Piripai 1:12 - Oksapmin

¹² Nohe taptem gur amratinmur. Gin mama napotiproh meng mohri isip meng napotiprohmur. Gur amratin. Nohnong ma inaham karapus nahat napapti ohe pe oh yah meng ma isip hat sapat ohe mandap oh gin gatmatiri ma hapat dahatipri. Basra. Na gatmatirimur. Isip hat orhorwi sapatmur.

Piripai 1:12 ပူးပေါင်းရင်းမြစ်များ

2 Timoti 2:9

Noh ama yah mengnong ohwi pot pisapat ohe pe oh norhornong inaham ruumsup nahama er han hatin naham karapus nahat napaptimur. Ihtin orhor Got ohe mengnong oh atimbas mar karapus matin hatinda. Na timbas matin hatinmur.

Rom ihirnong Por oh brak atip ohe meng oh 8:28

Got orhe inahapatnong oh dir am hat patimur. Orhornong bopor mat papti han bap dirnong yah hat indin da ohsi; ti da ti da ohsi dire bok apirhanhe Got orhor it yah nahatin ohe danongwi deipatmur. Ama ihat pat danong yah nahatin da ma deipat oh dirnong Go norhe han ham norhe dahat pat danongwi hat sashenmur napor kis nahat napapat han dirnongwi inahat napapatmur.

Rom ihirnong Por oh brak atip ohe meng oh 8:37

Inahat napapti orhor bopor nahat napapat Got orhor napanggeit napapat ohoh ihan ama danong oh ambapte marwi paptimur.

Aposer 8:4

Ihir kukut susa ama aptei aptei oh Got ohe yah meng oh pot pisasheri.

Ruk oh yah meng ma brak matip ohe meng oh 21:13

Ire duupnong nahatperhan gur norhe yah meng oh ihirnong potin kat oh pat hatipramur.

Piripai 1:5

Gur kopenat ma meng amraya pe orhor gur yah meng moh pot pison ohe tamreindin oh napanggeitparu napanggeit orhorwi napaptio rim noh gure ma nadahadeipat oh Got ohnong weso por nadahandeipatmur.

Piripai 1:7

Got orhe damdapat Yah matpora dahat patdapat nohnong Go yah meng moh ihirnong pot pisona napor kis nahat napapatmur. Ihat kis nahat napapat ohoh ihan noh be karapus hat patino dahandeipti han ire mutuhnong nahat napaptino oh yah meng orhorwi pot pisapatmur. Pot ma pisapat oh dahandeipti han ire mutuhnong nahatperhanhe Moh arpin meng pomat pot pisapat hanhe ha dahatingwe rim noh pomat orhor pot pisapatmur. Got ohe Gur ihat tamreindin naporpat yah da moh diradirnong tap mat napriporhan diradir tap hat tamreiptio rim nohe dahe gurnong bopornap nahat napapatmur.

Piripai 2:22

Timoti orhap ihtin inasi hat pat hanmur. Ihat patim brer ihir itapir ihirnong ma panggeiptiru mat orhor nohnonghe yah meng pot pison ohe tamreindin oh imat orhor napanggeipatmur. Ohe kasip ham nohnong ma napanggeit sapat da oh gur am hat patimur.

Piripai 4:3

Ihit tit dawi hat ha indingwe rim nohe tap tamreindin ma kasip hat tamreipat han go Piripai aptei tamreipat ohoh ihan go ihitnong panggeitinmur. Ihit norhe yah meng pisapatnong moh ihit napanggeipti kuu yot ohoh ihan itait tit dawi ham da gosat ha patengwe rim nohan go ihitnong pomat orhor panggeitinmur. Ama kuu yot ihitwi na napanggeiptimura; Kremeno norhorsi tap hat tamreipti kat hano ihirsi tap ham tamreim napanggeiptimur. Ama imat napanggeipti bap ihir Got orhe danong hat pati ohoh ihan ire win oh Hanipyah orhe eimat paten dasi hat pati ohe brak ban tei oh patimur.

Piripai 4:15

Masedonia mong Piripai aptei pati gur dahat patimur. Noh kopenat yah meng oh gurnong naporariri Masedonia mong mandam saporo ritporhan gurwi nohnong napanggeitirimur. Kat aptei sios ihir nohnong ti na napanggeitirimur. Nohsi diradir ma gospanggeishe oh gursiwi gospanggeishemur.

1 Timoti 2:8

Ihan noh aptei aptei ma pati han gonsi ihir heisup ham inggoshatin da oh timbas hat patim ongeng mat papti da orhorsiwi Got ohnong dahamar ha paptengwe dahat patmur.

2 Timoti 4:17

Ihirdapat nohnong na napanggeim namdatiri orhora; Hanipyah oh ama dahanahatiri dik orhor apris Juda na hat pati han bap ihirnong meng pot pison inasi naham napanggeit napapatin noh Got ohe meng moh ihirnong pomat potirmur. Potporhan Dir Por ohnong sutpera ma dahapti han bap ihir kotwa bap hatin hat pati bap ire atem teidapat orhor Got oh nohnong nambutirmur.