Mak oh yah meng ma brak matip meng oh 6:34 - Oksapmin

³⁴ Kotperhan Jisas oh bot dahdapat kakdah wandas wandeioh kuuhan isip isip tit tarmuriya hangopri. Tarmuriyahan Jisas oh wamara Maihir sipsip bap ire papti han ihir timbas na papti ohe tan hat pati moho daham ihirnong hinhina hangopri. Hinhina hapat trun meng tit am deingopri.

Mak oh yah meng ma brak matip meng oh 6:34 ပူးပေါင်းရင်းမြစ်များ

Matyu 14:14

Patihan Jisas oh ama kuuhan ruumsan ihirnong wamara kamahara mara sik hat pati ihirnong yah mat pisongop.

Matyu 15:32

Gahan Jisas oh orhe namgit napisapat han nuhurnong nohe duupnong aprina napotporhan nuhur saperhan Maihir nuhursi patin yitir dah pahohsi indamur. Ihat moho rim noh ihirnong kamahara mara ake tom deimur. Patem mandap kin parper ham haputipririm ihan noh kinmat ihirnong darhetin hahmur napongop.

Matyu 9:36

Ihat sapatin wandeioh kuuhan isip gon tit sipsip bap hatin hat patin ihirnong den sahamo papindin han ihir timbas hat patin batbet ham bingbung ritin ohe danong ohwi hat patingopa. Ihat patihan oh kamahara deingop.

Mak oh yah meng ma brak matip meng oh 6:33

Deptin kuuhan trun tit sa wamtipari. Wamar am hapti aptei aptei amdapat apris pati kuuhan ihirri sa sakatpari. Kapkap sakat susa Jisaso ire sus diprohe tei oh sa kotpari.

Mak oh yah meng ma brak matip meng oh 6:35

Meng am deipatin kwihan orhe pinggit pisapat han ihir ohe duupnong apdapari. Aprisa ohnong Hanip timbas mong moh mong kwi hatin kakduup hah ohoh ihan kuuhan maihir ap mutuho aptei apteio oh den mohom ha songwemur potpari.

Mak oh yah meng ma brak matip meng oh 8:1

Gahan kuuhan gon ihir tarmutperhan den oh timbas hayarit Jisas oh orhe pinggit pisapat han ihirnong Gur nohe pat teinong moh apris tap tei hatina pongopri.

Mak oh yah meng ma brak matip meng oh 8:2

Potporhan ihir apris tap tei hatperhan oh Kuuhan maihir norhorsi patin yitir dah pahohsi indamur. Ihat indao rim noh ihirnong kamahara mara ake tom deimur.

Ruk oh yah meng ma brak matip ohe meng oh 9:11

Irarhe saperhan gahan kuuhan ruumsan ihir Ihir anong sayamur ritperhan ihir amrama ire kom apingopari. Ire kom apriperhan Jisas oh ihirnong Gur kom ma apriya oh yahwa pora Got ohe napapindin ohe meng oh poro sik hat pati kuuhan ihirnong yah mat pisao deingopri.

Hibru 2:17

Hanip ihirnong panggeitpora ma dahatip ohe mandap oh tit mandapwimur. Ama mandap oh mamaru hatipmur. Orhorsi taptem dire inao dao hapti ohe tan hapat dire ma ihat pati da erer gon oh gonsi am hapat ama ohe pe oh hinhina dasi hat patim ap yawar ohe hanat bok han hatin ham pomat atamreindin han hatipmur. Hapat dire er hat saperhan er gap hirmat namdama Got orhe heisup nahat napapat da oh it nayah dein han hatipmur.

Hibru 4:15

Ama diradire hanat bok han oh diradire kakdah mohe ruumsup nahapti dao er hat ha songwerim kis nahapat dao oh orhor orhe boknongwi mar am hat pat ohoh ihan dire ina bok moh ruumsup namkarhanhe orhor orhe boknongwi mar am hat pat han ohoh ihan oh Ihir ihat pati ma hapat daham hinhina naham napanggeipatmur. Er hat son da oh orhe boknong kis deisuh orhor orhordapat ambapte mar er hat na sasuhmur.