat ma pati gurhe kwei hatin hat pati bap gurmur. Ama ihat pati bap gurnong oh Got orhe ros paten ap yawar tam nadara orhe ap nahapatmur. Ama inahat napapat bap gurnong oh Got orhor ongeng nahat napapten hanat bok han nahapatmur. Ma nahapat oh gure dahe Krais ohe dap tei ire apop ma sum naprisheru mat orhor gure dahe ha naprishengwe daham inahapatmur. Gur imat orhornong apriperhan Krais ohe dap tei imat napriya moh yahwa daham amam hapatmur.


Gurnong oh Got oh rih orhor Mama kuuhan ihiroh norhe nita kuuhan bap hat pateprimur napor kis nahatipmur. Ginapor ma kis nahatip gure ma atamreipti oh rih ihir Got oh dire napapat kakhano rim orhe hanat bok han hat ma atamreisheru gin gurhe ire tan hat atamreindin han hat patimur. Dahe yah danongwi hatpera daham ongeng mat pati bap gurmur. Ama ihat pati kuuhan bap gurnong Got oh Norhenapmur napor kis nahatip han bap gurmur. Ama kis nahatip bap gure da oh kwitem dus hat patina Got oh nambura orhe has yahnap da mutuhnong nahatipmur. Nahama orhe ma inahat napapat yah meng oh pot ha pisongwe rim gurnong kis nahat napapatmur.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