Rom ihirnong Por oh brak atip ohe meng oh 1:1 - Oksapmin

¹ Noh Pormur. Noh Krais Jisas ohe atamreipat hanmur. Got oh nohnong Go norhe mengtei Krais ohe yah meng oh pot pisashenmur napor kis nahat napapat han noh Rom ap mutuh ma pati gurnong mama brak mat nasar ohmur.

Rom ihirnong Por oh brak atip ohe meng oh 1:1 ပူးပေါင်းရင်းမြစ်များ

Mak oh yah meng ma brak matip meng oh 1:14

Gahan Jon ohnong karapus matperhan Jisas oh mong Garirinong apingopri. Aprisa Got ohe yah meng oh pot pisangopri.

Jon oh yah meng ma brak matip ohe meng oh 12:26

Gur Dir Jisas ohe atamreindin danongwi hat sasipera dahayahanhe ama han gur nohsiwi sasiprimur. Nohsi ma sasipri oh nohe ma sasipra teinonghe gursiwi sasiprimur. Ihat saptin at ohhe gurnong Ihir ohsiwi tap hat tamrein saptio rim winsi han nahatipramur napongop.

Jon oh yah meng ma brak matip ohe meng oh 15:15

Duuptei han ire da oh iraire atamreipti han ihir am hat patida. Ihir hanhan hat patimur. Amaru gur nohe natamreipti han hatin hat patineng nohe ma ihpat da oh gurnong na naporpatnengmur. Gur norhe yah han hat pati ohoh ihan noh at ohe naporpat meng oh gonsi gurnong naporpatmur.

Jon oh yah meng ma brak matip ohe meng oh 15:20

Nohe ma naporpatgwer mengnong oh dahatinmur. Nohe gurnong ma naporpatgwer oh Kamah han tit oh orhe atamreipti han ire hrepdapat hat patda. Basra. Oh ire hrepdapat hat na patmur ma naporpatgwernong oh dahatinmur. Ihat pat ohoh ihan nohnong garnahamo inahamo nahayahanoh nohe hrepnong nahat napapat gurnonghe atnap inahapri basda. Gurnong atnap inahaprimur. Nohnong nohe meng amramo ma haya ihirnong oh gure menghe amramo haprimur.

Aposer 13:9

Imtiporhan Sor orhe win tit Por porishe han oh Got orhe Yahsup oh ohe mutuh ros isip mat papat han ohoh ihan Erimas ohnong kin dung por pomat wandeipat

Aposer 20:24

Ihat am hat patin ma apripat oh nohnong nitperhan noh haputiprohkin dahatin ohe danong oh hat patim na apripatmur. Hanipyah Jisas Krais orhor Go Got orhe damdapat orhor Imat yah matpora daham ma yah nahapat ohe yah meng oh pot pisashenmur napor kis nahat napapat ohe atamreindin oh timbas mar amamen matpor daham ama ohe danongwi ham atamrein sapatmur.

Aposer 21:40

Potporhan duuptei han oh Mai. Yahwa. Gwe meng tit pat oh ihirnong potina potporhan oh gwar bas oh tandeima meng potinmat oh bes daptuhutporhan ihir kimiringopa. Kimiritperhan oh Hibru ire mengtei

Aposer 22:21

Potporhan Hanipyah oh Es. Noh gonong meih mong ma Juda na hat pati han bap ire patinong nadarher ohoh ihan go sonmur napongop. Ginapotip ohoh ihan gin noh mama ihat apripat ohmur pongop.

Aposer 22:7

Dapeh potporhan noh or wanhupmur. Or wanporhan meng tit Sora. Sora. Go kianorim nohnong ruumsup napris er nahat napisapat napor hangop.

