Pirimon 1:12 - Oksapmin

¹² Ama ihat pat han Onesimas oh gin it gwe patnong mama brak mohsi gwe patnong darhetiprohmur. Ma darhetiproh oh nohe da ohsi tap mat darhetiprohmur.

Pirimon 1:12 ပူးပေါင်းရင်းမြစ်များ

Mak oh yah meng ma brak matip meng oh 11:25

Gur tandeim Got ohsi mengitper dahaya tei oh arwananoh ire inahatiri pe oh ihirnong it diteim imtin da tit pat ham hahhan ama da oh hanhan mar eimat mandanmur. Imat eimat hanhan mar mandayahan guragure ita aw tei mahat ma pat han ohhe gure ma er hat sapti pe yan oh imat orhor hanhan mar namdatiprohmur.

Ruk oh yah meng ma brak matip ohe meng oh 15:20

Dahapat it itap pat orhe aptei pipri. Sus oh kopen mandap meih dus ohon apripatin orhor itap oh sa wamtipri. Wamara hinhina isip tit deipat itap oh sakat susa mandap oh tuhup mara ga tam hrepdapat amam isip tit mara amam deingopri.

Epesas 4:32

Mandapti ambar gap yah da tei andeh hinhina gosham da gosapris patenmur. Ihat patim Got oh dire er hat saya ohe pe yan oh Krais orhe boknong mar dat namdatipru hat orhor arwananah ire ma imat er nahaya danong asohhe ithe dahapri. It na daham Got oh dire er danong it yansi na naham eimat hanhan mar namdatipru mat orhor gurhe amaru mat orhor hanhan mar mandanmur.

Pirimon 1:11

Oh rih oh gorhornong na napanggeim be gapa hat patesuhmur. Ohe gin ma patnong oh gonong napanggei nohnong napanggei nahatin han hat patmur.

Pirimon 1:13

Noh Got ohe yah meng oh pot pisapat ohe pe oh karapus hat pat moh gorhe napanggeit napapat aduup apit mohoh nohnong napanggeit ha napapindinoh dahat pat orhor it gorhe patnong nadarhetiprohmur.