Pirimon 1:24 - Oksapmin

²⁴ Kat han nuranur tap tamreipti bap Mako Aristakaso Demaso Ruko ihirhe tap hat dahatahatperhan noh gonong napor mama brak mat nasar ohmur.

Pirimon 1:24 ပူးပေါင်းရင်းမြစ်များ

Aposer 12:12

Dahapat Jon Mak ohe sup Maria uhe apnong pipri.

Aposer 12:25

Gahan Banabassi; Sor ite Jerusarem ap mutuhnong sus mani apris ma panggeipti oh timbas deipti Jon Mak ohnong amburipti irair Jerusarem ap mutuh mandama Antiok aptei oh it susa patesheri.

Aposer 13:13

Gahan Papos aptei mandama Poro orhorsi pati hano irair sip tem rosa Pampiria mongnong pipari. Susa Pampiria mong mutuh oh susa Perga aptei oh kotpari. Kora ama aptei amdapat Jon Mak oh sip tem ros orhap it Jerusarem ap mutuhnong sangopri; ihir Pisidia mongnong pipari.

Aposer 19:29

Goshapti kasip mengtei sakarap gosham iraire mengnong amkat patin amkat patin gosham meng bap goshat ama mengitpa oh. Ihapti ihir Por ohsi; Masedonia mongdapat tap hat apdori han yot Gaiassi Aristakas ihitnong net pora marim pohon tarmuripti teinong pisangopari.

Aposer 27:2

Darhetperhan Sip oh Adramitiam apteidapat aprisa Esia mong aptei aptei oh saporim aprisa pathan mong Masedonia Tesaronaika aptei han tit Aristakas oho nuhur sip temnong rosa pipa. Saptin kwi hatporhan sip tem orhor timdipa.

2 Korin 8:23

Ama Taitas ohsi ma darhetiprohe han yot ihitoh Sios ihir Gut Got orhe atamreindin oh atamrein sashenmur potperhan ihit atamrein saptin ite ma atamrein sayanong oh ihir wamara Krais ohe winnong aisip deiptimur. Taitas oh Gurnong napanggeitinmat nutanut tap hat tamrein sapti han ohmur.

Piripai 2:25

Gin orhor diradire taptem Epaprodaitas ohnong it darhetpora dahapatmur. Ama han orhornong gur rih Go sus Por ohnong panggeinmur por darhetperhan oh apris nohnong napanggeipatmur. Ma napanggeipat oh nohsi tap hat tamreimo mengnong gatmar gusut sayao hat pati han yot nuhutmur.

Piripai 4:3

Ihit tit dawi hat ha indingwe rim nohe tap tamreindin ma kasip hat tamreipat han go Piripai aptei tamreipat ohoh ihan go ihitnong panggeitinmur. Ihit norhe yah meng pisapatnong moh ihit napanggeipti kuu yot ohoh ihan itait tit dawi ham da gosat ha patengwe rim nohan go ihitnong pomat orhor panggeitinmur. Ama kuu yot ihitwi na napanggeiptimura; Kremeno norhorsi tap hat tamreipti kat hano ihirsi tap ham tamreim napanggeiptimur. Ama imat napanggeipti bap ihir Got orhe danong hat pati ohoh ihan ire win oh Hanipyah orhe eimat paten dasi hat pati ohe brak ban tei oh patimur.

Korosi 4:10

Nohsi tap hat karapus hat pat han Aristakas oh gurnong Ihirhe sa pati rim dahatahapatmur. Banabas ohe amup Mak ohhe gurnong Ihirhe sa pati rim dahatahapatmur. Ama dahatahapat han oh gure pati tei oh apirhanhe nohe rih gurnong imat ambutinmur ma napotirru mat orhor ambutinmur.

Korosi 4:14

Nuranure bopor mat pati han dokta Ruksi be han Demas ihithe gurnong dahatahaptimur.

1 Pita 5:13

Got oh gurnong kis naham orhe nita ma nahatipru Babiron aptei maihirnonghe imat orhor Got oh kis mat papat bap sios ihirdapat gurnong dahatahaptihe potinmur napotperhan noh mama nasar ohmur. Norhe taptem Mak ohhe ihirnong dahatahapathe potinmur napotporhan noh brak mat mama napor ohmur.

3 Jon 1:8

Ihat sapti han bap ihir ohoh ihan Got orhe nita hat pati han bap dirdapat Ihirsi dirsi diradir arpin mengnong tap tamreindin han bap hatper daham dirdapat ihat apriya han ihirnong asoh ambur panggeiyahan yahmur.