Aposer 26:1

Potporhan Agripa oh Por ohnong Gin gorhe boknong ma nahapti ohe meng oh gorhor ritina potporhan Por oh meng potporim bes daptuhura

Aposer 26:14

Has hatporhan nuhur ama hasnong wamar nuhur gonsi or wanhupa. Or wandasa noh amraoh Hibru ire mengtei Sora. Sora. Go kianorim nohnong ruumsup napris er nahat napisapat. Go nohnongwi ruumsup napris na inahapatmur. Nohnong ma inahapat oh gorhe boknongsi tasum ihat sapatmur napongop.

Aposer 27:23

Noh Got orhe nita han hat patim orhe atamreipat hanmur. Nohe atamreipat han Got orhe enser tit apung kwitem aprisa nohe dup moh tandeima

Aposer 9:15

Potporhan Hanipyah oh Es. Ama han ohnong noh Go norhe kasip meng mohsi kak hat pati hano Juda na hat pati hano Isrer hat pati hano ihirnong norhe kasip meng mohsi am mat pisonmur.

Rom ihirnong Por oh brak atip ohe meng oh 1:16

Gur mohnong dahenmur. Krais orhe yah meng moh ma pot pisapti ohe pe oh ihir arpin Krais orhor inahatin hatin hanwa dahatperhan Got orhe kasip ohsi ambutin inasi mar papatmur. Ihtin kasip mengo rim noh hanip ihirnong potin oh noh na kas ham potin dawi ham porpatmur. Got oh yah mar ambutin inasi mar ma papat oh Juda nuhurnongri imat nambutin inasi nahat napapatmur. Komdapat Grik han bapo ama be han hat pati bap gurnong oh ihtin inasi nahapatmur.

Rom ihirnong Por oh brak atip ohe meng oh 1:5

Ama Krais orhe dap teidapat oh Got oh orhe damdapat orhor Noh Krais orhe dap tei oh imat yah matpora ma dahapat da ohsi nohnong Go norhe mengtei yah meng moh pot pisashen hanmur napor nohnong kis nahat napapatmur. Kis nahat ma napapat oh Noh Juda na hat pati han bap among among ma pati bap ihirnong meng potporhan meng amrama Moh arpin ohwi inahatin hatin han ma hapat daham ha dindeingwemur. Dindeipti Krais orhe winnong adaptuhut ha pisashengwemur rim nohnong meng porin han kis nahat napapatmur.

Rom ihirnong Por oh brak atip ohe meng oh 1:9

Weso pora noh dipwi Got ohnong ma meng porpat oh gure danong hama gure ihat paten ohe meng oh nadahandeipatmur. Nohe ma dipwi nadahandeipat oh Got orhor Oh ire paten meng oh imat naporpat ma hapat daham orhor am hat patmur. Ama Got orhe atamreindinnong oh noh kasip hama pomat orhor atamreim mon orhe yah meng oh pot pisapatmur.

Rom ihirnong Por oh brak atip ohe meng oh 11:13

Gin Juda na hat pati bap gurnong oh mama meng moh napotiprohmur. Got oh gurnong meng napot napisapat han kis nahat napapat ohoh ihan noh ama ihat tamrein son ohe danong oh amam isip deipatmur.

Rom ihirnong Por oh brak atip ohe meng oh 15:29

Gure pati kat ma apripra oh Krais orhe dir kasip goshat yah hat indin ohe da oh isipnap napin pat da ohsi hat apripra ma hapat dahat patmur.

Rom ihirnong Por oh brak atip ohe meng oh 16:18

Ama ihat pati han bap ihiroh Hanipyah orhe danong hatinmat na ihapti han bap ihirmur. Iraire ina teimdapat er da tarpam tohormi tahat son ohe danong hat sapti han bap ihirmur. Ama ihirdapat Nuhurnong er nahatin han bap ihat apripti ma hapat ma na dahat pati ihirnong oh ambar yah meng tei pora gapa mar wan mandapnong pramat pisapti han bap ihirmur.

