Rom ihirnong Por oh brak atip ohe meng oh 2:11 - Oksapmin

¹¹ Tap mat ma napripra oh hanip diradirnong Moh Juda baphe. Moh Juda na hat pati han baphe daham na nasapatmur. Tap mat tit bapwi nahat napapatim nasapat han ohmur.

Rom ihirnong Por oh brak atip ohe meng oh 2:11 ပူးပေါင်းရင်းမြစ်များ

Matyu 22:16

Wanin mara iraire pinggit pisapti hano Herot ohe danong hat pati hano ihirnong Gin gur susa mama meng moh Jisas ohnong por dahamtinmur por ama darhetpa oh. Darhetperhan ihir Jisas ohe pat teinong aprisa Tisa. Nuhut gonong am hat patimur. Go arpin mengwi ripat hanmur. Go Moh winsi hanhe. Moh win timbas hanhe daham meng na porpat hanmur. Got ohe yah meng oh pomatwi porpat hanmur pongopa. Ma potpa oh Jisas ohnong da aban matinmat pongopa.

Ruk oh yah meng ma brak matip ohe meng oh 20:21

Por darhetperhan ihir Jisas ohe patnong aprisa Tisa. Nuhur gonong am hat patimur. Go kuuhan nuhurnong arpin mengwi naporpat hanmur. Go moh winsi hanhe moh win timbas hanhe daham meng na naporpat hanmur. Got ohe yah meng oh pomat orhorwi naporpat hanmur.

Aposer 10:34

Kornirias oh ameng oh potporhan Pita oh Gin noh am hahmur. Got oh Noh mama han bap maihirnong panggeitpor. Mama han ihirnong na panggeitpor na dahapat han ohmur.

Rom ihirnong Por oh brak atip ohe meng oh 9:14

Got orhe da orhor dirnong ti da ti da ma napripat han moh Oh er dahat patim dirnong ti da ti da napripat hanhe potiproheda. Basra. Orhe da oh yahnap hat patim ohoh inahapatmur.

Garesia 2:6

Got ohe atamreipti winsi han ihirdapathe nohnong Gwe Krais ohe meng pot ma pisapat mohsi; dire pohon meng mohsi yot mar pot pisonmur na napotpamur. Got oh Moh winsi hanhe. Moh win timbas hanhe ihat na dahapatmur. Amaru hat orhor noh Moh winsi han ohe meng moh amratpora. Win timbas han ohe meng moh noh na amratpora na dahapatmur.

Epesas 6:9

Be ma natamreipti ihirnong papti han bap gurhe amaru hat orhor Got ohe danong hat patim orhor paptenmur. Ihirnong kas ina matinmat kasip mengteihe poripri. Diradir Hanipyah aw tei mahat ma pat han oh tit pokwimur. Ama han orhor Moh duuptei hat pat hanmur. Moh ohe hrepdapat mat papat hanmur napor na nasapatmur. Orhor tap kat titwi nahat napapatim nasapat han ma hapat. Ihan nohhe ihirnong ohe ma napapatru mat orhor ihirnonghe imat paptepor daham pomar paptenmur.

Korosi 3:25

Got oh hanip dire ma ihaptinong oh ina teimdapat na nasapat hanmur. Oh hanip dire ina mutuhnong am ham yah mat orhorwi nasapat han ohoh ihan gur er hat sayahanhe ama er hat saya gur ama er yan orhor napripramur.

1 Pita 1:17

Gure Got ohnong ma dahandeipti oh Ata por dahandeiptimur. Ama ata por dahandeipti Got oh Moh winsi kamah hanhe ihan yah matpora. Moh borop han win timbashanhe ihan er matpora daham na nasapatmur. Ohe ma nasapat oh danongwi wamara dire ma ihat saya danong asoh nitat pomat nasam inahapatmur. Oh imat pomat nasam inahapat han ohoh ihan gur hohop han bap hatin hat patim orhornong kas hat patenmur.