Rom ihirnong Por oh brak atip ohe meng oh 15:19 - Oksapmin

¹⁹ Noh ihtin da ma namgipat oh hanip dire na imtin hatin hano Got orhe kasipnong am hatin ohe kasip hano oh Yahsup orhe kasip ohsi inahatporhan imat pitap teinong mar namgim atamreipatmur. Imat Jerusarem apteidapat Krais ohe meng oh pot pisusa mong mutuh ohe aptei aptei gonsinong oh meng pot pisusa Iririkam mong kotipmur.

Rom ihirnong Por oh brak atip ohe meng oh 15:19 ပူးပေါင်းရင်းမြစ်များ

Matyu 12:28

Noh Got ohe kasip ohsi mongsup ihirnong er mat darherpat ohoh ihan Got orhe kasip hrepnong naham napapindin oh apris gin mama pat oh ma hapat dahenmur.

Jon oh yah meng ma brak matip ohe meng oh 4:48

Por kamtiporhan Jisas oh noh hanip ire na imtin hatin da tit gurnong na namgihanoh gur Ohwi inahatin hatinwa na dahatiprohemur pongop.

Aposer 1:8

Gur orhe ma imtipra danong hanhan hat pati orhor mohnong daham am hatinmur. Oh gure mutuhnong oh orhe Yahsup ohsi nahatporhan gur ama ohe kasipsi hat pateprimur. Ama ohe kasip ohsi hat patim nohe meng oh Jerusarem ap mutuh pati ihirnong poriprimur. Poripti Judia mongo Samaria mongo among among gonsi meng moh pot pisasiprimur pongopri.

Aposer 13:14

Susa Antiok aptei oh kotpari. Koripti gahan tuperipti dik oh Juda ire rotu ap oh ros tongnotpari.

Aposer 13:51

Er mat darhetperhan ihit Gur Nuhur nuranur san ham ite mengnong na amraya sa ha dahatingwe rim nute tongap huhun tambor moh hirmat matei mandayamur pora ite tong huhun tambor oh hirmat mandama ite pati aptei oh mandama Aikoniam apteinong pipari. Susa atei patesheri.

Aposer 14:10

Ihat dahat pathan Por oh ohnong kasip mengtei Go yah hama tandeim sonmur potipri. Potporhan oh arpin pung rim tandeima kuuhan ire kintei oh yah hat orhor tandeim sangopri.

Aposer 14:20

Imat mandatperhan Jisas ohe danong hapti han ihir aprisa ohe sein duup oh tarmutpari. Tarmutperhan oh masasa irair it Antiok ap mutuhnong pipari. Susa timatiri. Kimsidapat Porsi; Banabas ihit Derbe apteinong pipari.

Aposer 14:25

Koripti susa Perga aptei kotpari. Koripti ama aptei pati kuuhan ihirnong Jisas orhe yah meng oh potpari. Pot mandama Ateria apteinong waihpari.

Aposer 14:6

Wanin matperhan ihit ama danong am hapti among mandama Rikonia mongnong susa Ristra apteisi Derbe apteisi ama aptei yotnong pipari.

Aposer 15:12

Porsi; Banabas ihit Got oh ite bes teinong mar Juda na hat pati han ire pati mutuh ma hanip dire na imtin hatin han ma imtir ohe meng oh poriptin ama tarmuriya han bap ihir amram da darhera kimiringopari.

Aposer 16:18

Imat dipwi napot napisapatin nuhur trun dah timdipa. Imat napot napisapatin Por oh Uh ginam mama tap meng morhorwi napot napisapato rim garhama uhnong Noh Jisas Krais orhe mengtei uhnong mimat papat sup go maras son napor ohoh ihan go maras sonmur potporhan uhnong ma imat papat sup oh asut orhor maras sangop.

Aposer 17:10

Gahan kwi hatporhan Jisas orhe nita taptem bap ihir Porsi; Sairas ihitnong Beria apteinong sonmur por darhetperhan ihit susa Beria aptei oh koriyaoh Juda bap ire rotu ap oh pathanoh ruhpari.

Aposer 17:15

Wasa ihir sip tem rosa Atenis apteinong deihpari. Desa Atenis aptei oh Por oh orhorsi ma waihiri han ihirnong Gur it susa Sairassi; Timoti ihitnong nohe patnong moh kapkapwi ha wandongwe potinmur potporhan ihir it iraire ap Berianong sangopari. Saperhan Por oh Atenis aptei oh indipri.

Aposer 18:1

Gahan Por oh Atenis aptei patdapat aptei oh mandama Korin apteinong pipri.

Aposer 18:19

Susa Epesas aptei oh kora Por oh Juda ire rotu ap oh ruhupri. Rosa Juda ihirsi meng dahanggoshatpari.

Aposer 19:1

Gahan Aporos oh Korin aptei oh patin Por oh Antiok apteidapat Esia mong mutuh oh susa Epesas aptei oh koroh Jisas orhe nita taptem kat han ihir ti patingopari.

Aposer 20:20

Nohe ma atamrein sapatnong oh gur dahat patimur. Nohe ma atamrein sapat oh Noh gurnong napanggeitin meng oh ti na potiprohmur na daham gonsi meng oh pitap teinongwi mar guragur tarmutperhan naporo aptei aptei oh sus napot napisao nahat napisapatmur.

