Rom ihirnong Por oh brak atip ohe meng oh 15:12 - Oksapmin

¹² Gahan Aisaia ohe rim ma brak matip menghe mamaru hat patmur. Jesi ohe puh ihir tit han tit kaput tarpama Juda na hat pati han bap ire kakhan ham papindipramur. Imat kakhan hat papatin ihir Orhor yah nahatiprawa daham minhan pateprimur. Aisaia oh girim brak matipmur.

Rom ihirnong Por oh brak atip ohe meng oh 15:12 ပူးပေါင်းရင်းမြစ်များ

Matyu 12:21

Pisapatin isip hatporhan among among ma pati han ihirhe gonsi Ohwi inahatin hatin hanwa daham minhan indiprimur. rim brak matipmur pongop.

1 Korin 15:19

Dire Krais ohwi inahatin hatin hanwa ma dahapti da oh kakdah morhorwi dar ihat patihanoh ama ihat pati bap diroh hinhinsi hat pati bap dirmur. Dire ma hinhinsi hat ma patinong oh isipnap hat patimur. Be ire ma hinhinsi hat patinong oh gar hat patimur.

2 Timoti 1:12

Imat kis nahat napapat ohoh ihan noh ama ohe meng oh pot pisapatin ama ohe pe oh nohnong ruumsup nahat napapti orhor noh na kas hapatmur. Ruumsup nahat napaptin orhor nohe ma na kas hapat oh Krais Jisas orhor nohnong Go nohe yah meng moh pot pisashenmur napor nohe hrepnong matip yah meng moh orhor wamat paptepra ma hapat dahapat ohoh ihan nohhe ruumsupsi nahat napapti dus orhor noh na kas hapatmur. Norhe Orhorwi inahatin hanwa daham ma am hat pat han orhor orhe mengnong yah mat orhorwi wamat papatru yah mat papatin orhor orhe pepe dik oh sa hatipra dahama na kas hama kasip hat orhorwi patmur.

1 Pita 1:21

Ama namohom haputip ohe dap tei oh gurhe Got orhorwi inahatin hatin hanwa dahat patimur. Got oh Krais ohnong it da pamsasa armi mar win isipsi papten han matipmur. Got oh Krais ohnong imtipo rim ihan dirnonghe inahatipra ma hapat daham minhan patimur.

1 Jon 3:3

Orhor hatin hat patepri ma hapat daham ma minhan pati diroh Krais orhe danong ongeng mat papatru mat orhor dire dahe imat ongeng mat orhor pisapera daham ongeng mat orhorwi pisaya popriya mar papti bap dirmur.

Erer tarpatipra 22:16

Gahan Jisas oh Noh Jisasmur. Noh patin orhor nohe pepuh oh Depit oh irat bap ohe tan hat marhupmur. Gahan Depit oh irat ohe tan hetporhan noh it ohe puh ire bokdapat irat bap hatin hat tarpatipmur. Noh yinggarheis mong da hatin hah tei ma has hapat hatin han oh nohmur. Ihat ma pat han noh norhe enser ohnong Gin go susa ma ihtipra ohe meng erer oh sus sios ihirnong potinmur pora darhetporhan oh susa Jon ohnong gonsi meng erer oh pinggimur ringop.

Erer tarpatipra 5:5

Yimtiporhan han pohon maihir tit We. Go yimapra. Wamtin. Juda bap ire kasip han raion hatin hat pat han Depit ohe puh ohdapat mahaw ihirnong ambapte matir ohoh ihan ohwi gata gap emara dapetin ina hat patmur napongop.