Piripai 2:10 - Oksapmin

¹⁰ Ihtin win isipsi han ma matip oh putei pati bapo kakdah mama pati bapo mong hrep ma pati bapo ama bap ihir orhe danong hat pati hansi; orhe danong na hat pati hansi gonsi ihir Epe. Mihtin win isipnapsi han moh daham amam mar orhe win isipnong adaptuhur ha paptengwemur.

Piripai 2:10 ပူးပေါင်းရင်းမြစ်များ

Matyu 28:18

Ihtiperhan oh nure duupnong apris nuhurnong At oh kakdah mong erer mohsi; aw tei mahat ohe erer ohsi norhe hrepnongwi mar papindin ohe kasip inasi nahat napapatin noh norhe hrepnongwi mar papatmur.

Hibru 1:6

Ama tandaptuhut pat duuptei brer orhornong kakdahnong moh darhetinmat oh enser ihirnong Gur orhornongwi armi mat paptenmuro porpat kakdahnong moh darhetipmur.

Epesas 3:14

Got oh dirnong tit bapwi nahat napapato rim noh diradire at Got ohe duupnong ham mem ham nadahandeipatmur.

Erer tarpatipra 4:10

Potperhan 24 han pohon ihirhe Mutuh ap tan ma tongnot pat han moh da dipdipwi pat han moho daham ohe duup oh bos hamnong ham armi deiptingopa. Armi mara iraire kakung an pati oh dapera ohe rumkin dason oh sariptingopa.

Matyu 27:29

Aripti watiap nang hatin gah dapsi han dara kimin daken hatin mara hanipyah kamoheim hat pati han ire kakung aripti ohe tan mara ohe kak tei ama anpa oh. Aripti bur bok tit dara ohe bes oper tannong mara katin akir tongnoma Hanipyaha. Juda ire kakhana por ama dasei matpa oh.

Erer tarpatipra 20:13

Ma apdap oh tom sor hruo haputin supo hapuriya han ire da ma sus pati ap teio ama ihir haputpa han ire da ma marin paptidapat Gin pepe diko rim it dahamar ha satinoh rim orhe pat duupnong darhengopa. Darhetperhan orhor pomat sama ire ma ihashe ohe pe yan kiswi nitat mat apingop.

Epesas 4:9

Putei mahat pruhupmur ritporhan ma brak matpa oh de ohe pe oh sa ruhup dahayahanhe mihat dahatinmur. Kopenatri kakdah moh wandasa hapur sus da was pati hrep mong mutuhnapnong waihip ma hapat. Gahan it maras ruhup ma hapat dahatinmur.

Rom ihirnong Por oh brak atip ohe meng oh 11:4

Norhap patmur potporhan Got ohe it ma potipnong oh dahenmur. Ma potip meng oh Es. Gorhap patda. Norhe nita 7,000 han ihirnong norhe danong hat paten ohe da ohsi mat papatmur. Imat papat ohoh ihan ihir dasuh got Bar ohe danong ham na armi deiptimur potipmur.

Matyu 12:40

Jona ohe ma pinggitip oh mamarumur. Oh pis isip ohe ake mutuh oh patin yitir dah indipmur. Amaru hat orhor hanip brer nohhe mong tem maham patin yitir dahwi indipramur. Nohe ma namgitipra oh ama ohwi namgitipramur.

Erer tarpatipra 5:3

Rit utporhan ama brak oh dapem satin han tit aw tei mahat ma Got ohsi tap hat pati hano kakdah mama pati hano haputpa ire pati mong tem hrep maham ma pati hano ihir ama brak oh dapem satin han ihir ti na pati hangopa.