Piripai 4:9 - Oksapmin

⁹ Noh rih gurnong yah meng ma napotipo nohe gure kintei yah hat sus gurnong ma namgitipo oh gur wanaham am hapti Ohe mimat namgipat da moh yahnap ma hapat dahatpamur. Ihan gure ama Moh yahnap da ma hapat dahat pati danong orhorwi hat sashenmur. Ama danong ohwi isip hat sayahanoh manap da nahat napapat Got orhor gursi napaptepramur. Ihan gur adanong ohwi hat sashenmur.

Piripai 4:9 ပူးပေါင်းရင်းမြစ်များ

Matyu 1:23

Ma brak matip oh Kaput kuu horhor tit be bokdus ake hama brer mon itipramuro. Itporhan winhe Emanuer oh potipramuro rim ma brak matip meng oh dam timdipmur. Emanuer ma porishe oh Got oh dirsi tap hat pat hanmur porishemur.

Matyu 28:20

Patira nohe gurnong sawa ma nasarisuh meng oh gonsi am mat pisashenmur. Am mat ma pisasipri oh mama meng moh amram dimarwi paptenmur por am mat pisashenmur. Mohnong dahenmur. Nohe ma patepra oh noh arpin gursi napanggeit orhor napapatru nahat napanggeit napapatin kaput mong pepe dik sa hatipra napongop.

Matyu 7:21

Gur nohnong Arpin hanipyah go ma naporipti han gur gonsi Got ohe napapindin teinong hatipriwa dahapri. Basra. At aw tei ma pat han orhe danongwi daham ma dindeipti han gurwi saprimur.

Ruk oh yah meng ma brak matip ohe meng oh 6:46

Jisas oh giporpat Gur nohe meng napotporhan na amrapti gur gin nohnong Hanipyaha. Hanipyaha ma naporipti oh kianorim ginaporipti.

Ruk oh yah meng ma brak matip ohe meng oh 8:21

Potporhan Jisas oh Got ohe mengnongwi amram ma dindeipti bap ihiroh nohe emhero nohsi taptemo ihirmur pongopri.

Jon oh yah meng ma brak matip ohe meng oh 13:17

Ihan noh Hanipyah hat patim orhor gurnong hanip gospanggeit sashen da namgi moh ihan gur Nuhur atnap orhe namgi da morhorsi ihatwi arwapnanah ihirsi gospanggeit sashen da namgi ma hapat dahat patim ihat sashenmur. Ama ihat dahat sapti han gurnong oh amam dasi hat ma pati bap gurmur napongop.

Jon oh yah meng ma brak matip ohe meng oh 15:14

Gur nohe meng amram ihyahanoh ama ihya han gurnong oh Gur norhe yah hanmur naporpatmur.

Jon oh yah meng ma brak matip ohe meng oh 2:5

Potporhan sup uh kuu darir han orhe atamreipti han ihirnong Oh gurnong meng tit naporhanhe gur amram orhe ma napor mengru hat orhor ihenmur pongop.

Aposer 9:6

Gin go tandeim ap mutuhnong sonmur. Susa aptei oh patin gwe kopen ma ihapra ohe meng oh tit han tit oh apris napotiprohmur pongopri.

Rom ihirnong Por oh brak atip ohe meng oh 15:33

Gin manap gosham yah hat indin ohe dasi nahapat ohe duuptei han Got gorhor ihirsi tap hat patenmur por nadahandeipatmur. Arpinwa.

Rom ihirnong Por oh brak atip ohe meng oh 16:20

Ihat sayahanoh manap gosham yah hat paten dasi nahapat Got orhor kimsi orhor er han Satan ohnong ambapte mar gure hrepnong matipramur. Gin Got gorhe damdapat orhor Noh ihirnong imat yah matpora ma dahapat da oh ihirnong apris pomat paptenmur por nadahandeipatmur.

1 Korin 10:31

Nohe ma naporpat oh mamaru hat orhorwi ha patengwe rim naporpatmur. Gur den dam tom dam erer oh gonsi hatinmat oh Nuhur kinhayarit Got orhornong winsi han matiprohe daham orhornong winsi matin han erernong ohwi ihat sashenmur.

1 Korin 4:16

Noh ihat gure ita hat pato rim kasip mengtei Gur ita norhe ihat sapat danong mohwi dimar sashenmur mama naporpat ohmur.