Aposer 20:6

Ihir atei naminhan patin nuhurhe den pipirpat han timbas be temar dapti dik oh timbas hatporhan nuhur sip tem rosa Piripai aptei mandam pipa. Saptin mandap hanen timdipa. Timama Troas ire naminhan pati aptei oh kotpa. Kora atei nuranur tap hat patin tit sande ritpa.

Rom ihirnong Por oh brak atip ohe meng oh 15:13

Ama orhor yah nahatiprawa daham minhan pati ohe da ma napripat han oh Got orhorwimur. Ama Got orhornong noh Rom aptei Got orhe danong hat pati han bap gure paten meng oh nadahandeipatmur. Ma nadahandeipat oh Got go ire gorhornong Ohwi inahatin hatin hanwa dahapti ohe dap teidapat oh amam hat paten da ohsi; manap goshat yah hat indin da ohsi isip mat orhor teip mat apaptenmur. Imat teip mat apapatin gorhe Yahsup ohe kasip ohsi Orhor yah nahatiprawa daham ma minhan pati da oh isipnap mara teip mat orhorwi apris paptenmur por noh Rom aptei Got orhe danong hat pati kuuhan bap gure paten meng oh nadahandeipatmur.

Rom ihirnong Por oh brak atip ohe meng oh 15:24

Wanaham ma apripra oh noh Spen mongnong sonmat oh gure pati kat apripramur. Apris gursi diradir gar dik tit atei indiprimur. Patemo hama nohe dahe yah hamo hama gur nohe Spen mongnong son mandap oh napanggeimo hatperhan noh sapramur.

1 Korin 2:4

Imat ma napot indip oh Noh dakuu han ire dakuu meng yah mat napotperhan dakuu meng naporiya moh arpinnapkin ma dahaptiru ha hatingwe rim noh gurnong na napot indipmur. Nohe ma napot indip oh Yahsup ohe kasip oh arpinhe dahatin ohe da oh namgitporhan arpinhe ha dahatingwe rim ama orhe kasip da ohsi gurnong napot indipmur.

2 Korin 12:12

Noh gure mutuh oh patin orhor manap da tei orhor tamreisuhmur. Noh gure mutuh oh ihat patin ma tamreisuh ohe pe oh Moh arpin Krais orhe meng pot pisashen han kis mat papat han ma hapat dahatin ohe da oh kasip han tarpao na wandeipti han tarpao hatipmur. Imat tarpatporhan gur ohnong wamara nohnong Moh Got orhor kis mat papat han ma hapat na dahashemur.

Garesia 3:5

Got oh gurnong Ihir pohon meng oh dindeiptihe daham orhe Yahsup oh gure mutuhnong nahama wandeipti na wandeipti han namgipatda da Ihir yah meng oh arpinwa daham amraptihe daham inahapat. Basra. Gur orhe yah mengnong amram arpin mengwa dahatperhan inahapatmur.

Korosi 1:25

Ama ihat pat han norhornong Got oh Go norhe nita sios ihirnong papten han hat patenmur. Patim norhe meng gonsi meng moh pomat orhorwi pot pisashenmur napor kis nahatipmur. Kis nahatporhan noh sios gurnong napanggeit napapten han ham mama napapat ohmur.

1 Tesaronaika 1:5

Norhe nita bap matiprawa daham kis nahat napapat tei ohoh ihan nuhur apris gurnong ma meng napotiri oh be meng hatin mat na napotirimur. Got orhe Yahsup ohe kasip oh nure mutuh am nahat napapatin ama ohe kasip ohsi nahat napapatin ohoh ihan nuhur meng oh napotperhan gur amrama Arpinnap ma hapat dahatirimur. Nure apris meng napor napanggeitin da namgit ma indiri oh gur am hat patimur.

2 Timoti 4:17

Ihirdapat nohnong na napanggeim namdatiri orhora; Hanipyah oh ama dahanahatiri dik orhor apris Juda na hat pati han bap ihirnong meng pot pison inasi naham napanggeit napapatin noh Got ohe meng moh ihirnong pomat potirmur. Potporhan Dir Por ohnong sutpera ma dahapti han bap ihir kotwa bap hatin hat pati bap ire atem teidapat orhor Got oh nohnong nambutirmur.

Hibru 2:4

Ire ma ihat sapti ohe bas oh Meng moh arpin menghe ha dahatingwe rim Got oh na wandeipti hano Moh kasip yah menghe dahapti dao oh pinggisuhmur. Pinggima Moh arpin menghe ha dahatingwe rim Got orhe nitat atamreindin da oh orhe damdapat orhor orhe Yahsup ohnong apriporhan orhe Yahsup ohdapat nitat mat aprisuhmur. Ihpat ohoh ihan ama namburpat meng moh kasip meng na mandatin meng ma hapat daham kasip hat orhor marin paptenmur.

1 Pita 1:12

Aperiptin Got oh Gin mama propet aperipti han gure napanggeitin meng basmura; komdapat ma tarpatipri han ire panggeit papten mengmur por pinggitipmur. Komdapat ire panggeit papten mengmur ma potip oh gin mama pati kuuhan gure boknong naham ginapotipmur. Gurnong ama napanggeitin ohe meng oh Gin Got oh aw tei mahatdapat orhe Yahsup oh darher meng napotin han nure mutuhnong matporhan nuhur am hama aprisa ama ohe kasip ohsi ama yah meng oh napotperhan gur daham am hat patimur. Gure ama amrapti meng orhor enser ihir Nuhurhe ama meng mutuhnong am hatiprohenengo dahapti orhor hanhan hat patimur.