Pirimon 1:7 - Oksapmin

⁷ Norhe taptema. Gorhe ma Got ohe nita ihirnong bopor mar panggeim da ayah deipat oh noh amam isip hama gin nohe dahe pangsi hat patmur.

Pirimon 1:7 ပူးပေါင်းရင်းမြစ်များ

1 Korin 16:18

Noh ihat amam hat ma pat oh gure danong ihir ma nayah matiriru hat orhor nohnonghe imat da yah nahatperhan noh amam hat orhor patmur. Ihat pati han ihir ohoh ihan gur ihirnong ihat pati hano rim amam mar paptenmur.

2 Korin 7:13

Natporhan Taitas oh ihir ama brak oh dara amrangwerimur ritporhan nuhurhe amam ham da yah hatirimur. Ama da yah hatiri ohe bas oh gure Taitas ohnong da yah mar amam matiri da oh Taitas oh apris ritporhan ama amam ohsi nuhur atnap isip amam hatirimur.

2 Korin 7:4

Gure da oh nuhurnong napriprohewa daham nohe ma dahat pat meng gonsi pitap teinongwi mar mama naporpat ohmur. Noh gurnong armi nahatin da orhorsiwi hat pat ohoh ihan tihan tihan ruumsup oh nohnong naptahat napapathanoh noh na gapa ham amam hama pan hat orhorwi patmur.

1 Tesaronaika 1:3

Nure Got ohnong weso por ma nadahandeipti ohe duuptei oh mamaru hat patmur. Gure tit ma ihat pati oh ohnong Ohwi inahatin hatin hanwa ma dahapti ohe pe oh guragur kasip ham yah hat ma sapti ohmur. Tit ma ihat pati oh hanip ihirnong ma bopor mat papti ohe pe oh kasip hat orhor panggeimo hat ma pati ohmur. Tit oh gur diradire Hanipyah Jisas Krais oh apriprawa daham minhan ma pati ohe pe oh gur ama kasip hat pati ohmur. Gur ihat patio rim nuhur Got ohnong weso por nadahandeiptimur.

1 Tesaronaika 2:13

Nuhur apris Got orhe meng oh napotperhan gur amrama Moh hanip guragure meng na naporiya ma hapat. Got orhe meng oh naporiya ma hapat daham datirimur. Gur ihat datirio rim nuhur Got ohnong dipwi weso naporiptimur. Oh arpin Got orhe meng ohoh ihan Got orhe danong hapti han gure da mutuh oh arpin dam timdin meng oh gure mutuh patmur.

1 Tesaronaika 2:19

Gure danong ma hat pati oh Jisas Krais oh it ma apripra oh kian hansi tap hat apirit dir wamar amam hatipri. Amam hama nure yan ma dariyahe mohmuro por armi taham daptuhur pinggitipri. Nure ihat daham ma minhan pati danong oh kian danong minhan pati. Guragure mutuh dam ma timapatnong oh minhan patimur.

1 Tesaronaika 3:9

Gur ihat ma pati ohe pe oh Got orhorsi patin nuhurnong amam isip nahat napapatin orhornong wes potin da oh isip hat pat ohoh ihan kinhat mutuh gatmar mandama weso na poriprohe.

2 Timoti 1:16

Onesiporas oh pokwi nohe karapus hat patnong moh na kasna nahama Rom ap mutuhnong moh De ap oh karapus hat pato rim angnahat apris wanahatipmur. Wanahapat gin trun dah tit da yah naham us apir hapatmur. Oh inahapat hano rima noh orhornongo orhe kuu brer ihirnongo oh Got go hinhina mar yah mat paptenmur.

Pirimon 1:20

Nohe nap Pirimon go nohnong mamaru nahat da yah nahatinmur. Go Nuhut Hanipyah orhe tapnong hat pati han yot ma hapat. Ihan noh ohe danong apang matpora daham norhe ma napor mengru mat orhor Onesimas ohnong amamsi mat ambutinmur.

2 Jon 1:4

Kat han ihirdapat Uhe brer kat ihir itap Got orhe Gur ihat indinmur ma naporpatru hat orhor ihirhe amram ihat orhor itap orhe arpin meng dindeiptimur ritperhan noh amrama nohri amam isip tit hat patmur.