Rom ihirnong Por oh brak atip ohe meng oh 12:12 - Oksapmin

¹² Got oh inahatiprawa daham ma minhan pati moh Got oh arpin inahatiprawa daham amam hat patenmur. Ruumsup tit apris gure boknong nahahhanhe gur gapa ham mandapri. Kasip hat orhorwi patenmur. Orhorsi mengrinhe dipwi mengir patenmur.

Rom ihirnong Por oh brak atip ohe meng oh 12:12 ပူးပေါင်းရင်းမြစ်များ

Matyu 5:12

Gur Ma inahaya moh rih Got ohe meng porishe han ihirnong ma indeisheru ginhe nohnong inahapti ma hapat. Noh kaput Got ohe pat tei yan isip datipra ma hapat daham amam henmur pongopri.

Ruk oh yah meng ma brak matip ohe meng oh 10:20

Ihtin kasipsi nahatporhan gur Nuhur ama ohe kasip ohsi mongsup ihirnong maras sona potperhan nure meng amram maras saptihe daham ama ohe danong ham amam hapri. Nure win oh Got oh aw tei mahat brak mar nat patwa daham ama ohe danong amam ham patenmur pongopri.

Ruk oh yah meng ma brak matip ohe meng oh 21:19

Inahat napisaperhan Got oh yah mat napapat ohoh ihan kasip hat orhorwi patenmur. Ihat patimdapat eimat yah hat paten ohe da oh datiprimur pongopri.

Ruk oh yah meng ma brak matip ohe meng oh 8:15

Mong yah dus ma wanpat den gwe oh Got ohe meng oh amrama Amram dimtipera daham yahnap dasi hat pati ihiroh mengnong na mandama kasip ham marin patin orhor dam timapatmur pongopri.

Aposer 1:14

Ire rus ma inpa oh Jisas orhe supo orhe nap gapiniro kat kuu ihiro irair tit dawi hat patim Got ohsi mengir inpari.

Aposer 12:5

Wamat patin Got ohe nita bap ihir Got ohnong Got go Pita ohnong panggeitinmur por adahamatwi inpari.

Aposer 2:42

Wapti Jisas orhe mengtei tamrein sapti han ire napor am nahapti mengnong moh amram orhorwi pateprimur rim ihirsi tap hat mengiro den damo meng amramo Got ohsi mengiro ham irair tap hat patesheri.

Aposer 6:4

Mandapti nuhur Got ohsi mengitin danong hayao meng am matin ohe danong hayao hamwi pateprimur potpari.

Rom ihirnong Por oh brak atip ohe meng oh 15:13

Ama orhor yah nahatiprawa daham minhan pati ohe da ma napripat han oh Got orhorwimur. Ama Got orhornong noh Rom aptei Got orhe danong hat pati han bap gure paten meng oh nadahandeipatmur. Ma nadahandeipat oh Got go ire gorhornong Ohwi inahatin hatin hanwa dahapti ohe dap teidapat oh amam hat paten da ohsi; manap goshat yah hat indin da ohsi isip mat orhor teip mat apaptenmur. Imat teip mat apapatin gorhe Yahsup ohe kasip ohsi Orhor yah nahatiprawa daham ma minhan pati da oh isipnap mara teip mat orhorwi apris paptenmur por noh Rom aptei Got orhe danong hat pati kuuhan bap gure paten meng oh nadahandeipatmur.

Rom ihirnong Por oh brak atip ohe meng oh 15:4

Rih Got ohe meng ritporhan ma brak matpa meng gonsi meng oh amrama dir da yah hat patim kasip hat orhor Orhor imat yah nahatiprawa daham minhan ha patengwe rim meng oh gonsi ritporhan brak matpamur.

Rom ihirnong Por oh brak atip ohe meng oh 2:7

Nohe yah hat sapat ohe pe oh Got oh amamsi naham winsi han naham orhorsi yah hat eimat paten dasi sa nahatipra daham ama ohe danong kasip ham ma yah hat sapti gurnong oh Got orhorsi dipwi yah hat paten ohe dasi nahatipramur.

Rom ihirnong Por oh brak atip ohe meng oh 8:25

Na dat pati han ohnongwi datpera daham kasip ham minhan patimur.

