Piripai 1:15 - Oksapmin

¹⁵ Meng pot ma pisapti han kat han ihiroh nohnong Ohwi winsi han hat sapatgwer. Ihan dir ohe winnong amkatper daham damdapat inahat napaptin orhor Krais ohe meng oh pot pisaptimur. Kat han ihiroh norhe danong hat patim orhor meng pot pisaptimur.

Piripai 1:15 ပူးပေါင်းရင်းမြစ်များ

Matyu 23:5

Parisi ire ma ihat sapti oh Hanip ihir be ha wanahatingwe daham ihat saptimur. Mamarumur. Ihir Got ohe meng brak mara ban mara kinbi tei moh suat hatinmat sariyao bes watah tan moh tumuh hatinmat ariyao ma ihapti oh Be han ihir wanaham Moh Got ohe mengsi pati han bap oh maihirhe ha naporingwe rim isipnap gon orhor mat sariptimur. Simbap hatinmat suma watah boknong ma dumapti oh Be han ihir wanahama Moh Got ohsi pat hanhe ha naporingwe rim dapsi orhor dumam saptimur. Ihir iraire danongwi ham ihat sapti han ihirmur.

Aposer 10:36

Got oh Isrer nuhurnong yah meng ma napotip meng oh Gur dahat patimur. Ama napotip oh Gure Hanipyah Jisas oh gure titwimur. Ama tit han orhe dap teimdapatwi manap gosat paten ohe da meng oh tarpat apripatmur napotipmur.

Aposer 11:20

Juda ihirnongwi am deiptin Saipras mong ma pati hano Sairini mong ma pati hano ihir kat han Antiok apteinong ama pipa oh. Susa Hanipyah Jisas orhe yah meng oh Juda na hat pati han ihirnongsi tap mat meng ama porishe oh.

Aposer 8:35

Por dahamtiporhan Pirip oh Mama brak matip meng moh Jisas ohe boknong mar brak matipmur pora ameng ohe boknong duup mara Jisas ohe ihat pat ohe yah meng oh gonsi potipri.

Aposer 8:5

Ihama Pirip oh mong Samaria mong ohe ap mutuh tit susa Krais ohe meng oh porisuhri.

Aposer 9:20

Sor ohe Damaskas ap mutuh ma indip oh ama yah hah dik orhor Juda ire rotu ap ap oh rosa Jisas oh Got ohe brermur rim Jisas ohe meng oh pot pihipri.

Rom ihirnong Por oh brak atip ohe meng oh 2:8

Arpin yah danong moh mandam nuranure ina boknong daham armi tahat sasipera daham ma er hat sapti bap gurnonghe Got oh ama ihat sapti ohe pe oh orhe bopor heisup da oh tom ohe tan isipnap yohot gure boknong napripramur.

1 Korin 1:23

Oh ire ma dahat sapti ohe meng ohmur. Nure ma Got ohe danong hat patim meng pot ma pisapti meng oh Krais orhe irat bok sur gartahatip meng ohwi pot pisaptimur. Imat pot pisaperhan Juda hat pati han bap ihir Moh er nahatin menghe daham dasei mar mandaptimur. Juda na hat pati bap ihirhe Moh na dahatin menghe daham garmar mandaptimur.

1 Korin 13:3

Dir dire erer oh borop han ihirnong apriyao Diradire ina moh namrin napisus irat teinong nahayahanhe yahwa daham diradire ina moh ihirnong apriyao hatiprohe orhor hanip ihirnong da na apris na bopor mat patim ihat saptihanoh ama ihat sapti da oh hanip dirnong na napanggeitin da ohsi ihat saptimur. Ihan hanip ihirnong da apris bopor deipti da kamen tahat na patin ohri ihathe sasipri.

2 Korin 1:19

Sairaso Timotio nuhur Got orhe brer Jisas Krais oh mihat pat hanmura; mihat pat hanmura ma napotiri han oh tandapat dawa ripat tandapat es ripat handa. Basra. Dawa. Noh inahatiprohwa ripat meng orhorwi ripat hanmur.

2 Korin 11:13

Ihir nuhur Jisas ohe meng pot pison han bap kis nahatip han bap nuhurmur rima arpin orhe kis mat papat han bap hatin hat tamrein sapti orhora; dasuh ham ihat tamrein sapti han bap ihirmur.

2 Korin 12:20

Dahama yah da hat orhor patina noh apripramur. Aprisa noh ihir sa ihat yah hat patepri ma dahapat da ohsi hat gur ihat na patihanoh nohhe gure Oh manap dasi hat sa apripra ma dahat pati da ohsi na apripramur. Gur ihat na patin noh apriprakin daham ina ruumsi hat patmur. Noh ina ruumsi hat ma pat oh gur sakarap gosham inggoshatin ohe dao ire asoh abopor deipti ohe dao kapkap bopor heisup deipti ohe dao ator meng goshapti ohe dao Nohwi winsi han hatipraneng daham bap goshapti ohe dao dasei meng poripti ohe dao ap taredapat hanip aripti ohe dao nohwi ihtin hanmur dahapti ohe dao tit urhe dahah tit urhe dahah gosham sakarap goshapti ohe dao ama ihat pati da muk ohsi hat patin noh gure mutuh apriprakin daham ina ruumsi hat patmur.

2 Korin 4:5

Krais orhe has yah hat pat meng ma naporipti oh gur nure danong ha hengwerim ohe meng na naporiptimur. Watina. Jisas Krais oh nure duuptei han hat pat sa. Ihan dirhe orhe danong ham orhe hrepdapat hat inpera ha dahatingwerim ohe meng oh naporiptimur. Jisas oh nuhurnong gurnong napanggeit napapten da napin pato rim nuhur gurnong napanggeim mameng moh naporiptimur.

Garesia 2:4

Ihtin orhor kat Juda dasuh han bap ihir ahar nure mutuhnong hatpamur. Nure mutuhnong hama Gin dir maire pohon sawa mengnong mandama Krais ohe tapnong hat ma pati ohe pe oh nang tarpit wandas gin dir be yah hat patimur ma ripti moh dir gin kinheit sara wamat inpera. Wamat patin diradire pohon ma ripti meng moh na riyahanoh it pohon sawa hrepnong orhor matiprohemur daham da nadason mar wanahat inpamur. Wanahat patim Taitas ohnong wandeipti Gin go eit watah gatmatina napotpamur. Ma napotpa oh it nang natpatinmat ginapotpamur.

Piripai 2:3

Ihat patim gur Nuranurwi erer ruumsansi han hayao winsi han hayao hatinmathe ihat sasipri. Gur ihirnong nohe hrep papatwa dahatin ohe da oh mandama noh ire hrepdapat hat patwa daham arwananah ire danongwi ham sashenmur.

1 Timoti 3:16

Ama dire yah hat paten arpin meng nareman papat meng oh Got oh pitap teinong matir meng moh wanohe arpin meng yahnap meng tit ma hapat daham mama ga ripti meng hatin mat ripti ohmur. Krais oh hanip hapat pitap hatipmura; pitap hatipmura. Pitap hapat orhe ongeng tahat yah hat sapatin Got ohe Yahsup oh orhe yah hat ma sapatnong oh namgitipmura; namgitipmura. Enser ihir wandeishemura; wandeishemura. Orhe meng oh aw pe mong pe han gonsi pot pisaperhan ihir amram arpin ohwi inahatin hatin hanhe dahashemura; dahashemura. Dahatperhan Got oh orhe yahnap teinong pihipmura; pihipmura. rim mama ga oh ripti ohmur.