Rom ihirnong Por oh brak atip ohe meng oh 16:25

Nohe yah meng napot napisapatru hat orhor Got ohhe inahat orhor kasip nahat napapten han Got orhormur. Nohe ma napot napisapat meng oh Jisas Krais orhe yah meng orhor napot napisapatmur. Ama napot napisapat yah meng oh rih orhor treman patesuhru patesuhmur. Gahan ama ihat treman patesuh meng oh Got orhor pitap teinong mar papatmur.

1 Korin 1:1

Noh Pormur. Por nohnong Got orhe damdapat orhor Go Jisas Krais ohe meng pot pisashen hanmur napor nohnong kis nahatip hanmur. Gin ihat kis nahat napapat han nohsi; Sostenes nuhut Gurhe sa yah hat pati napor Korin aptei Got orhe nita kuuhan gurnong brak mat mama nasariya ohmur. Got oh Maihir norhe gon han mat papat han bap ihirmur napor kis nahat napapat han bap gurnong oh Jisas Krais orhe dap teidapat yah hat sashen inasi nahat napapat han bap gurmur. Ama ihat Korin aptei pati han bap gursi; among among Jisas Krais orhe danong armi mar papti han bap ihirnongsi tap mat guragurnong brak mat mama nasariya ohmur. Jisas Krais oh iresi; diresi diradire Hanipyah tit pokwi hat pat hano rim brak mat mama nasariya ohmur.

1 Korin 9:1

Noh hanip gure hrepdapat hat patda. Basra. Noh gure hrepdapat hat na patmur. Noh Krais orhe mengtei orhe meng pot pisapat han aposer hat pat basda. Noh aposer ma hat pat oh noh diradire Hanipyah Jisas ohnong wamara am hapat aposer hatipmur. Aposer hat patim orhe mengtei atamreim meng napot napisapat ohe pe oh gur am ham orhe danong ham orhe han haptimur.

2 Korin 1:1

Noh Pormur. Got oh nohnong Go Krais Jisas orhe atamrein sashen hanmur napor kis nahat napapat han noh gin diradire taptem Timoti nuhut gurnong mama brak mat nasariya ohmur. Grik mong Korin ap mutuh ma pati kuuhano aptei aptei ama pati kuuhano ama aptei aptei Got orhe nita hat pati kuuhan sios gurnong mama brak mat nasariya ohmur.

2 Korin 11:5

Ama ihat meng oh nohe boknong naham dasuh nahat apripti han ihir Nuhurwi Jisas ohe meng pot pison han bap kis nahatip bap oh nuhur pokwi winsi han hat patim ihat apriptimur dahaptimur. Ihir ihat dahapti orhor nohe ma dahapat oh Noh ire hrepdapat hat patim gurnong meng naporpatda. Basra. Nohnong Got orhor kis nahat napapatin noh meng naporpat ohoh ihan ihir norhe hrepdapat hat pati ma hapat dahapatmur.

2 Korin 11:7

Gur Got orhe kintei winsi bap ha hatingwe rim noh norhe winnong amkara gurnong meng naporisuhmur. Noh yan datin ohe danonghe hat patim na tamreisuhmur. Got orhe yah meng napotin danongwi hat patim tamreisuhmur. Noh ihat ma tamrein sasuh oh noh er danong tamrein sasuhda. Basra. Noh yah dawi hat patim orhor tamrein sasuhmur.

2 Korin 12:11

Korin sios bap gur Krais ohe meng pot pisashen han kis mat papat han bap maihir pokwi meng yah mat orhor napot napisapti han bapmur por ma armi deipti han ire hrepdapat hat noh patda. Basra. Noh bisei han hatin hat pat orhora; ire hrepdapat hat noh na patmur. Noh ihat pat han ohoh ihan gur nohnonghe Oh yah mat orhor meng napor napanggeitin han ma hapat kinham ihat na daham nohnong na armi nahapti. Gin gur ihat nohnong na armi nahapti ohe pe oh noh mama da ban tahat pati han ire iraire tohormi tahat mengriptiru hat noh mama meng moh naporpatmur.

