Rom ihirnong Por oh brak atip ohe meng oh 1:25 - Oksapmin

²⁵ Ihat er goshat ma sashe oh han ihir Got ohnong Ihtin hanhe. Ihtin hanhe ma poripti arpin mengnong amkar mandama dasuh mengnong amram dimtipera daham dindeishemur. Dimara erer darpatip han kasip armi matin han Got orhornong armi matin han orhor patin orhor orhe darpatip han erernong Got hatin mar ama erer ire danong ham win adaptuhur armi maro imat pisashemur. Imat armi mat pisus armi matin han orhornong ma mandashe oh hanip diradire dipdipwi armi mar win adaptuhur paten Got orhornong mandam ihashemur. Arpinwa.

Rom ihirnong Por oh brak atip ohe meng oh 1:25 ပူးပေါင်းရင်းမြစ်များ

Matyu 10:37

Gur suanir itanir ire danong isip hama nohe danong isipnap na hayahanoh ama ihat pati bap gur nohe yah han hatin hat na pati bap gurmur. Kuunango wanango ire danong isip hama nohe danong isipnap na hayahanoh ama ihat pati bap gur nohe yah han hatin hat na pati bap gurmur.

Matyu 6:24

Jisas oh giporpat Gin mohnong dahatinmur. Tit han gowi yot han ite atamreindin asoh tapsut orhor tap hat atamreindin hatinda. Basra. Ihat na atamreindin hatinmur. Yot mat orhor atamreihanoh titnong bopor dei titnong na bopor dei hatiprohmur. Tit ohe danong ham titnong kom asar mandatiprohmur. Ihat yot hat na tamreindin ina hat pati ohoh ihan Got orhe danong ham atamreindin ohsi mani ohe danong ham tamreindin ohsi tap hathe na tamreindin ina hat patimur pongopri.

Jon oh yah meng ma brak matip ohe meng oh 2:8

Teip matperhan Jisas oh tomnap orhor it irat gwe gap tom deipat Gin gur tei oh ti yohom den ma wamat pat han ohnong apinmur potporhan ihir arpin yohoma ama apdapa oh.

Rom ihirnong Por oh brak atip ohe meng oh 1:18

Hanip dir Got ohe dahapat danong na hama amkar er hat ma sapti oh arpin mengnong ama er hat sapti da ohsi amkar er deiptimur. Ama ihat er hat sapti han ihirnong oh aw tei mahat ma pat Got oh gonsi ihirnong bopor heisup mat wamat papatmur. Ama heisup mat papat da oh pitap teinong matporhan hanip dir wamar am haptimur.

Rom ihirnong Por oh brak atip ohe meng oh 1:23

Hut susa yahnap gon han armi matin Got ohnong na armi matiprohemur daham iraire bes teimdapat hanip hatin mat arhuriyao ner hatin mat arhuriyao apop hatin mat arhuriyao hasiap ihir hatin mat arhuriyao mara ama imat arhuriya ire danong ham armi matpera daham armi mat pisashemur.

Rom ihirnong Por oh brak atip ohe meng oh 9:5

Ama han bap ire ropir ihiroh nuranure duupteinap awher ihirmur. Ama awher duuptei han ire puh ire bokdapat Krais oh hanip brer tarpam apdapmur. Ama apdap Krais oh dire kakhan titwi ham erer gon moh orhe hrepnongwi naham napapat han Got orhormur. Orhornongwi dipdipwi armi mar papten han ohmur. Arpinwa.

2 Korin 11:31

Nohe arpin meng naporpatnong moh Got oh dire Hanipyah Jisas ohe itap oh dipdipwi armi mat papten han orhor Oh arpin meng porpat ma hapat daham nohnong am hat patmur.

1 Tesaronaika 1:9

Mong mong ama ihir am hama gure boknong ma ripti meng oh mamaru hat riptimur. Ihirdapat oh Tesaronaika gure boknong ihir Got ohe nita bap ma pati ihir Poro ihir Tesaronaika apteinong saperhan ihir amam da tei orhor ambutiriri. Amburipti meng amram dasuh got apsupnong mandatiriri. Mandama arpin Got patesuhru patru patepra han orhe han ham atamreinpera daham orhe atamrein han bap hatiriri.

1 Timoti 1:11

Ti sawa ti sawa yah meng ma natip oh Dire armi matin han Got orhor Norhe has yah meng oh ihtin meng morhor pot pisonmur napor nohnong meng wamat paten kakhan nahatporhan noh mama napot napisapat ohmur.

1 Timoti 1:17

Ama inahatip han oh na hapura kakhan hat patesuhru patru hat orhorwi patepra han ohmur. Hanip dirhe kin wamtinhe na wandeipti han ohmur. Orhorwi arpin Got ohmur. Ama ihat pat han ohnongwi armi maro win isip adaptuhuro mat papten han ohmur. Arpinwa.

2 Timoti 3:4

kat han ihirnong nang han ham supti dao iraire indinnong asoh na dahama er danong asoh kapkap dinggoshapti dao Nuhurwi ihtin dasi isip hat pati han bapmur ripti dao iraire Got ohe danong na hama tihan tihan erer ohe ina amamnong oh hat pati dao

1 Jon 5:20

Dir am hat patimur. Got orhe brer oh kakdah mama wandas patesuh ohe pe oh dire da nadapema arpin Got orhornong am hatin ohe da oh napdapmur. Napriporhan dir ohnong am haptimur. Am hapti orhe brer Jisas Krais ohsi tap hat ma pati oh Got orhorsi tap hat patimur. Ama ohsi ihat pati Got orhor arpin Got eimat paten dasi nahapat Got orhormur.