2 Korin 13:11

Nohe taptem gurheo. Gur nohe mengnong moh amratinmuro. Amrama yah danong hatin ohe danong moh Got orhe dahat pat da ohsi tap kat mat pisasipera daham tap kat mat pisashenmur. Imat pisus guragur tit dawi hama manap dasi gosapris yah hat patenmur. Ihat patin bopor naham manap dasi nahapat Got oh gursi tap hat sa patepra.

Piripai 3:17

Nohe taptem gur nohe ma ihat sapatnong moh wanahama Ohe ma ihat sapatru hat dirhe sasipera daham nohe ma hat sapatru hat sashenmur. Susa gur nure ihat saperhan wanaham pomat ma dindeipti ihirnong oh gurhe pomat wamar sashenmur.

Piripai 4:7

Imat dahandeiptin Got oh Ihir Krais ohsi tap hat patim dahanahaptio rim hanip dire eimatnap na dahatin orhe gon manap da tit oh sa naprisipra. Naprisa ama napir da ohsi Noh gin kinhat sa indiproh daham da darheripti danong oh amkara ama da orhap isip hatipramur.

1 Tesaronaika 1:6

Napanggeit napaptin gurhe meng amrama Hanipyah ohsi nure ma kat han ihirdapat inahatperhan amam hat ma saptiru gurhe dinahama amaru hat orhor pirimur. Gur ihat ma piri oh ina ruumsup isip daripti dus orhor Got orhe Yahsup oh gurnong amam dasi nahatporhan amam ham meng oh dar amam hat pirimur.

1 Tesaronaika 2:14

Nohanher taptem gur amratin. Juda mong ma pati irair kat ihirdapat kat ma Krais Jisas orhe tapnong hama Got orhe nita sios bap hat pati ihirnong ruumsup batbet apris imtirimur. Gin gurhe ire ma imtiriru mat orhor Tesaronaika aptei guragur orhor kat ihirdapat kat Jisas Krais orhe tapnong hat pati bap gurnong ina ruumsup napris er nahaptimur.

1 Tesaronaika 5:23

Nure at Gota por ma nadahandeipti meng oh At Gota. Go gorhorsi; nuhursi manap gosham yah hat paten ohe duuptei han oh gorhorwimur. Ihtin dasi naham napapat han gorhor Tesaronaika aptei sios bap ihirnong Got gorhor hatin mar gorhe yahnap danong asoh isip mat apisus gon gurus por apaptenmur. Imat apapatin ina da oh yahnap bok inasi hat patin Jisas Krais oh it apris ha wamtinoh rim go ihirnong ihtin inasi mat paptenmur por nuhur imat gure paten meng oh nadahandeiptimur.

2 Tesaronaika 3:4

Gur diradire Hanipyah ohsi tap hat pati ohoh ihan nure ma napotiri sawa meng oh gur amram dindeipti ma hapat. Gin ma naporiya sawa meng mohhe amram dimat orhor paptepri ma hapat dahaptimur.

2 Timoti 4:22

Noh Hanipyah ohnong Hanipyah go Timoti ohnong panggeit pomat paptenmur. Timoti ohnong panggeit papatim gorhe damdapat Noh ihirnong imat yah matpor ma dahapat da ohsi Timoti ohnongsi; Timoti ohsi pati ihirnongsi tap mat apris paptenmur por nadahandeipatmur. Gin nohe menghe kimur.

Jemis 1:22

Behe meng amram hariri por mandapri. Be ma amram mandapti han ihiroh iraire boknong dasuh taham ihapti han bap ihirmur. Ihan behe amram mandapri. Amrama damsi hat orhorwi saya apriya ham patenmur.

2 Pita 1:10

Nohe taptema. Gur ire ihapti da hatin hapririm noh tit meng tit napotiprohmur. Got orhor Maihir norhe nita matipra han ihirmur napora kis nahapat orhe nita naham napapat bap gurmur. Gurnong inahat napapat bap gur ohoh ihan ihir wanahama Maihir arpin Got orhe kis mat papat han bap ma hapat ha napotingwe rim gur ire kintei arpin yah mengnong dahama yah hat orhorwi saya apriya hat patenmur. Ihatwi saya apriya hat ayahanoh gurnong ma er naham timbas nahatin mandap oh timbasmur.

1 Jon 3:22

Dahamara Got orhe bopor mat papat dao orhe sawa mengo ohnong amram dindeipti ohoh ihan dire Got ohnong ma dahandeipti ohe erer oh gonsi napriporhan dariptimur.