1 Korin 13:13

Gino kaputo na timbas ham dipwi ma patepra da oh mama yitir muk mohmur. Tit oh Got ohwi inahatin hatin hanwa dahapti da ohmur. Tit oh Got ohe dirnong yah naham inahatiprawa daham amam ham minhan pati da ohmur. Tit oh hanip ihirnong da apris bopor mat papti da ohmur. Ama na timbas ham dipwi ma patepri da muk ohri kamen tahat ma pat oh hanip ihirnong da apris bopor mat papti da ohmur.

2 Korin 12:8

Ihat pato rim noh yitir dah Got ohnong At Got go mama trah ban sup argonahat napapat moh dat namdatinmur por yitir dah dahamtipmur.

Piripai 3:1

Gin noh pepe meng hatin mat gurnong napotiprohmur. Gur Nuhur Hanipyah orhe tapnong hat pati ma hapat daham amam hat patenmur. Noh rih gurnong ma natir meng oh Ihir amratiriwa. Gin it wanin meng oh na potiproh na daham it wanin meng orhor potpora dahapatmur. It wanin meng orhor ma napotiproh oh dasuh han bap ihir gurnong er nahatipririm it wanin meng orhor napotiprohmur.

Piripai 4:4

Gur Nuhur Hanipyah orhorsi pati ma hapat daham dipwi amam hat orhorwi patenmur. It tap meng orhor napotiprohmur. Amam hat orhorwi patenmur.

Korosi 1:11

Isip hat ha sashengwe rim oh Got go wanohe kasipnapsi pat han ohoh ihan gorhe ama kasipnap ohsi kasip mat orhorwi paptenmur. Got gorhor ama kasip ohsi mat papatin ihir na gapa hama ama kasip orhorsi ihir amam dasi kasip hat orhorwi ha patengwemur.

Korosi 1:27

Dire kinteinong pitap teinong ma matip oh Got oh Gin norhe areman papat meng moh norhe nita ire da teinong mar pitap teinong matpora. Indeirit ihir wamara sa am hapri daham dire da teinong mar pitap matipmur. Ama pitap teinong matip meng oh mamaru hat patmur. Krais oh Juda na hat pati han bap gure mutuh oh napapten hanmur. Imat napapatim bapkeisi naham yah hat napapten han ma hapat dahatin ohe da ma nareman papatesuh da oh pitap teinong matipmur. Inahat napapten han ohoh ihan gur Got orhe has yahnap dasi hat pat ohe da oh datipri ma hapat daham minhan patenmur.

Korosi 4:12

Epapras guragur tap bap ohhe gurnong Ihirhe sa pati rim dahatahapatmur. Oh Krais ohe atamreipat han ohmur. Oh arpupsi hat orhorwi dipwi gure indin ohe meng oh At Gota. Ihir gorhe danong hatin ohe da oh hanipyah ire dahat ma sapti da hatin hat ha patengwemur. Ihat patin gorhe Ihir ihat ha patengwea. Ihat yah hat orhorwi ha sashengwe gorhe ihat ma dahapat da ohsi ihirnong am mar paptenmur. Imat papatin ihir gwe ma dahapat da oh isip am hat ha patengwemur por nadahamarwi patmur.

Korosi 4:2

Gur dipwi Got ohnong meng por dahamarwi patenmur. Got ohnong meng por ma dahandeipti oh gure da oh tei patin orhorwi Got ohnong kasip ham dipwi weso por dahamarwi paptenmur.

1 Tesaronaika 1:3

Nure Got ohnong weso por ma nadahandeipti ohe duuptei oh mamaru hat patmur. Gure tit ma ihat pati oh ohnong Ohwi inahatin hatin hanwa ma dahapti ohe pe oh guragur kasip ham yah hat ma sapti ohmur. Tit ma ihat pati oh hanip ihirnong ma bopor mat papti ohe pe oh kasip hat orhor panggeimo hat ma pati ohmur. Tit oh gur diradire Hanipyah Jisas Krais oh apriprawa daham minhan ma pati ohe pe oh gur ama kasip hat pati ohmur. Gur ihat patio rim nuhur Got ohnong weso por nadahandeiptimur.

