Rom ihirnong Por oh brak atip ohe meng oh 1:11 - Oksapmin

¹¹ Noh gure patinong apris gursi diradir tap hat ayaneng daham dahandeipatmur. Noh aprisa gure Krais ohnong dahatin da oh Got orhe Yahsup oh titsi naprisa ha kasip nahat napisashenoh rim noh apripor daham Got go mandap namanhetin por dahandeipatmur.

Rom ihirnong Por oh brak atip ohe meng oh 1:11 ပူးပေါင်းရင်းမြစ်များ

Aposer 16:5

Meng am mat pisaperhan Sios ire Jisas ohe danong ma hat pati da oh kasip hat sangopari. Ihat kasip hat saptin It Jisas orhe danong ma haya han ihir tei apin tei apin ham han isip hat sangopari.

Aposer 19:21

Hanip yah orhe meng oh artahat sus kasip ham isip hat saporhan gahan Por oh Gin noh Jerusarem ap mutuhnong sonmat oh Masedonia mongo Akaia mongo among mutuh kat oh sapramur. Susa Jerusarem ap mutuh patdapat Rom apteinong sapramur potipri.

Aposer 19:6

Waperhan Por oh orhe bes oh ire kaknong amaringopri. Amarinporhan Got ohe Yahsup oh ire mutuhnong hangopri. Hatporhan ihir ama han ama han bap ire mengtei nitat meng poriya hangopari. Hapti Got orhe meng oh ire atem teinong rit atporhan ihir orhe meng oh ringopari.

Rom ihirnong Por oh brak atip ohe meng oh 1:12

Got orhe Yahsup oh gurnong titsi napris kasip nahat orhor ha napisashenoh daham ma apripor ihpat oh mamarumur. Nohe Krais ohe danong ma hapat da oh gurnong napris kasip nahaho gure Krais ohe danong ma hapti da oh nohnong napris kasip nahayao ham diradir kasip goshat inperim noh gure patinong apripor ihpatmur.

Rom ihirnong Por oh brak atip ohe meng oh 15:23

Ginnong oh ama ihat pati han ire apteinong sonhe timbas ohoh ihan noh rih orhor Noh sus ihirnong wamtipraneng dahat patesuh da oh gin arpin Rom aptei pati gurnong wanaham apripramur dahapatmur.

Rom ihirnong Por oh brak atip ohe meng oh 15:29

Gure pati kat ma apripra oh Krais orhe dir kasip goshat yah hat indin ohe da oh isipnap napin pat da ohsi hat apripra ma hapat dahat patmur.

Rom ihirnong Por oh brak atip ohe meng oh 15:32

Nadahamar paptin Got orhor Gin ire patinong ha sonoh dahahhanoh noh amam hat orhor aprisa diradir pan inasi gosham indiprimur.

Rom ihirnong Por oh brak atip ohe meng oh 16:25

Nohe yah meng napot napisapatru hat orhor Got ohhe inahat orhor kasip nahat napapten han Got orhormur. Nohe ma napot napisapat meng oh Jisas Krais orhe yah meng orhor napot napisapatmur. Ama napot napisapat yah meng oh rih orhor treman patesuhru patesuhmur. Gahan ama ihat treman patesuh meng oh Got orhor pitap teinong mar papatmur.

2 Korin 1:15

Gur ihat norhornong armi nahatin da nahat napateprio rim noh yot dah gure patinong apripra dahatipmur. Ama yot dah apripra dik oh gurhe yot dah sa amam hatipri dahatipmur. Yot dah sapra ma dahatip oh Masedonia mongnong sonmat akat sapramur. Susa it handapat ma apripra oh Judia mongnong son mandap oh ti ha napanggeitingwe rim it akat orhor apripramur dahatipmur.

2 Korin 1:21

Ama inahat napapat Got orhorwi gurnongsi diradirnong tap mat Mama han gur norhe hanmur napor kis naham Krais orhe tapnong hat paten kasip dasi nahat napapatmur.

2 Korin 11:4

Noh gurnong ake tom nahat ma napapat ohe duuptei oh mama ohmur. Kat ihir apris nohe Jisas ohe ihat patesuh hanmur ma naporisuh mengnong oh mandama ihir wan mengnong Jisas oh ihat patesuh hanmur naporiyao nohe Gurnong Got oh Yahsupsi ma nahatipnong oh mandapti ire wan sup tit Moh Yahsupmur naporiyao nohe Got ohe yah meng ma naporpatnong oh mandapti ire wan mengnong Moh Got orhe yah mengmur naporiyo nahatperhan gur kapkap amratin ina haptio rim noh gurnong heimse rim ake tom nahat napapatmur.

2 Korin 9:14

Got ohnong armi mara Got orhe damdapat Noh imat yah matpora daham ihirnong bapkei deipat da ohsi nuhurnong napanggeitahe daham gurnong bopor nahama gure ihat paten meng oh sa nadahandeipri.

