Rom ihirnong Por oh brak atip ohe meng oh 15:18 - Oksapmin

¹⁸ Noh wannong tamreindin meng oh na ritiprohmur. Noh Krais orhe kasip orhorsiwi Juda na hat pati gurnong meng naporo norhe ihat ma napapat da oh namgimo nahatporhan gur amram meng dindeipti ohe penong ohwi noh amam ham Krais orhornong armi matiprohmur.

Rom ihirnong Por oh brak atip ohe meng oh 15:18 ပူးပေါင်းရင်းမြစ်များ

Matyu 25:16

Sapatin orhor 5,000 kina ma dar han oh 5,000 moh ohe pe oh isip ha hatinoh daham ohe pe oh titsi ambur isip matipri. Isip mat pisus patin it 5,000 tit ohe boknong matipri.

Mak oh yah meng ma brak matip meng oh 16:20

Jisas oh ruhum mandatporhan ihir mong mong moh meng oh pot ama pisashe oh. Meng pot pisaptin Hanipyah oh ire mengnong Arpin meng naporiya ma hapat dahatin ohe kis han oh ire bes teinong mar ama pinggit pisasuh oh.

Aposer 14:27

Desa Antiok aptei oh koripti Gin sios bap ihir ha tarmutingwe ritperhan ihir tarmutperhan ihirnong Got oh Juda na hat pati han ihir Jisas ohwi inahatin hatin hanwa dahatin ohe mandap oh amanhetporhan ihir Arpin ohwi inahatin hatin han ma hapat dahatirimur pora Got oh ite bes teidapat imat panggeit pihir ohe meng oh gonsi potpari.

Aposer 15:12

Porsi; Banabas ihit Got oh ite bes teinong mar Juda na hat pati han ire pati mutuh ma hanip dire na imtin hatin han ma imtir ohe meng oh poriptin ama tarmuriya han bap ihir amram da darhera kimiringopari.

Aposer 15:4

Ihat susa Jerusarem ap mutuh oh kotpari. Kotperhan aposer hat patim ma tamreipti bapo Jisas orhe nita sios bap hat pati hano sios ire duuptei hat pati han bapo ihir Gin gur apriya oh yahwa por ambungopari. Ambutperhan Porsi; Banabas ihit ite bes teinong ma Got oh imat pihir ohe gonsi meng oh ihirnong potpari.

Aposer 21:19

Patihan Por oh ihirnong Gurhe sa pati porpat Por orhe bes teidapat Got oh Juda na hat pati bap ihirnong ma indeipat ohe meng gonsi oh pomat orhor pongop.

Aposer 26:20

Orhe meng amram ma dimtip oh Damaskas apteinongri susa meng potipmur. Porpat Jerusarem apteinong sus potipmur. Pora Judia mong aptei aptei oh sus pot pihipmur. Pot pisapat Juda na hat pati bap ire aptei aptei oh gonsi meng pot pisapatmur. Noh ihat ma meng pot pisapat meng oh ihirnong Gur er da hat sapti danong oh kom asar mandama Got ohe danongwi henmur. Ihat saptin kuuhan ihir gurnong wanahama Maihir er danong kom asar mandama yah hat son ohe danongwi hat sapti ma hapat dahatin ohe da ohwi pitap teinongwi mar pinggit pisashenmur por imat pot pisapatmur.

Rom ihirnong Por oh brak atip ohe meng oh 1:5

Ama Krais orhe dap teidapat oh Got oh orhe damdapat orhor Noh Krais orhe dap tei oh imat yah matpora ma dahapat da ohsi nohnong Go norhe mengtei yah meng moh pot pisashen hanmur napor nohnong kis nahat napapatmur. Kis nahat ma napapat oh Noh Juda na hat pati han bap among among ma pati bap ihirnong meng potporhan meng amrama Moh arpin ohwi inahatin hatin han ma hapat daham ha dindeingwemur. Dindeipti Krais orhe winnong adaptuhut ha pisashengwemur rim nohnong meng porin han kis nahat napapatmur.

Rom ihirnong Por oh brak atip ohe meng oh 16:26

Pitap teinong mar ma papat oh rih orhor patesuhru patru patepra Got oh Propet ihirnong rit asarpat meng moh kaput among among pati kuuhan bap gonsi ihir ha amratingwe rim pitap teinong matipramur. Pitap teinong matporhan ihir amram am hama arpinhe daham sa dindeipri daham reman paptesuhmur. Reman paptesuhdapat gin pitap teinong matporhan orhe ma dahatipru gin among among pati kuuhan ihir gonsi amrama am haptimur.

Rom ihirnong Por oh brak atip ohe meng oh 6:17

Gur rih ma pateshe oh er da ohe nang oh natpat pat hrepdapat hat patim ama ohe danong hat sashemur. Gin ma pati oh Got orhe meng oh napotperhan gur Mamengnong moh amram pomat dimtipera daham ohe hrepnong hat patim arpin amram dindeiptimur. Dimtipera dahaptin Got oh gure er nang natpat napapat hrepdapat narpit namdama duung dasi hat son ohe hrepnong naham nang natpat hatin nahat napapatmur. Gur ihat pati han bapo rim noh Got ohnong Got go wes imat ihirnong yah mat papato rim weso naporpatmur.