1 Tesaronaika 5:8

Dirnong oh mong da tei pati ohoh ihan orhor apris buporinsi nahatiprarim da darher danong ongeng mar paptenmur. Danong ongeng mar papindin oh Got ohwi inahatin hatin hanwa ma dahapti da ohsi; arwananah ihirnong bopor deipti da ohsi kasip namya aripti hatin mat an patenmur. Krais oh nambutiprawa daham amam ham minhan pati ohe dahe namya kakung aripti hatin mat an patenmur.

2 Tesaronaika 1:4

Weso pora Got orhe nita bap aptei aptei ma pati ihirnonghe Tesaronaika sios bap ihir ihat kasip hat orhorwi patimur por gure winnong armisi naham win nadaptuhut napisaptimur. Nuhur imat gure winnong ma nadaptuhut napisapti oh mamaru mat napisaptimur. Kat ihirdapat Tesaronaika aptei pati Got ohe nita ihirnong Maihir Got orhe nita bapmur rim ina ruumsup apriperhanhe ihir batbet isip dat sapti orhor ire Got ohe danong hat ma pati da oh na gapa ham kasip hat orhorwi ihat saptimuro por gure winnong armisi naham win nadaptuhut napisaptimur.

2 Tesaronaika 3:5

Gin gure da mutuhdapat Got oh bopor nahat napapatwa ma dahapti da oh Hanipyah orhor isip naham bapkei nahat ha napaptenoho. Napapatim orhe ina ruumsup dar kasip hat ma patesuh ohe kasip ohsi gure mutuhnong namtiporhan ama ohe kasip ohsi kasip hat ha napaptenoh rim nuhur nadahandeiptimur.

1 Timoti 6:11

Ire ma er hat saptinong ohri Timoti go Got ohe hrepdapat hat patim atamreipat han ohoh ihan gori kom asar tandurinmur. Tandura yah dao Got ohe yah hat ma pat danong ongeng mat papat ohe dao Got ohwi inahatin hatin hanwa dahat paten ohe dao ire danong ham panggeit sashen ohe dao pan ham kasip da hat orhorwi paten ohe dao hanip ihirnong manap da tei papten ohe dao ama da muk oh isip ham ha tarpat sashenoh rim kasip mat paptenmur.

2 Timoti 3:10

Nohe yah hat ma tamrein sapatnong oh go am hat patmur. Mamarumur. Nohe meng pot pisapat mengnongo nohe ihat ma sapat danongo nohe ihat tamrein sapat ohe duuptei mengo nohe kasip hat orhor ma Got ohe danong hat pat danongo nohe manap da tei orhorwi ihirnong pomat papat danongo nohe ire danong ham bopor mar panggeipat danongo ruumsup nahatperhan na garhama pan hat orhorwi ma pat danongo

Taitas 2:13

Ihat susa kakdah morhor Jisas Krais oh diradire nambutin han kasipnap Got oh ma hapat. Ama kasip han oh yahnap hat apripra ma hapat daham amam hat orhor minhan patenmur napor orhe yah matpora ma dahapat ohe da oh pitap teinong mar namgitipmur.

Taitas 3:7

Got orhe yahsup oh dire mutuhnong isip mat ma namtip oh orhe damdapat orhor Noh ihirnong imat isip mat orhor apripora. Apriporhan ihir ama Yahsup oh norhe kintei yah han bap mar sa paptepra. Imat papatin brer ihir itapir ire pan erer oh datipriwa ma dahaptiru hat orhor ihirhe Nuhur Got ohsi ihat eimat yah hat paten da oh dara Got orhorsi yah hat patepriwa sa dahapri daham napdapmur.

Hibru 10:32

Guragure rih orhor Got ohe has yah dasi dar ma pateshenong oh dahenmur. Gur has yah da datperhan gurnong ruumsupsi naham ambapte nahashe orhor gur na gapa ham kasip hat orhor pateshemur.

Hibru 10:36

Gur kasip hat orhorwi marin ayao Got orhe dahapat danongwi dimar ayao ihat orhorwi ayahanoh orhe rit natip erer oh datiprimur. Ihan kasip hat orhorwi marin patenmur.