2 Korin 2:12

Noh Troas ap mutuhnong susa Krais ohe yah meng oh potpora daham Troas ap mutuhnong pipmur. Susa wandeioh Hanipyah oh ire danong nohe meng amratin dasi mar amamen mat papatgop.

2 Korin 4:5

Krais orhe has yah hat pat meng ma naporipti oh gur nure danong ha hengwerim ohe meng na naporiptimur. Watina. Jisas Krais oh nure duuptei han hat pat sa. Ihan dirhe orhe danong ham orhe hrepdapat hat inpera ha dahatingwerim ohe meng oh naporiptimur. Jisas oh nuhurnong gurnong napanggeit napapten da napin pato rim nuhur gurnong napanggeim mameng moh naporiptimur.

Garesia 1:1

Noh Got ohe meng pot pisapat han Por noh mama brak dei ohmur. Noh mama mihat tamrein sapat moh tit han tit Gin go mama moh tamrein sashenmur napora kis naham na nadarhetipmur. Jisas Krais ohsi; Jisas ohnong ma pamsuhup han at Got ohsi itarhe taman Go meng pot pisona napora kis naham nadarhetpamur.

Epesas 1:1

Por norhor meng oh gurnong mama brak mar nasarpat ohmur. Got orhe da orhor nohnong Go Jisas Krais ohe meng pot pisashen hanmur napor nohnong kis nahat napapatin noh mama ihat sapat ohmur. Ama ihat sapat han norhor Got orhe nita kuuhan gur Krais Jisas orhe tapnong hat patim Got orhe danong na mandama orhe danongwi kasip hat pati kuuhan gurnong mama brak mat nasar ohmur.

Epesas 1:13

Gin Juda na hat pati bap gurhe ihat orhor Got orhe it nambur yah nahatin ohe arpin meng oh napotperhan gur amrama Krais ohwi inahatin hatin han ma hapat daham Krais orhe ma imtip ohe dap teidapat gin gurhe Got orhe brer hatirimur. Orhe brer hat patin Got oh ihirdapat wanaham Moh Got orhe nita ma hapat ha dahatingwe rim orhe Yahsup oh kaput napripramur ma ritip Yahsup oh dirnong ket tup saripti ohe tan mat kis naham napin napapatmur.

Epesas 4:11

Ama han orhor musum napin han oh orhe atamreindinnong asoh nitat mat napdapmur. Nitat mat ma napdap oh kat han ihirnong orhe mengtei meng pot pisashen han deio kat han tit ihirnong orhe meng porin han deio kat han tit orhe yah meng pot pisashen han deio kat han tit orhe nita ihirnong paptim meng am dein han deio imat orhe atamreindin asoh nitat mat napdapmur.

Piripai 1:1

Por noh Timoti nuhut Krais Jisas ohe hrepdapat hat patim orhe atamreipti han yotmur. Gin nuhut Piripai aptei han Krais Jisas ohe tap ham Got orhe nita hat pati han wasmano dikeno na diken hat pati kuuhano ama orhe nita hat pati bap gurnong nuhut mama brak mat nasariya ohmur.

Piripai 2:11

Adaptuhura Jisas Krais moh orhorwi hanip yahnapmur ha poringwe daham win isipnapsi han matipmur. Orhorwi Hanipyahnapmur por armi mar ma winsi deipti oh itap Got orhe winsi tap mat win isipsi mar win adaptuhuriptimur.

Korosi 1:1

Por nohsi diradire taptem Timoti nuhut patim noh mama gurnong brak mat nasar ohmur. Got oh rih orhor Mama han moh Krais orhe meng pot pisashen han matipramur daham kis nahat napapatdapat oh Go Krais orhe meng oh ihirnong meng pot pisashen han hatinmur napor kis nahat napapat han nohmur.