Piripai 1:8

Noh gure danong ham ma bopor nahat napapat oh Krais orhe dirnong ma bopor nahat napapat da hatin hat orhor gurnong bopor nahat napapatmur. Noh imat bopor nahat napapatmur ma naporpat mengnong oh Got oh Arpin meng porpat ma hapat daham am hat patmur. Norhor imat bopor nahapat gursi diradir tap hat patineng rim gure danong ham pitning hapatmur.

Piripai 2:26

Ohe ma sik hatip oh Ihir nohe ma sik hatip meng moh ihir amrama da er hat patikin. Ihan Noh sus ihirnong wamtipor daham gure pitning hapatmur.

Piripai 4:1

Nohe tap tem gurnong norhor isip bopor nahat patmur. Patim gure kinkin danong hat patmur. Gure ma ihat sapti oh norhe winsiwi ihat saptio rim noh amam nahat napapatmur. Ihan norhe yah han gur nohe gurnong napor mengru hat orhor Hanipyah orhe tapnong hat ma pati da orhorsi kasip hat orhorwi sashenmur.

1 Tesaronaika 3:13

Aisip mat paptim ire danong akasip mara yahnap ongengnap mat paptenmur. Imat apapatdapat gorhe it apris gorhe nita bap kuuhan ihirnong ambura Got orhe kinteinong ma matipra oh ama yahnap ongeng mat papat da ohsi hat patina ire boknong matin meng timbas hat patin orhor Got orhe kinteinong yah mat orhor matinmur por nadahandeiptimur.

1 Tesaronaika 3:2

Timoti moh diradir tap hat Got orhe atamreindin oh atamreim yah meng pot pisapat han Timoti ohnong gure patinong nadarhetpera daham ohnong Go Tesaronaika apteinong sonmur. Susa kat ihirdapat Tesaronaika ihirnong imara ruumsup mat ma papti ohe pe oh Got ohe danong hat pati ohe da oh ihir gapa ham mandatipririm Timoti go susa kasip matinmur por ama nadarhetiri ohmur. Gurnong ruumsup naham ma inahapti oh Got oh Norhe nita kuuhan ihir mihat ruumsup datiprimur daham kis nahatipmur. Ama kis nahatipnong oh guragur am hat patimur.

2 Tesaronaika 2:17

Ama inahat napapti han yot itaitnong gure paten meng oh Gut ire danong akasip mara pang inasi mat paptenmur. Ire saptinonghe ti da ti da yah hat sapti ohe da ohsiwi mat paptenmur. Menghe yah mengwi rit sashen ohe dasiwi mat paptenmur. Gut imat ihirnong paptenmur por nadahandeiptimur.

2 Tesaronaika 3:3

Er hat sapti ihir ihtin han hat pati orhor Hanipyah Jisas oh arpinwi inahapat han ohoh ihan gurnonghe kasip dasi nahat orhor napaptepramur. Napapatin er han oh er nahatiprarim orhor doho hatin naham doho dahnong naham napaptepramur.

Hibru 13:9

Ihat pat han ohoh ihan kopenohe na dahatin da mengo ti da ti da mengo oh naporiyahanoh Moh wan mandapnong nahatin meng naporiya ma hapat daham wan mandapnong nahatipririm kom asar mandanmur. Mandapti Den moh yahmur. Moh awammur ma ripti oh dire da mutuhnong ham kasip naham na napanggeipat mengmur. Got orhe damdapat ma yah nahapat da oh da mutuhnong kasip naham yah nahapatmur.

1 Pita 5:10

Gur batbet ma daripti moh gin kakun gar dik tit batbet dariptimur. Gar dik tit dar patin komdapat Got orhor it yah naham kasip hat paten ohe inasi nahatipramur. Ama inahatipra Got oh hanip dire danong ham yah nahapat da ohe duuptei oh orhorwimur. Ama dahapti da ohe duuptei han orhor Maihir Krais orhe tapnong hama orhe dipwi pat has yah da ohsi tap mat taman dara ha patengwe napor namburpat Got orhor inahatipramur.

1 Pita 5:12

Mama hatip meng ma nasar moh Noh Sairas oh norhe taptem kasip ham pomat tamreipat hano rim noh ohnong potporhan oh ama nabrak dei ohmur. Mama brak mat ma nasar moh gur Got orhe damdapat orhor nuhurnong bopor naham ma yah nahapat oh arpin inahapat ma hapat daham ama danong mandapririm kasip hat marin ha patengwe rim mama brak mat nasar ohmur.

2 Pita 1:12

Nohe gurnong meng napor mama brak mat nasar meng moh gur Arpin meng ma hapat daham am ham kasip hat marin pati orhor noh gure danong napamsaswi napaptepramur.