Rom ihirnong Por oh brak atip ohe meng oh 13:11 - Oksapmin

¹¹ Ihat patenmur ma napor oh dire gin mama pati danong moh daham ginapormur. Rih dir kopenat Got ohe danong ma hatpa oh Krais orhe it apris nambutin dik oh meihdapat hat patesuhmur. Gin mama pati dik moh orhe it apris nambutin oh kakduup nahat napapatmur. It apris nambutin oh kakduup nahat napapat ohoh ihan gin masas tei pati dik hatin hat patimur.

Rom ihirnong Por oh brak atip ohe meng oh 13:11 ပူးပေါင်းရင်းမြစ်များ

Matyu 16:3

Kwihan aw burdeihanoh kimsi mong er hatipra ma hapat daham am haptimuro. Gur kernong wamar Kimsi ihtipra ma hapat dahapti orhor nohe ma ihpatnong gur wandeipti Oh ama han orhor indeipat ma hapat na dahaptida.

Ruk oh yah meng ma brak matip ohe meng oh 21:28

Ihat apripra ohoh ihan nohe ma napor han erer oh tarpatporhan gur Got orhor nambur yah mat napaptepra dik oh gin tarpatinmat ihah ma hapat daham noh apripatin oh gur wanahatinmat hatnong mat wanahat patinmur pongopri.

1 Korin 10:11

Ire ma ihashe da oh dir am hama ire ti da ti da ma hashe danong oh hatipririm ihir ama meng oh dire boknong naham brak matpamur. Ihan mong moh timbas hatin dik oh kakduup hat pat ohoh ihan ire ma ihashe da oh gur am ham ihapri. Gur yah hat orhorwi patenmur.

1 Korin 15:34

We. Gur da hut patim er hat ma sapti da ohri mandanmur. Mandama yah hat da darhet sashen ohe danong oh hat patim da darhet sashenmur. Kat gur Got ohnong hanhan hat patim ihat saptimur. Ihat saptimur ma napor oh gur kas ham ha mandatingwe rim noh mameng moh napormur.

Epesas 5:14

Tit has teinong ma hapti ohe meng oh mamaru hat riptimur. Hapura timon pat han go kin wataham masona. Masporhan Krais orhe has ohsi has teinong nahatiprohmur riptimur.

Jemis 5:8

Ire ihat ma minhan wamat patiru hat orhor gurhe Hanipyah oh it apripra ma hapat daham minhan wamat patenmur. Hanipyah orhe it aprin dik oh kakduup hah ohoh ihan gur kasip hat orhorwi minhan wamat patenmur.

1 Pita 4:7

Gin mama erer moh gonsi kakduup timbas hatin ina hat patmur. Ihat timbas hatin ina hat pat ohoh ihan gurhe Got ohsi yah hat mengitinmat oh da darhera ti da ti da na ham da ongeng mat paptidapat Got ohsi mengitinmur.

2 Pita 3:11

Erer oh ihat timbas hatipra ma hapat daham ihan dir kinhat inper daham ihan nuhur Got orhe danongwi ham orhe dahapat da hatin ham ongeng tahat orhorwi saya apriya hatwi patepera daham sashenmur.

2 Pita 3:9

Ihat dahapat han ohoh ihan kat guroh Noh ihtiprawa napor rit natip meng oh kapkap na tarpam butahapat moho ma dahapti guroh ihat na butahapat hanmur. Oh arpin hanip nasatinmat apripra hanmur. Oh kapkap na apripra ma hapat ihat dahapri. Oh Hanip gur tit han tit dipwi batbet dar paten teinong hatiprarim gonsi da tamburkeriyarit ambutipra daham yah da tei naminhan wanahat napapatmur.

1 Jon 2:18

Nohe taptem brer gur mohnong dahenmur. Gin mong moh timbas hatinmat kakduup hat pat ma hapat dahenmur. Timbas hatinmat kakduup hat ma pat oh rih Kaput Krais ohnong mahaw matin han tit tarpatipramur ma ripti meng oh gin arpin ohnong mahaw mat papti han bap ihir ruumsan tarpam mama pati ohmur. Ihat ma pati oh dir wamara Gin mong timbas hatinmat kakduup hah ma hapat daham am haptimur.

Erer tarpatipra 1:3

Noh Got orhe meng napotporhan mama brak dei meng moh ohe tarpatin dik oh kakduup hah ohoh ihan hanip ire kintei mama meng sapti han gur amamsi han gurmur. Mama mengnong amram ma dindeipti han gurhe amamsi han gurmur.

Erer tarpatipra 22:10

Napora it nohnong Gwe wamara ma brak dei meng moh ihir satipri daham remdipra. Ama tarpatin oh kakduup hah ohoh ihan ama ihtipra ohe meng oh ha am hatingwe daham pitap teinong matinmur.

Erer tarpatipra 22:12

Napotporhan Jisas oh Gin gur amratino. Nohe kimsi orhor kapkap ma apripra oh hanip gure ma ihapti ohe yan oh gonsi napinmat apripramur.

Erer tarpatipra 22:20

Mama erer ihtipramur ma ripat han oh Noh arpinnap kapkap kimsi orhor apripramur napotporhan noh mama brak dei ohmur. Gin noh Hanipyah Jisasa. Arpinwa. Gin gorhor aprina porpatmur.