Rom ihirnong Por oh brak atip ohe meng oh 4:5 - Oksapmin

⁵ Got orhe Gur yah han bapmur napor ma napripat da oh dire tamreim sapti ohe pe oh Ihirnong yan apripora daham yan na napripatmur. Dire Er han nohnong orhorwi inahatin hatin hanwa dahapti ohe pe oh yan timbas be napripatmur.

Rom ihirnong Por oh brak atip ohe meng oh 4:5 ပူးပေါင်းရင်းမြစ်များ

Mak oh yah meng ma brak matip meng oh 9:23

Potporhan Jisas oh Go kinham nohnong Go napanggeitin ina hat pathan napanggeitin naporpat. Got ohnong Ohwi imtin hatin hanwa ma dahapti ohe pe oh oh imtin inawi hat pat ohoh ihan oh imtiprohmur pongopri.

Jon oh yah meng ma brak matip ohe meng oh 5:24

Arpin gur nohe meng amrama nohnong ma nadarhetip han ohnong Ohwi inahatin hatin hanwa dahayahanoh ama dahaya gurnong oh eimat paten dasi haptimur. Ama gur eimat paten dasi ham yah dasi hat pati ohoh ihan noh gurnong Gur er hanmur napor gure boknonghe nohe heisup da oh na nahatipramur.

Rom ihirnong Por oh brak atip ohe meng oh 10:3

Ihir hanhan hat patim ma ihat sapti oh Got oh Gur mihat ma pati ohe pe oh Gur yah han bapmur ma potipra ohe danong oh na daham amkar mandam ihat saptimur. Ihat susa Moses ohe natip sawa meng amram ma dindeipti ohe pe moh Got oh nuhurnong yah han bapmur napotiprakin daham ihat saptimur.

Rom ihirnong Por oh brak atip ohe meng oh 3:22

Ama kat oh mamarumur. Jisas Krais ohe danong ham Ohwi inahatin hatin hanwa dahatperhanwi Got oh Gur yah hat pati bapmur naporpatmur. Juda bapo Juda na hat pati han bapo diradir gonsi Got ohe kintei er hat susa orhe amam nahatin ohe yah danong akap mar ihat saptimur. Diradir tap hat gonsi dir ihat pati ohoh ihan dirnong Gur yah hanmur napotin kat oh tit Juda bap irarhemur. Tit Juda na hat pati han bap irarhemur napotin kat oh yot kathe ti na patmur. Diradir tap hat er hat pati bap dir ohoh ihan tit kat pokwi hat patwimur.

Rom ihirnong Por oh brak atip ohe meng oh 4:24

Na potipmura; dire Hanipyah Jisas ohnong ma da pamsuhup han Got ohnong Arpin inahatin hatin hanwa ma dahapti han dirnongsi tap mat ginapotporhan brak matpamur. Norhornong ihat ma dahat pati han bap ihirnong Gur yah han bapmur potipramur daham dire boknong tap mat napotporhan brak matpamur.

Rom ihirnong Por oh brak atip ohe meng oh 4:3

Ihtin mandap oh ti na pat hatporhan Got orhordapat Go yah hanmur potipmur. Ma potip oh Got oh Epraham orhe boknong meng potporhan ma brak matpa mengnong moh dahatinmur. Epraham oh Got ohnong Oh inahatin hatin han ohoh ihan oh arpin inahatiprohwa dahat patin Got oh awamara Go yah hanmur potipmur ama meng oh gipotporhan brak matpamur.

Rom ihirnong Por oh brak atip ohe meng oh 4:6

Dire na tamreipti ohe pe oh Got oh be Go yah hanmur naporpatmur nohe ma naporpat mengru hat orhor Depit ohhe girim brak matipmur. Depit oh girim ma brak matip oh Na tamreipti ohe pe oh Got oh gur yah han bapmur ma porpat bap ihiroh amamsi hat pati bap ihirmur dahat patim mameng moh brak matipmur.

Piripai 3:9

Noh Krais ohe tapnong hat pat moh norhe sawa meng amram yah hat uso apiro hapat ohe pe oh Got oh go yahnap hat pat hanmur na naporpat ma hapat dahapatmur. Krais ohwi inahatin hatin hanwa dahatporhan Got orhordapat Go yah hanmur napotin inasi nahama Go yahnap hat pat hanmur naporpat ma hapat dahapatmur.