Rom ihirnong Por oh brak atip ohe meng oh 14:9 - Oksapmin9 Ma ihapti oh oh Gin ma pati iresi hapuripti iresi noh pokwi ire Hanipyah titwi hatiprohmur rim hapura dire Hanipyah titwi ham mashupmur. Ihtip ohoh ihan dire gin mama patio hapuriyao oh orhe danongwi hat indinmat ihat patimur. အခန်းကိုကြည့်ပါ။ |
Nuhur ihat atamrein ma meng napot sapti oh tit han Krais oh pokwi ma haputip oh dire gonsi imah ohe tan ohwi bat gwe naham haputipmur. Ohe ma haputip oh dire haputin batbet oh ohwi tap mat nadar haputporhan dir gonsi ohsi tap hat haputpa hatin hat pati ma hapat dahaptimur. Dahama ama Krais ohe hinhina naham haputip ohe da oh ihirnong potin da oh nahatporhan nuhur mama napot apripti ohmur.
Dire ma dahapti oh Hanip dir hapur sus da ma patepri oh mamaru hat patepriwa dahaptimur. Jisas oh hapura da oh it masasa pip ma hapat. Got orhe ma da pamsuhupru mat orhor kaput Jisas orhe han dirnonghe imat napamsapra ma hapat. Napamsaporhan Jisas oh it aprisa Jisas ohsi; dirsi tap mat Got orhor napisapra ma hapat dahat patimur.
Sakatinmat oh dire Got ohwi inahatin hatin hanwa ma dahapti da ohe duuptei oh Jisas orhe bokdapatwi tarpam patmur. Tarpam patdapat ama da ohsi dirnong yah nahapatmur. Inahat pat hano rima orhornongwi kin duung pot orhorwi sakarinmur. Jisas oh Itap ohe mamen mat nat pat amam da oh noh datiprawa daham batbet datin ohe danong na hamo irat bok sur garnaham kas inasi sa nahatipri ohe danong oh dasei deio deipat irat bok sur gartaham batbet dar haputipmur. Hapur susa masas susa itap Got orhe tongnot pat tei bes oper tandapat tongnotipmur.
Ihir iraire er da hat ma sapti ohe meng oh Got ohe kintei remdin oh na remdiprimur. Iraire ihat ma sashe da oh Got oh Gin ihat ritinmur potporhan meng gonsi oh Got ohnong potiprimur. Ma potipri oh haputpa hansi; na haput pati hansi dirnong tap mat dahanaham nasatinmat mamen tahat pat han orhornong potiprimur.
Gin tit meng moh go Got ohe nita bap Sumerna aptei sios wamat papat enser ohnong mama meng moh brak mat atinmur. Nohri patesuhru patru ihat orhorwi patepra hanmur. Ihtin han noh haputip orhor it da apris pat han norhe meng oh Sumerna aptei sios wamat papat enser ohnong brak mat atinmur napotporhan noh ama han orhe meng oh mama brak mat nasar ohmur.