Piripai 1:28 - Oksapmin

²⁸ Imat pisaptin dasei mar indeipti han bap ihirnonghe na kasa mar watahpei ham orhor meng pomat poriptimuro ritperhan noh amrapramur. Gur ihat tit da ohsiwi hat patim watahpei ham meng pot pisayahanoh kat han ihir wanahama Epe. Ire ma watahpei hat naporiya moh Got oh dirnong ma timbas nahatipra oh dirnong hamin naham namgiya ma hapat. Ihirnong ma ambutipra oh Got orhe ihirnong ambutipra ohe da oh namgiya ma hapat daham sa am hapri. Got orhor namburpat han ohoh ihan gur kasip hat orhor patenmur.

Piripai 1:28 ပူးပေါင်းရင်းမြစ်များ

Matyu 10:28

Ina teimdapat nitin han ire danong ham kas hapri. Got oh ina teisi; dasi tap mat nima irat has teinong nahatin han ohnongwi kasa hat patenmur.

Mak oh yah meng ma brak matip meng oh 3:3

Wamat patin oh bes tan wasi han ohnong Go apris ire mutuh moh tandeitina pongopri.

Ruk oh yah meng ma brak matip ohe meng oh 3:6

Imtiperhan kuuhan gonsi ihir Got ohe namburpat da oh wamar am hatiprimuro por uarpatmur. ritporhan Aisaia oh brak matipmur.

Jon oh yah meng ma brak matip ohe meng oh 16:8

Yahsup oh napanggeit napapatim oh kakdah han ihirnong ire er hapti da atirip haho yah hapti da pinggio Got oh bopor heisup mat papatda pinggio hapramur.

Aposer 28:28

Porpat Gin gur mohnong daham ha am hatingwe rim daham am hatin ohe meng tit napotiprohmur. Gur ihtin nat ki han bap hatin hat patim mengnong na amraptio rim Got orhe nambur napapat ohe meng oh Juda na hat pati han bap ihirnong pot pisaptimur. Imat meng pot ma pisapti ohe pe oh ihir meng amramo dahamo haptimur potipri.

Rom ihirnong Por oh brak atip ohe meng oh 8:17

Dir Got orhe brer hat pati ohoh ihan orhe nat pat erer oh orhe brer Krais orhe darpatru mat orhorwi orhorsi taman titwi datiprimur. Orhe batbet ma datipru mat dariyahanoh ama imat dariya han bap dir has yahnap da oh orhorsi taman tap mat datiprimur.

1 Tesaronaika 2:2

Nuhur Tesaronaika gure apteinong komdapat aprinmat Piripai apteinongri saperhan ire ma nuhurnong batbet napris dasei meng napor ma inahatiri oh gur am hat patimur. Mahaw naham inahat pati dus orhor Got oh kasip nahatporhan nuhur aprisa watahpei ham gurnong yah meng oh napotirimur.

Hibru 13:6

Got oh ihat napotip ohoh ihan tit han tit ohe daham ma brak matipru dirhe ihat dahat patimur. Ma brak matip meng oh mamaru hat patmur. Hanipyah oh napanggeit napapat ohoh ihan hanip ihirdapathe nohnong kin mat er nahatiprohe daham nohhe na kas hat patmur. gidaham brak matipmur. Amaru hat orhor dir dahat patimur.

Erer tarpatipra 2:10

Gur ama ina ruumsup ma daripri oh gur kasa hamhe mandam sasipriri. We. Gur dahatinri. Satan ohe mengtei gurnong kis naham kat gurnong Jisas orhe nitao rim karapus nahayao niyao nahatipriri. Nahatperhan gur ama ohe ina ruumsup dat patina kathei dah timdipriri. Ihtin ohoh ihan gure nohe danongwi hat pati danong oh mandatipriri. Niyarit hapurhanhe yahwa. Nohe Jisas ohe danong ma hat pat da moh na mandatiprohwa dahatwi patenri. Ihapti han bap gurnong ama ohe pe yan oh eimat paten ohe da napriprari.