Rom ihirnong Por oh brak atip ohe meng oh 5:16 - Oksapmin

¹⁶ Got oh yan timbas be ihirnong imat yah matpora ma dahapat da ohsi; Adam ohe er hat saporhan er da ma tarpatip da ohsi ama da yot ihit tit orhe tit orhe hat ma pati oh tit oh mamaru hat patmur. Tit han ohe bokdapatwi er da tarpatip ohe pe oh kuuhan gonsi dirnong Got oh Gur er han bapmur napor nitin ina nahat napapatmur. Got oh Noh ihirnong yan timbas be panggeitpora ma dahapat dahe kuuhan trun dirnong er hat saperhan napanggeim Gur yah han bapmur napor yah nahapatmur.

Rom ihirnong Por oh brak atip ohe meng oh 5:16 ပူးပေါင်းရင်းမြစ်များ

Matyu 6:14

Gur dahatinmur. Kat han ihirdapat gurnong inaham er nahayahanhe gurdapat it ihirnong yansi na mar eimat hanhan mar mandayahanoh ita ohhe gure er hat ma saya ohe batbet yan oh it gure boknong na naham dat namdapatmur.

Rom ihirnong Por oh brak atip ohe meng oh 8:1

Krais Jisas orhe tapnong hat pati dirnong oh Krais orhe dap teimdapat dirnong yah hat orhorwi paten da nahapat Yahsup oh dir er nang ohe eimat batbet dar paten ohe hrepdapat nang natpat napapatin orhor nang narpima yah teinong nahat napapatmur. Inahat napapat ohoh ihan Got oh ihat napapat dire boknong nahatin menghe timbasnapmur.

1 Korin 11:32

Diradire danong pomat sama na yah tahayahanhe Got orhor dirnong nasama da nadason mar dire boknong ruumsup napris da nadason deipatmur. Imat da nadason mar ruumsup ma napripat oh kaput kakdah er hat pati bap erer moh sama Moh er hanmur por ma mandatipra ire tapnong na nahatiprao rim dire boknong ina ruumsup napripatmur.

Garesia 3:10

Ma brak matpa mengnong moh dahenmur. Gur sawa brak meng oh gonsi amranmur. Amrama tit meng tit na daham mandayahanoh ama ihya han gurnong oh Got oh heisup nahat napapatmur por brak matpamur. Ihtin ohoh ihan Noh sawa meng oh gonsi dimtipora. Dimtiporhan ama ohe pe oh Got oh nohnong Go yah hat pat hana napotiprawa ma dahapti guroh meng gonsi na dimtin ina hat pati ohoh ihan ama imat gonsi sawa mengnong na dindeipti ohe pe oh Got oh heisup nahat napapatmur.

Jemis 2:10

Gur Nuhur garpok ihya moh sawa mengnong na amkariya ma hapat dahapri. Basra. Garnong oh amkariyahanoh gonsi sawa mengnong amkar er deiptimur.