Rom ihirnong Por oh brak atip ohe meng oh 10:8 - Oksapmin

⁸ Basra. Krais oh dire duup moh pato rim mama meng moh rim brak matpamur. Ma brak matpa meng oh Got ohe meng oh dire duup moh patin dire damdapat dahayao atem teimdapat riyao mama hapti ohmur rim brak matpamur. Ama Krais ohwi inahatin hatin hatin hanwa dahatinmur girim ma brak matpa meng oh napor dire boknong am nahat napapat ohe meng ohmur. Ama imat napin pat meng oh noh mama napot napisapat ohe meng ohmur.

Rom ihirnong Por oh brak atip ohe meng oh 10:8 ပူးပေါင်းရင်းမြစ်များ

Aposer 10:43

Ma napotip han ohnong Got ohe meng rishe han ihir tap mengwi por brak deishemur. Ma brak deishe oh mamaru hat patmur Jisas ohnong Ohwi inahatin hatin hanwa ma dahaya ihirnong er hat saperhan yansi ma mat papat yan oh Got oh it yansi na mar Jisas orhe dap teidapat eimat hanhan mar amdatipramur rim brak matpamur potipri.

Aposer 16:31

Potporhan ihit Go Hanipyah Jisas orhornong Orhorwi inahatin hatin hanwa datinmur. Ihat dahatporhan orhor nambur yah hat paten ina da ohsi gorhornongo gorhe kuu brer ihirnongsi tap mat ama eimat paten ina da ohsi nahatiprohmur potpari.

Rom ihirnong Por oh brak atip ohe meng oh 10:17

Meng amram arpinhe daham ma amrapti oh Krais orhe yah mengnong moh pot pisaperhan amraptimur. Amrama Krais oh arpin ihtin hanhe daham orhe danong haptimur.

Garesia 3:2

Guragure pohon meng oh dindeipti ohe pe oh Got ohe Yahsup oh gure mutuhnong nahat napapatda da Krais ohe irat bok sur gartahatip ohe meng oh amram Arpinhe daham dindeipti ohe pe oh Yahsup oh gure mutuhnong nahat napapat. Gin gur ama ohnong daham napotinmur.

Garesia 3:5

Got oh gurnong Ihir pohon meng oh dindeiptihe daham orhe Yahsup oh gure mutuhnong nahama wandeipti na wandeipti han namgipatda da Ihir yah meng oh arpinwa daham amraptihe daham inahapat. Basra. Gur orhe yah mengnong amram arpin mengwa dahatperhan inahapatmur.

Epesas 5:26

Krais oh dire gwemat ma haputip oh Noh norhe nita sios kuuhan bap maihirnong tom gahdeipti ohe tan mat gahmaro norhe meng ohsi yah maro mar ongeng mat papten dasi matipramur. Deipat ire ina bok andeh sirap huhun tamboro er yan datin hatin hat pati ohe tamboro oh timbasnap ina yahnap ongeng mar mihihnap mat papat bok tei andeh norhe bes teinong mar datipramur daham dire gwemat haputipmur.

1 Timoti 4:6

Por nohe Timoti gonong mama napor meng moh gorhe taptem kuuhan ihirnong pora meng am mat pisashenmur. Meng am mat pisahanoh go Krais Jisas ohe yah hat atamrein sashen han hatiprohmur. Hapat gwe Krais ohe danong hen ohe yah meng ma dindeipat meng oh gorhornong kasip naham napisasipramur.

1 Pita 1:23

Gur Got orhe brer ma hat pati oh kakdah han diradire timbas hapti da ohsi manhetperhan Got orhe brer haptida. Basra. Orhe eimat paten da ohsi namanheya brer oh orhorsi eimat paten brer haptimur. Orhe ma inahapat oh orhe meng na timbas ham eimat pat ohe meng ohe pe oh inahapatmur. Inahat napapat ohoh ihan guragur da gosapris patenmur.

1 Pita 1:25

Hanipyah orhe mengnong ohwi na timbas hama dipdipwi patru patepramur. ritporhan brak matpamur. Ihir apris yah meng ma napotiri meng oh ama na timbas hapat ohe meng oh gurnong napotirimur.