Korosi 1:25

Ama ihat pat han norhornong Got oh Go norhe nita sios ihirnong papten han hat patenmur. Patim norhe meng gonsi meng moh pomat orhorwi pot pisashenmur napor kis nahatipmur. Kis nahatporhan noh sios gurnong napanggeit napapten han ham mama napapat ohmur.

1 Tesaronaika 2:2

Nuhur Tesaronaika gure apteinong komdapat aprinmat Piripai apteinongri saperhan ire ma nuhurnong batbet napris dasei meng napor ma inahatiri oh gur am hat patimur. Mahaw naham inahat pati dus orhor Got oh kasip nahatporhan nuhur aprisa watahpei ham gurnong yah meng oh napotirimur.

1 Tesaronaika 2:8

Imat napaptim gure danong ham isip bopor nahat napaptim orhor nuhur Ire gwe mat patim orhor Got orhe yah meng moh potper dahat patim orhor napot indirimur.

1 Tesaronaika 2:9

Nohanher taptem gur dahat patimur. Nure gursi tap hat patim gurnong ina ruumsup napripririm kwitem timbas mong da timbas tamrein patimdapatwi nuranure bes tei orhorwi den dar dam indirimur. Imat tamrein patim Got orhe yah meng moh gurnong napor ma ihat indiri oh gure boknong ina ruumsup na nahama be meng napot indirimur.

1 Timoti 1:1

Por noh Timoti gonong mama brak mat nasar ohmur. Nohnong oh Gotsi; Jisas Krais ihit Gin go Jisas Krais norhe meng moh pot napisashenmur napor kis nahat napapti ohoh ihan noh itaite yah meng oh noh mama pot pisapat ohmur. Nambutin ina naham napapat han Got ohsi; apris yah nahatiprawa daham ma minhan pati Jisas Krais itait kis nahat napapti ohoh ihan noh gin ite meng oh mama pot pisapat ohmur.

1 Timoti 2:7

Orhor ihat pat han ohoh ihan Por nohnong Gin go Juda na hat pati han bap ihirnong norhornongwi dahatin ohe arpin meng oh pot pisonmur napor kis nahat napapatmur. Noh arpin ihat pat han ohoh ihan noh arpin meng naporpatmur.

2 Timoti 1:11

Ama yah mengnong oh nohnong Go ihirnong pot pisusa am mat pisashenmur napor nohnong kis nahat napapatmur.

Taitas 1:1

Por noh Taitas gonong mama brak mat nasar ohmur. Norhornong oh Got oh Por go norhe natamreio Jisas Krais ohe meng pot pisao hen han gonong norhor kis nahahmur napor kis nahat napat han noh Taitas gonong mama brak mat nasar ohmur. Kis nahat napapat han ohoh ihan Got oh Maihir norhe nita mat papat bap ihirmur por kis mat papat han ihir Got ohwi inahatin hatin hanwa ma dahapti ohe danong oh pomat orhorwi daham ha am hengwe rim noh mama ihat atamreipat ohmur. Got oh Ihir ihat ha songwe ma dahapat ohe yah danong hatin ohe arpin meng oh am hat ha songwe rim noh mama atamreipat ohmur.

Hibru 5:4

Hanat bok han ham ma tamreipti oh winsi han hamwi tamreiptimur. Ama winsi han ham ma tamreipti oh hanip diradir Noh winsi han ham ihat tamreinpora na dahaptimur. Got orhor Eron ohnong Go hanat bok han ham winsi han ham tamreindina por ma kis matipru mat orhor dirnonghe winsi naham ama ohe tamreindin hanat bok han naham kis nahapatmur.

Hibru 7:26

Ama ihat pat hanat bok han oh dire gapa hat pati oh yah mat napanggeitin dasi hat patmur. Napanggeitin hatin ma pat oh mamaru hat patmur. Hanip dire kintei oh er hat na sapat hanmur. Yahnap hatwi pat hanmur. Biseihe na ham ongeng tahatwi pat hanmur. Hanip dire er hat sapti hatin hat na pat hanmura; Got orhe mihih hat pat hatin hat pat hanmur. Got orhe yah da oh duung dasi mar ongeng mat aw tan ohe tei puteinap mahat daptuhut papatin papat hanmur. Oh ihtin han hat pat han ohoh ihan dirnong napanggeitin hanat bok han hat patmur.

