Mak oh yah meng ma brak matip meng oh 16:1 - Oksapmin

^1-2 Gahan tuperipti dik Sabat oh timbas hatporhan Sande mong da hatin hah tei mah Maria Makdara uho Maria Josep ohe sup uho Sarome uho ihir sein na tumnuhutin gapgwesi han oh amotipri daham mohom mamen mat ma itiri han oh dara hanip sein amotpero rim sein itiri teinong pipari.

Mak oh yah meng ma brak matip meng oh 16:1 ပူးပေါင်းရင်းမြစ်များ

Mak oh yah meng ma brak matip meng oh 14:3

Gahan Jisas oh Betani apteinong ama ruhup oh. Rusa Saimon rih ina tohohesi patesuh han ohe ap ama ruhup oh. Rosa ihir tongnom den daptin kuu tit maras kwei tom san yahnap san tem oh gapgwe tom gap pamditpa san yan ruumsan mohoptisi san oh pamrasa Jisas ohe kak bas moh duket asaringop.

Mak oh yah meng ma brak matip meng oh 14:8

Uh Noh kian han sa ohnong apriproh dahapat gapgwesi yah san moh pato rima nohnong yah nahahmur. Uh nohe boknong namor moh nohe sein oh gapgwesi ha nitingwe rim inahahmur.

Mak oh yah meng ma brak matip meng oh 15:40

Jisas ohnong imat sutperhan ma haputip oh kat kuu orhorsi sashe kuu ihir meihdap wamat patin indingopari. Ama kuu ihir tit Maria Makdara aptei kuu ihirmur. Tit Maria Josepsi nap Jemis ite sup uhmur. Tit Sarome uhmur.

Mak oh yah meng ma brak matip meng oh 15:42

Gahan Josep oh hanat bok han ire duupteinap hat ma pat han ohe komiti hat patesuh han ohmur. Oh Juda mong ohe Arimatia aptei han ihirmur. Oh Got ohe kakhan ham napapindipra tei oh apriprawa daham minhan patesuh han ohmur. Ama ihat patesuh han oh Kimsi tuperipti dik hatipra tei ohoh ihan gin mamen tahaya dik morhor Jisas ohe sein oh itporo daham kwihan orhor Josep oh Pairat ohe patnong susa watahpei hat orhor Pairat ohnong Noh Jisas ohe sein oh dar itiprohmur. Go Yahwa. Dar itina napotiprohdo rim noh dahanaham apripatmur ama potip oh.

Mak oh yah meng ma brak matip meng oh 16:8

Potporhan ihirhe kas ham bupat tit orhor it kot teinong rosa tandutpari. Tanduripti kas ham han ihirnong na potpari.

Ruk oh yah meng ma brak matip ohe meng oh 23:54

Ohe ma sein itip oh patem atan waporhan Sabat tuperipti dik apriporhan indipri ma hapat daham deno erer mamen tahapti dik oh sein oh saringopri.

Ruk oh yah meng ma brak matip ohe meng oh 23:56

Am hapti it iraire apteinong susa Jisas ohe sein oh na tumnuhurin han ohe gapgwesi han dara atipriwa daham ama mamen mat itpa oh. Mamen mat sara Juda ire tuperipti dik Sabat oh hatporhan sawa meng oh ama dik oh tuperinmur ma potip mengru hat orhor ihirhe ama tupetpa oh.

Ruk oh yah meng ma brak matip ohe meng oh 24:1

Gahan tuperipti dik Sabat oh timbas hatporhan Sande mong da hatin hah tei mah Jisas ohsi tap hat sapti kuu ihir iraire gapgwesi han Jisas orhe seinnong tumnuhutiprarim atinmat mamen mat itiri gapgwesi han oh dara Jisas ohe sein boknong amotinmat ama pipa oh.

Jon oh yah meng ma brak matip ohe meng oh 19:25

Imtiperhan Jisas orhe sup uho sup nap uho Kropas inap Maria uho Makdara ihir Maria uho ihir Jisas ohe irat bok sur gardeiya duup oh tandeit patin

Jon oh yah meng ma brak matip ohe meng oh 19:31

Jisas oh haputporhan ama Juda ihir Kimsi Pasopa dik ohsi; tuperipti dik ohsi tap hat patepri ohe mamen tahatin dik oh gin hah ma hapat. Ihan hanip sein oh irat bok sur gartahat patin ermur. Kimsi tuperipti dik pateprisi ohoh rim Pairat ohnong Gorhe han ihirnong potinmur. Kimsi Juda maihir tupetin dik patepri ohoh ihan gin orhor hanip sein oh da napnep patihanoh mun tam ahendeiyarit hapuriyarit sein itinmur potinmur ama potpa oh.