Piripai 2:26 - Oksapmin

²⁶ Ohe ma sik hatip oh Ihir nohe ma sik hatip meng moh ihir amrama da er hat patikin. Ihan Noh sus ihirnong wamtipor daham gure pitning hapatmur.

Piripai 2:26 ပူးပေါင်းရင်းမြစ်များ

Matyu 11:28

Napora ruumsan tamreim ina ruum daripti gur nohe pat duupnong aprina. Apriperhan ama apriya gurnong ina pang hat indin ohe dasi nahatipramur.

Matyu 26:37

Napora Sebedi ohe mon yot Jemissi Jon ihito Pitao ihirnong Gur nohsi masoteinong hatper pora ama yitir han ihirsi susa asoteinong hama ohe da oh da ruumsup tit hangopri.

Aposer 21:13

Baso potperhan Por oh Gur kinham yimam nohe danong nasum naer deipti. Noh Hanipyah Jisas ohnong winsi han mat pisapat ohoh ihan nohe ihat sapat ohe pe oh nohnong karapus nahayao nitperhan hapuro ihyahan yahwa dahat sapatmur napongop.

Rom ihirnong Por oh brak atip ohe meng oh 1:11

Noh gure patinong apris gursi diradir tap hat ayaneng daham dahandeipatmur. Noh aprisa gure Krais ohnong dahatin da oh Got orhe Yahsup oh titsi naprisa ha kasip nahat napisashenoh rim noh apripor daham Got go mandap namanhetin por dahandeipatmur.

Rom ihirnong Por oh brak atip ohe meng oh 12:15

Ihir amam da tit dariptihanhe gur Wes imat amam da dariya rim guragur tap hat amam henmur. Ihir ruumsup tit dar saheih ham yimaptihanhe guragur tap hat ruumsan dara saheih ham yimonmur.

Rom ihirnong Por oh brak atip ohe meng oh 9:2

Noh arpin meng ma napotiproh oh mamarumur. Norhe aptei han Juda ihir Krais ohe danong na hat patio rim noh ihirnong ake tom isip mat papatmur.

1 Korin 12:26

Dire ina moh tit inawi ham gospanggeit pati ohoh ihan tit pemdapat tit ina ruum darhanhe gonsi ina pe moh ire ruum dariptimur. Tit pemdapat tit armi matin da hahhanhe gonsi ina pe moh irair tap mat ama ohe amam oh dariptimur.

2 Korin 9:14

Got ohnong armi mara Got orhe damdapat Noh imat yah matpora daham ihirnong bapkei deipat da ohsi nuhurnong napanggeitahe daham gurnong bopor nahama gure ihat paten meng oh sa nadahandeipri.

Garesia 6:2

Guragure ruumsup hat pati da oh gospanggeit sashenmur. Ihat ma sapti oh Krais orhe napotipru hatwi saptimur.

Epesas 3:13

Ihat pati ohoh ihan gur Por oh nure gwemat apripatin ohnong ruumsup mat papti moho rima gurhe da er ham guragure Got ohe danong hat pati da oh mandapri. Oh dirnong napanggeim yah nahatinmat oh ihat pat ma hapat daham kasip hat orhor patenmur.

Piripai 1:3

Noh gure danong ham hahhan noh norhe Got ohnong weso porpatmur.

Piripai 1:8

Noh gure danong ham ma bopor nahat napapat oh Krais orhe dirnong ma bopor nahat napapat da hatin hat orhor gurnong bopor nahat napapatmur. Noh imat bopor nahat napapatmur ma naporpat mengnong oh Got oh Arpin meng porpat ma hapat daham am hat patmur. Norhor imat bopor nahapat gursi diradir tap hat patineng rim gure danong ham pitning hapatmur.

Piripai 2:25

Gin orhor diradire taptem Epaprodaitas ohnong it darhetpora dahapatmur. Ama han orhornong gur rih Go sus Por ohnong panggeinmur por darhetperhan oh apris nohnong napanggeipatmur. Ma napanggeipat oh nohsi tap hat tamreimo mengnong gatmar gusut sayao hat pati han yot nuhutmur.

Piripai 2:27

Oh ma sik hatip oh gar na sik hatipmur. Isipnap sik ham haputin ina hatipmur. Sik ham haputin ina hatip orhor Got orhor hinhina mar yah matipmur. Ma hinhina mar yah matip oh ohnongwi basmur. Nohnonghe Por oh ohe sik hat pat pe moh Por oh ruumsup hat pat moh ihan oh hapurhanoh Por ohnong atnap ruumsup oh amkatipra daham orhor hinhina naham napanggeim yah matipmur.

Piripai 4:1

Nohe tap tem gurnong norhor isip bopor nahat patmur. Patim gure kinkin danong hat patmur. Gure ma ihat sapti oh norhe winsiwi ihat saptio rim noh amam nahat napapatmur. Ihan norhe yah han gur nohe gurnong napor mengru hat orhor Hanipyah orhe tapnong hat ma pati da orhorsi kasip hat orhorwi sashenmur.

1 Pita 1:6

Imat nambutipra ma hapat daham amam hat orhorwi minhan patenmur. Minhan patim kakdah moh ohe kakun ina ruumsup dariptinong mohhe dahenmur. Ina ruumsup ma daripti oh mamarumur. Got orhor ihir norhe danong ma hat pati da oh ha kasip hatingwe daham ti ina ruumsup ti ina ruumsup nahatporhan dir kakun ama ina ruumsup batbet dariptimur.