2 Korin 11:31

Nohe arpin meng naporpatnong moh Got oh dire Hanipyah Jisas ohe itap oh dipdipwi armi mat papten han orhor Oh arpin meng porpat ma hapat daham nohnong am hat patmur.

2 Korin 12:6

Nohe kasip ohsi ma ihpat ohe kasip oh patmur. Pat ohoh ihan ama orhe boknong ham armi tahatpor daham armi tahahhanoh da ban tahat pati han ire tan hat na armi tahatiprohmur. Arpin ohe armi ohsi armi tahatiprohmur. Ihat pat orhor noh ama ohe danong ham na armi tahaprohmur. Nohe ma na armi tahatiproh ohe duuptei oh mamaru hat patmur. Noh mengwi armi tahatporhan gur amrama Oh ihtin han hat pat ma hapat dahayahan ermur. Noh gure pati teinong apris nohe ma ihat sapat dao nohe meng pot ma pisapat ohe dao ohnong gur wanahama Oh ihat pat hanhe naporiyahanoh yahnapmur daham noh norhe ina boknong na armi tahatiprohmur.

2 Korin 3:5

Nuranure kasip ohsi nuhur ihaptimur napotin oh kinhat giritiprohe. Got orhe kasip oh kasip nahat napaptin ihapti ohoh ihan hanip nure kasip ohsi ihaptimur kinhat giritiprohe.

2 Korin 6:1

Nuhur Got ohe tapnong ham atamreipti han nuhuro rim Got orhe damdapat orhor Imat yah matpor daham yah nahat orhor ma napapat bap gurnong orhe inahapat danong oh wa hapri. Damsi hat orhorwi ha patengwe rim nuhur mama kasip mengtei naporipti ohmur.

Garesia 2:8

Arpin Got oh Pita ohnong Go Juda ire mutuh oh nohe natamreindinmur por ma kasip mar darhetipru nohnonghe Gin go Juda na hat pati han ire mutuh oh nohe natamreindinmur napor kasip naham nadarhetipmur.

Korosi 3:17

Rit susa gure meng rit sapti dao gure ma ihat sapti dao ama ihat sapti da gonsi oh Krais orhe hrepdapat hat patim ihat sashenmur. Ihat susa Got ohnong dipwi weso porwi paptenmur. Dire weso porwi ma papti oh Krais oh mutuh han ham itap ohnong porpat ma hapat daham weso porwi paptenmur.

2 Tesaronaika 2:17

Ama inahat napapti han yot itaitnong gure paten meng oh Gut ire danong akasip mara pang inasi mat paptenmur. Ire saptinonghe ti da ti da yah hat sapti ohe da ohsiwi mat paptenmur. Menghe yah mengwi rit sashen ohe dasiwi mat paptenmur. Gut imat ihirnong paptenmur por nadahandeiptimur.

Hibru 11:8

Epraham oh Got oh arpin inahatiprawa dahatporhan arpin dam timdip ohe meng oh mohmur. Got oh Epraham ohnong Gin gorhe aptei mong moh mandama norhe ma namdatipra mong teinong sonmur potporhan oh Arpin inahatiprawa daham amrama orhe aptei mong oh mandama wan mong hanhan hat pat mongnong pipmur.

Hibru 5:9

Dapsi mat yah mat orhorwi dimtip han ohoh ihan hanip dir orhe meng amram dimtipera ma dahapti dirnong eimat yah hat paten ohe dasi nahen ohe duuptei han hat patmur.

Jemis 1:22

Behe meng amram hariri por mandapri. Be ma amram mandapti han ihiroh iraire boknong dasuh taham ihapti han bap ihirmur. Ihan behe amram mandapri. Amrama damsi hat orhorwi saya apriya ham patenmur.

1 Jon 3:18

Ihtin ohoh ihan nohe taptem brer gur atem teidapatwi Nuhur arwananah ihirnong da apris bopor mat paptimur rim be mengwihe girim patepri. Arpin panggeit paptimdapat girit mengrinmur.

Jut ohe brak mat atip ohe meng oh 1:9

Ire na kas ham ma dasei meng por ma ihat sapti da oh duuptei hat pat han enser Maiker oh duuptei enser hat pat han orhor ihtin dasei meng oh Satan ohnong na potipmur. Imat ma na potip oh Satansi; enser Maiker ite Moses ohe sein oh Noh sein itiproh. Es. Noh sein itiproh gosham sakarap goshaya tei oh Maiker oh Noh rih hassi han hat patesuh hannong moh noh imtipora na daham dasei meng na potipmur. Na pora be Hanipyah orhor gonong sa inahatipra pora na imar Got orhe bes teinong mat mandatipmur. Oh imat mandatip ohoh ihan ama dasei meng poripti bap ihir kianorim aw tei mahat ma pati yah enser ihirnong dasei meng por indeipti.