Rom ihirnong Por oh brak atip ohe meng oh 4:1 - Oksapmin

¹ Got oh dirnong Gur yah hanmur ma naporpat ohe mengnong dahatinmat oh gur diradire rih awher patesuh han Epraham ohnong dahatinmur.

Rom ihirnong Por oh brak atip ohe meng oh 4:1 ပူးပေါင်းရင်းမြစ်များ

Matyu 3:9

Gur Nuhur Epraham ohe puh nuhur ohoh ihan Got oh batbet yan oh na napriprawa ma dahapti da oh dahapri. Gur nuhurwi Epraham ohe puh ohoh ihan er dasi hat patin orhor nambutiprawa dahapri. Basra. Wan kweinong mohhe Got oh Epraham ohe puh matin hatinmur.

Ruk oh yah meng ma brak matip ohe meng oh 3:8

Gur tomwi wapero daham apripti gur guragure er hat sapti da oh mandatperhan ihir wanaham Ire er hat saptingweri da oh gin mandata ma hapat. Gin yah hatwi sapti ma hapat dahatin da oh ihirnong pinggit pisaptidapat apris tom wayonmur. Gur Nuhur Epraham ohe puh nuhur ohoh ihan Got oh batbet yan oh na napriprawa ma dahapti da oh dahapri. Gur Nuhurwi Epraham ohe puh ohoh ihan er dasi hat patin orhor nambutiprawa dahapri. Basra. Wan kweinong mohhe Got oh Epraham ohe puh matin hatinmur.

Jon oh yah meng ma brak matip ohe meng oh 8:33

Potporhan ihir Wa. Nuhurra Epraham ohe puh nuhur ohoh ihan nuhur tit han ohe hrepnong nahat napapatin nuhur nang tatpat napapat han bap hatin hat patida. Basra. Nuhur tit han ohe hrepdapat hat na patem yah hat orhorwi hat patesheru patiru gin mama pati ohmur. Nuhur ihat pati ohoh ihan go nuhurnong kianorim Gur arpin meng am hapti ohe pe oh nang arpit namdatipramur napor pongopa.

Jon oh yah meng ma brak matip ohe meng oh 8:53

Propet ihirhe hapurishemur. Dire aw Epraham ohhe haputipmur. Go Noh ama han ire kasipnong oh nohe hrepnong mar ambapte mat papatmur daham giripatda por indeingopa.

Jon oh yah meng ma brak matip ohe meng oh 8:56

Gure ra Epraham oh Kaput Krais oh apirit noh wamtiprawa daham amam hat orhor patesuhmur. Gahan noh arpin apriporhan Epraham oh wanaham da yah hatirmur pongop.

Aposer 13:26

Gin Epraham ohe puho Juda na hat patim orhor Got ohe danong hat pati bapo ama ihat pati norhe taptem Got orhe nita bap guragur norhe meng oh amratinmur. Rih Got oh Noh ihirnong am hatipramur ritporhan ma brak matpa oh diradire boknong naham brak matpamur.

Rom ihirnong Por oh brak atip ohe meng oh 1:3

Ama imat brak mat sarishe oh Got orhe mon diradire nambutin han Hanipyah Jisas Krais orhe boknong mar brak deishemur. Ma brak deishe oh Oh kakdah mama hanip brer ham ma tarpatipra oh Depit ohe puh ire bok oh tarpatipramur.

Rom ihirnong Por oh brak atip ohe meng oh 3:5

Gur mamaru hatri dahapri. Nure ma er hat saptinong oh kat han ihirdapat wanaham Got oh Maire er hat sapti da moh hatin hat na pat han ma hapat. Duung dasi hat orhorwi pat han ma hapat daham orhe duung dasi hat ma pat danong oh am haptimur. Nuhur ihat er hat saptin Got orhe duung dasi hat pat danong oh am hapti ohoh ihan orhe duung dasi hat pat danong pitap teinong amar pisapti han nuhurnong nihanoh orhornong er hanmur potiprohe dahaptida.

Rom ihirnong Por oh brak atip ohe meng oh 4:16

Ihtin ohoh ihan Got oh sawa meng amrapti han bapsi; sawa mengnong hanhan hat pati han bapsi ihir norhe damdapat orhor yah matpora daham rit asarpat meng oh gonsi ihir ha datingwe daham Orhorwi inahatin hatin hanwa dahapti ohe pe ohwi sa daripri rim rit natipmur. Ihtin ohoh ihan Epraham orhe puh gonsi dir rit natip meng oh dariptimur. Orhe puh sawa mengnong ma marin pati puh ihirnongwi basmur. Epraham ohe Ohwi inahatin hatin hanwa ma dahatipru hat dahapti han bap orhe puh hatin hat ma pati han bap ihir gonsi rit natip han oh dariptiimur. Ohri ama da ohe duuptei han hatip ohoh ihan ohri dire aw duuptei hat patmur.

Rom ihirnong Por oh brak atip ohe meng oh 6:1

Hanip dir er danong isip hat saptin Got orhe damdapat Ihirnong noh imat yah matpora dahapat dahe isip mat orhor pisapatmur. Got oh orhe damdapat dirnong Imat yah matpora daham ama danong isip mat pisapat han ohoh ihan dir Got orhe damdapat Yah matpor daham yah nahapat da oh dir atnap er hat saperhan atnap isip mat orhor ha pisonoh daham ama ihtin meng oh ritiproheda.

Rom ihirnong Por oh brak atip ohe meng oh 7:7

Gin dir Got oh ritporhan Moses ohe napotip sawa mengnong mandaya hatin hat ma pati moh ihan er nahapat meng mandatirikin dahatiproheda. Basra. Oh na er nahapat mengmur. Oh diradire er hat sapti ohe danong nadapem namgipat meng ohmur. Oh imat na namgipatneng dir Ei. Noh er hat sapat han sa daham na am haptinengmur. Imat ma namgipat oh tit gur ire erernong asoh abopor deipri ritip ohe pe oh noh erer ma abopor deipat oh Noh er hapat han sa daham am haptimur.

Rom ihirnong Por oh brak atip ohe meng oh 8:31

Got oh imat kis naham napapat han ohoh ihan dire boknong er nahatin han oh nih. Dire boknong naham er nahatin hanhe eimat timbasnapmur.

2 Korin 11:22

Nohe tohormi tahat ma napotiproh meng oh mamarumur. Ihir Nuhur Hibru bap nuhurmur ma ripti oh nohhe Hibru basda. Nohhe Hibru nuhurmur. Ihir Nuhur Isrer bap nuhurmur ma ripti oh nohhe Isrermur. Ihir Nuhur Epraham ohe puh nuhurmur ma ripti oh nohhe Epraham ohe puh basda. Nohhe Epraham ohe puhmur.

Hibru 12:9

Guragure kakdah mama itanir ihir ponahapti danong oh dahenmur. Ihir ponahatperhan ather ihir yahnap hat patim dirnong yah nahapti ma hapat daham ire danong haptimur. Amaru hat orhor dire dahe da orhe itap orhe hrepnong ham isip mat orhor pisapera. Pisusa yah hat paten inasi hat inpera dahat patenmur.