Mak oh yah meng ma brak matip meng oh 7:7 - Oksapmin

⁷ Sawa mengnonghe ihir iraire dahapti sawa meng orhor Moh Got orhe sawa mengmur. Mama meng moh dimtinmur poriptimur. Ihapti ihiroh be nohe meng moh ha dindeipti hatin haptimura; danong oh arpin nohe danong na hat patim ihaptimur. Aisaia oh rim ma brak matip meng oh ama ihapti han gure boknong naham brak matipmur pongopri.

Mak oh yah meng ma brak matip meng oh 7:7 ပူးပေါင်းရင်းမြစ်များ

Matyu 15:9

Sawa mengnonghe ihir iraire dahapti sawa meng orhor Moh Got orhe sawa mengmur. Mama meng moh dimtinmur poriptimur. Ihapti ihiroh be nohe meng moh ha dindeipti hatin haptimura; danong oh arpin nohe danong na hat patim ihaptimur. ma napotip oh gure boknong naham brak matipmur pongop

Matyu 6:7

Gur Got ohsi mengitinmat oh Got ohnong hanhan hat pati han ire ma haptiru hathe beten hapri. Ihir nuhur meng pramat pisayahanoh Got oh amratiprohkin dahamhe be meng meng oh pramat pisaptimur.

1 Korin 15:14

It da na pamsuhupneng nure ma naporipti meng oh be meng hat patin nuhur gurnong napotperhan gur Moh arpin menghe ma dahapti oh be arpin menghe dahaptinengmur.

1 Korin 15:58

Dirnong ihtin inasi nahat napapat ohoh ihan norhe boporsi taptem bap gure kasip hat ma pati danong oh gapa hamhe mandapri. Kasip hat orhorwi patenmur. Ihat orhorwi patim diradire Hanipyah ohe atamreipti moh be na atamreipti ma hapat daham kasip hat orhorwi patim atamrein sashenmur.

Korosi 2:22

Ihir Moh awammur maripri. Moh awammur dapri ma ripti han oh marimo damo hatperhan timbas hapat han ohoh ihan ire eimat na paten hannong Moh awammur moh dapri. Moh maripri ma ripti mengnong oh gurri amrapri. Ihtin meng oh na amraptimur. Ihir hanip iraire damdapat sawa meng asariya meng asoh amram gurnong naporipti ohoh ihan gurri hanip diradire damdapat daham sawa ripti mengnong ohri amram dindeipri.

Taitas 3:9

Nohan Taitas go dasuh han ihir iraire damdapat orhor ropir ire boknong mar meng sang riptinongo Juda nure pohon sawa mengnongo ihir ama mengnong oh hut patim na daham meng gusum sakarap goshayao hayahan ama ihya han ire meng ohri amrapra. Gori ire mengnong kom asarinmur. Ihtin meng oh dam na timam na napanggeitin meng ohoh ihan ameng ohsi amrapra. Kom asarinmur.

Jemis 1:26

Gur Noh Got orhe nita hat patim ma ihat sapat da moh yah hat sapatwa ma dahapti han gur guragure pangnong dahenmur. Pangnong ongeng mat na papathanoh Ai. Norhe boknong moh dasuh ham ihat sapat han ma hapat. Got orhe kintei noh yah hat sapatwa ma dahapat da oh na napanggeipat ma hapat dahat sashenmur.

Jemis 2:20

Damdapatwi Got oh inahatin hatin hanwa dahayahanwi yahmuro daham ma giripti han gur da hut patim giripti han gurmur. Be mengwi ma ripti ohe pe oh dam na timama wa hapat ma hapat ha dahatingwe rim noh diradire aw Epraham ohe ma ihtip meng oh napotiprohmur.

Erer tarpatipra 22:18

Jon nohnong namgitporhan brak mat nasar meng moh gurhe kassi hat sama ihirnong potin ohe meng brak mat nasarmur. Guragure kassi hat ma pat meng oh mamaru. Gur mama kis tei meng moh patin wan meng tit ohe pe dip mar poriyahanoh ama han gurnong oh Got ohe mama brak tei er matipra ritip ohe er sup oh ama kuuhan gure boknong nahatipramur.