Mak oh yah meng ma brak matip meng oh 9:43 - Oksapmin

⁴³ Ihtin ohoh ihan bes oh er nahat napison ina nahahhanoh ama inahaya da oh gatmat mandatinmur. Bes gatesi hama Got ohe patnong sayahan yahmur. Bessi yah hat patin orhor irat has teinong hayahan ermur.

Mak oh yah meng ma brak matip meng oh 9:43 ပူးပေါင်းရင်းမြစ်များ

Matyu 25:41

Oh oper tannong ma nahah han gure napotipra ohe meng ohmura; watah tanong dei han ihirnong oh Gure boknong oh Got oh heisup nahat pat han bap gurmur. Ihtin han bap gur nohnong namdama at Got ohe irat hashe na tikimapat dipdipwi has hatwi patepra apteinong moh kaput Satan ohsi orhe enser ihirsi sa hatipri rim amamen matip apteinong oh mama gur nohnong namdam eimat sonmur napotipramur.

Hibru 12:1

Eprahamo ihir Got ohwi inahatin hatin hanwa daham ma ihashe oh nuhurnong parper nahat napaptim Got ohwi inahatin hatin hanwa dahatin ohe da oh isip namgit napisaptimur. Imat isip namgit napisapti ohoh ihan ire ma ihat patiru gurhe watah ruum daphot mandam ma sakariptiru hat sakarinmur. Got ohe danong ham sakatinmat oh ruumsup nahapat dao kapkap nang natpapat er dao oh watah ruum gon daphot mandaptiru mat orhorwi daphot mandama Got orhe mihat sa sakaripri napor ma kis matipru hat orhorwi kasip hat orhorwi pan ham sakarinmur.

Matyu 5:22

Ihtin orhor ohe pe oh noh tit napotiprohmur. Arwananah ihirnong asoh heisup mar indeiyahanhe dahanggosham yansi hatiprimur. Arwananah ihirnong asoh dasei meng poriyahanhe duuptei kamoheim ihirsi dahanggosham yansi hatiprimur. Arwananah ihirnong asoh Da timbas arhup go poriyahanhe dahanggosham ama ihah han go irat has er mongnong son hat patmur.

Garesia 5:24

Krais orhe nita dire ina teimdapat ma tarpapat er danong oh irat bok sur gardeiya hatin mar mandaptimur.

Matyu 3:12

Ohe ma apripra oh wit gwe pomtin ohe sapor ohsi marim apripramur. Aprisa ama sapor ohsi aim orhe dam orhe matinmat saksak matipramur. Saksak mara wit dam oh orhe saripti apnong matipramura; aim oh ruprup mara hirmar irat teinong ma matipra irat oh na tikimapat irat teinong matipramur ama potip oh.

Taitas 2:12

Pitap teinong mara Gin gur norhe yah da pitap teinong dei moh wandeipti gur Got norhornong kom nasar er hat sapti ohe dao kakdah han guragure ina teimdapat tarpam Noh ihtipora noh ihtipora daham ma er hat sapti ohe dao ama ihat sapti danong ohri kom asar mandatinmur. Mandama kakdah morhor patim potahat daham saya apriya hat ayao yah hat son ohe danong hayao Got orhe dahat pat danongwi hat ayao hat sashenmur.

Korosi 3:5

Imat pitap teinong nahatipra ohoh ihan gur kakdah mohe er hat sapti danong oh hanip hapur ma timbas hapti ohe tan mat eimatnap timbas mar mandanmur. Ama er da timbas mar eimat mandatin ohe da oh mamarumur. Bisei saw goshat sapti dao mian imah ire da hatin hat sapti dao damdapat Noh kuu moh saw deineng dahapti dao er danong asoh Noh ihtiprohneng ihtiprohneng dahapti dao erer asoh Nohwi ruumsansi hat inpor dahapti dao ama ihapti danong oh eimat timbas mar mandatinmur. Erer asoh Nohwi ruumsansi han hatpor ma dahapti erernong asoh Got hatin mar arpin Got ohnong dahatin danong oh amkar ihaptimur. Ihan ama da oh eimat mandatinmur.

Rom ihirnong Por oh brak atip ohe meng oh 8:13

Imat napapat ohe Yahsup orhe danong na hama ina teimdapat er da tarpam er da tei pranahat napisapat ohe danongwi hayahan eimat Got ohsi yah hat na patepri ohe danong oh dar ihat saptimur. Yahsup orhe inahat napapat ohe kasip ohsi guragure ina teimdapat er da tarpam ihat sapti danong asoh kom asar mandayahanoh yah hat eimat paten danong dar ihat saptimur.

Ruk oh yah meng ma brak matip ohe meng oh 14:13

Den ruumsan temar pandipora dahahhan it yansi na nahatin han borop hano ina ersi hano buh ersi hano kin sohorsi hano ama ihtin han bap ihirnong oh uara den pandenmur.

1 Pita 2:1

Nohe taptema. Nohe taptem Got ohe nita hat pati gurri guragure er danong ma marin pati dao dasuh hapti dao atem teidapatwi yah han hatin hapti dao damdapat arwananah ire abopor deipti dao komdapat aripti dao gure ama ihapti da ohri pomat gonsi hariri por mandanmur.

1 Korin 9:27

Nohe ihat ma kasip hat sapat da oh nohe ma meng pot pisapat ohe pe oh noh tambapte tapam kis tei na koripti ohe tan hatiprarim daham ti da ti da ma hapat danong oh norhe ga tam hrepnong amkar mandama kasip hat orhorwi sapatmur.

Ruk oh yah meng ma brak matip ohe meng oh 14:21

Gipor na saperhan atamreipat han oh it orhe hanipyah ohe patnong aprisa Gwe ma dik atip han gonsi ihir imat ti hat ti hat meng rim garhayahemur pongopri. Potporhan ama den nita han oh heisup hama orhe atamreipat han ohnong Gin go kapkapwi ap mutuhnong sonmur. Susa ap mutuh oh mandap isip teio mandap gar teio oh borop hano ina ersi hano buh ersi hano kin kwisi hano ihir apriptihanhe ambur den dinmat poprinmur por it darhetipri.

Matyu 17:27

Amaru hat orhor Got oh orhe brer nohnong Go norhe ap yawar ohe takis hapti yan oh gohe sarinmur na naporpatmur. Na naporpat orhor ihir nohe boknong garnahatipririm gin go tom hru duupnong sonmur. Susa aning supti nang oh tom hru dahnong mara nang ohri ma pramtiproh aning oh atem arhar wandeioh mani tan oh pat hatiprohmur. Pathan dar pisusa gwesi; nohesi ditadite tap mat takis yan itinmur potporhan arpin ama ihtip oh.

Mak oh yah meng ma brak matip meng oh 9:44

Among tei oh geten oh dipwi nadapat mong irat has oh na tikimapat mongmur.

Ruk oh yah meng ma brak matip ohe meng oh 3:17

Ohe ma apripra oh wit gwe pomtin ohe sapor ohsi marim apripramur. Aprisa ama sapor ohsi aim orhe dam orhe matinmat saksak matipramur. Saksak mara wit dam oh orhe saripti apnong matipramura; aim oh ruprup mara hirmar irat teinong matipramur. Irat teinong ma matipra irat oh na tikimapat irat teinong matipramur ama potip oh.