Mak oh yah meng ma brak matip meng oh 14:54 - Oksapmin

⁵⁴ Tarmutperhan Pita oh meihdapat susa Got ohe ap yawar hanat bok han ire duupteinap han ohe doho dahnong ruhupri. Rosa dupsi han ire tap irat kak oh tongnoma dame tinggim wamat indipri.

Mak oh yah meng ma brak matip meng oh 14:54 ပူးပေါင်းရင်းမြစ်များ

Matyu 26:3

Napor tei gahan Got ohe ap yawar hanat bok han ire duuptei hano han pohono ihir Got ohe ap yawar hanat bok han ire duupteinap han Kaiapas ohe ap yahnap ap oh rosa ama tarmutpa oh.

Matyu 26:58

Pisaperhan Pita oh kom pipri. Susa Got ohe ap yawar hanat bok han ire duupteinap han ohe ap doho dah oh ros dupsi han ire tap tongnom kinmatiproheo rim wamat indipri.

Mak oh yah meng ma brak matip meng oh 14:38

Gure da teinong apris kis naham er nahatin han oh apris kis naham er da teinong pranahat napisaprarim gur kin watahat patim beten hamwi patenmur. Hanip gur damdapat noh yah hat patepora dahapti orhor ina teimdapat er hat son inasi hat pati ohoh ihan watahat patim beten hamwi patenmur pongopri.

Mak oh yah meng ma brak matip meng oh 14:66

Wamara pomat wamat angopri. Pomat wamara Go Nasaret aptei han Jisas ohsi tap hat patgwer han oh gomur potporhan oh ire kintei Oho. Gwe ama ri meng oh nohri hanhan hanmur potipri. Pora tandeim susa doho gwatei katnong oh hatporhan kakaruk oh tit mengingopri.

Ruk oh yah meng ma brak matip ohe meng oh 22:44

Akasip matporhan Jisas oh ina ruumsup oh amkat patin ohoh ihan da isipnap tit heimse rit patin orhor itap ohnong yimat ama dahamtip oh. Imat dahandeipatin arpup ma mara oh heim orhor hatin hat maras tanduket kakdahnong ama wanhup oh.

Ruk oh yah meng ma brak matip ohe meng oh 22:54

Jisas oh ameng oh gipotporhan ihir net por ambur hanat bok han ire duuptei hat pat han ohe apnong pisangopari. Pisaperhan Pita oh kom gaha pipri.

Jon oh yah meng ma brak matip ohe meng oh 18:18

Pora ire atamreipti hano dupsi hano ihir damesio rim dame tinggitperim irat temat pati kak oh Pita ohhe susa ire tap oh dame tinggimo angop.

Jon oh yah meng ma brak matip ohe meng oh 18:25

Gahan Pita oh irat kak oh tandeim dame tinggipatin ihir Gohe orhorsi sapat han gur basda potperhan oh Noh ama ihir basmur rim win ama aremdip oh.