Jemis 1:1

Jemis noh Gotsi Hanipyah Jisas Krais ite atamreipat han nohmur. Ihat ma tamreipat han noh Got orhe nita Juda bap gurnong mahaw ihir inaham oknahatperhan gur kukut sus among among tei ma pati gurhe sa yah hat patio rim noh mama brak mat nasar ohmur.

1 Pita 4:17

Ma inahapti oh gin Got ohe dahanaham nasatin dik oh gin apris orhe nita bap dirnong nasapat ma hapat dahat patenmur. Dirnongri imat nasapat ohoh ihan Got orhe yah meng na amram kom asaripti ihirnong oh atnap batbet isip apinmat satipramur.

2 Pita 1:1

Noh Saimon Pitamur. Jisas Krais orhor Go norhe meng mohsi pot pisona napotporhan orhe kis nahat napapat han noh orhe boknong hat patim orhe mengtei be atamreim sapat han noh mama brak mat nasar ohmur. Diradire namburpat han Jisas Krais oh Gotmur. Ama Krais orhor orhe duung dasi hat pat ohe pe oh orhornong Ohwi inahatin hatin hanwa dahatin ohe da oh Juda hat pati bap nuhurnong yah mat orhor napripatmur. Yah mat orhor ma napripatru mat orhor gurnonghe imat orhor napripatmur. Napriporhan ohwi inahatin hatin hanwa ma dahat pati han bap gurnong mama brak mat nasar ohmur.

Jut ohe brak mat atip ohe meng oh 1:1

Noh Jemis ohe nap Jutmur. Jisas Krais orhe atamreipat han noh gurnong mama brak mat nasar ohmur. At Got orhor gurnong Norhe brermur napor orhe brer naham orhe bopor mutuh nahat napapatin Jisas Krais oh orhe yah hat napapten ohe hrepnong naham napapato rim noh gurnong mama brak mat nasar ohmur.

Erer tarpatipra 1:1

Jisas Krais oh Komdapat ma tarpat sasipra ohe meng oh Jon nohe kinteinong pitap matporhan noh mama brak dei ohmur. Nohe kinteinong ma pitap matir oh Got ohdapat Jisas ohnong pinggitirmur. Pinggitporhan Jisas ohdapat Got ohsi pati han enser ihir tit han ohnong pinggitirmur. Ohnong pinggim darhetporhan ohdapat orhe atamreipat han nohe kinteinong pitap matirmur. Nohe kintei ma pitap matir oh Got oh kapkap arpin tarpatiprawa ma dahah da oh orhe atamreipti han bap gurnong namgitinmat nohe kinteinong pitap matirmur.

Erer tarpatipra 22:6

Gahan enser oh Jon nohnong Gwe wamara ma brak dei meng moh gonsi arpinnap dam tarpatipra ohe mengmuro. Got oh orhe meng pot pison han ihirnong orhe Yahsup ohsi kasip mara ma darherpat Got orhor nohnonghe Gin mama erer moh kimsi orhor ma tarpatipra meng oh go susa ohnong pinggitinmuro napor nohnong nadarhetporhan noh mama apris gin namgi ohmur napongop.

Erer tarpatipra 22:9

Noh kopen armi matpor ihpatin oh Es. Go nohnong inahatipra. Noh gwe ma tamreipato Got ohe meng pisapti han gwe taptemo mama brak meng amram dindeipti hano ihirsi; diradir gonsi tap Got ohe atamreipti han bap dir ohoh ihan go nohe danong ham armi nahatipra. Got orhe danongwi ham armi mat paptenmur napongop.