Hibru 12:1

Eprahamo ihir Got ohwi inahatin hatin hanwa daham ma ihashe oh nuhurnong parper nahat napaptim Got ohwi inahatin hatin hanwa dahatin ohe da oh isip namgit napisaptimur. Imat isip namgit napisapti ohoh ihan ire ma ihat patiru gurhe watah ruum daphot mandam ma sakariptiru hat sakarinmur. Got ohe danong ham sakatinmat oh ruumsup nahapat dao kapkap nang natpapat er dao oh watah ruum gon daphot mandaptiru mat orhorwi daphot mandama Got orhe mihat sa sakaripri napor ma kis matipru hat orhorwi kasip hat orhorwi pan ham sakarinmur.

Hibru 3:6

Moses oh be han hat patim atamreisuh hanmura; Krais orhe ma tamreipatnong oh ap nita han orhe brer hat patim orhe atamreindinnong oh pomar yah mat orhorwi atamrein sapat hanmur. Orhe ap hatin hat ma pati han bap diroh mama mihat pati bap dirmur. Dire Orhorwi inahatiprawa daham amam hat ma minhan pati da oh na gapa ham kasip hat orhorwi papayahan ama han dir orhe ap hatin hat pati bap dirmur.

Hibru 5:7

Ama kis matip han Jisas oh hanip ham kakdah moh patim nohnong niyarit haputiprarim at Got oh napanggeitin han hat patwa daham itap orhornong yimat tit orhor dahamar patesuhmur. Imat dahamar patin itap oh Norhe mon moh orhe danong na hat pat ma hapat. Norhe hrepdapat hat patim dahanahapat ma hapat. Ihan noh ohe meng amratpora daham panggeit paptesuhmur.

Hibru 6:12

Ihan gur garham mandapri. Kat ire kapkap garham na mandam kasip hat orhorwi patim Got orhe napripra ritip erer oh dara marin pati ire tan ham kasip hat orhorwi patenmur.

Hibru 6:15

Por awam atuketporhan Epraham oh kapkap garham na mandama datpora daham wamat patesuhmur. Wamat patim rit atip meng arpin dam tarpatporhan datipmur.

Jemis 5:7

Kamah hat patim er hat sapti han ihirnong Got orhor sam imtipra ohoh ihan norhe taptem han gure boknong ruumsup da tit nahayahanhe gur kasip hat orhorwi minhan patin Hanipyah orhor ha aprinohmur. Den gonopat ha dam hatinoh rim ma minhan pati han ihirnong dahenmur. Ihir den gonopti Gin tom wandas sumo mong da atan oh heir mongnong mumun deio ihat patdapat kaput dam hatipra ma hapat daham minhan wamat patimur.

1 Pita 4:13

Es. Noh Krais orhe nita hat pat ohoh ihan nohhe Krais orhe darisuh batbet orhor hatin hat darpat ma hapat daham amam ham batbet dat sashenmur. Amam hat saptin orhe amam armi has da ohsi pepe dik ma pitap hatipra dik oh nohhe amam isipnap datiprawa daham amam hat orhor patenmur.

1 Pita 4:7

Gin mama erer moh gonsi kakduup timbas hatin ina hat patmur. Ihat timbas hatin ina hat pat ohoh ihan gurhe Got ohsi yah hat mengitinmat oh da darhera ti da ti da na ham da ongeng mat paptidapat Got ohsi mengitinmur.

2 Pita 1:6

Got ohe dahapat da ma am hapti ohe basnong oh ti da ti da na ham ongeng tahat pati ohe da oh ohe basnong matpora daham kasip ham imtinmur. Ongeng tahat pati ohe da ohe basnonghe ina ruumsup apriporhan na gapa ham Kasip hat orhorwi paten ohe da oh ohe basnong matpora daham kasip ham imtinmur. Kasip hat orhorwi paten ohe basnong oh Got orhe da hatin hat sapora dahapti da oh ohe basnong matpora daham kasip ham imtinmur.

Erer tarpatipra 13:10

Karapus nahatin inasi hat pati han gurhe arpin karapus nahatiprimur. Biorsi nitin inasi hat ma pati han gurhe arpin biorsi orhor nitiprimur. Ihan Got orhe danong hat ma pati da oh kas ham mandaprio. Kasip hat orhorwi dahat patenmur napor mama nabrak dei ohmur.