Mak oh yah meng ma brak matip meng oh 12:44 - Oksapmin

⁴⁴ Itporhan Jisas oh wamara kuuhan ihirnong Noh arpin meng napotiprohmur. Kamah han bap ihir ihsen ruumsan sariya orhor ruumsan kat mandaya ohoh ihan ire ma sariya oh gar hatin hat sariyamur. Mama kuu tahem uhe ma sar oh hatip hat pat orhor urhe ma garpok marin pat oh komdapat urhe mohot din ohe danong na ham gonapsi sar ohoh ihan urhe ma sar oh isip mat hatin sarmur. Ire ma sariya oh garpok hatin sariyamur pongopri.

Mak oh yah meng ma brak matip meng oh 12:44 ပူးပေါင်းရင်းမြစ်များ

Mak oh yah meng ma brak matip meng oh 12:43

Ihir imat sariptin kuu ihsen timbas bisei kuu tahem tit aprisa sup tan gar yot tit saringopri.

Mak oh yah meng ma brak matip meng oh 14:8

Uh Noh kian han sa ohnong apriproh dahapat gapgwesi yah san moh pato rima nohnong yah nahahmur. Uh nohe boknong namor moh nohe sein oh gapgwesi ha nitingwe rim inahahmur.

Ruk oh yah meng ma brak matip ohe meng oh 15:12

Ihat patin gahan mon kom brer oh At oh haputporhan orhe pan erer ma datipra oh kapkap orhor datpora daham itap ohe duupnong aprisa Ata. Noh gwe erer moh pan ma datipra oh gin orhor datpora dahapatmur. Ihan gin orhor napinmur pongopri. Potporhan arpin itap oh itaite kis mat apripra kis orhor mat apdapri.

Ruk oh yah meng ma brak matip ohe meng oh 15:30

Nohnong na napripatgwera; gin gorhe erer oh napisusa bisei saw yan saro be tapan andur natimbas deio ma indeisuh han oh it apriporhan go ohe danong ham burmakau bapkei tahat pat yahnap moh sum orhom amam hapatda. Nohnonghe na inahapatgwero pongopri.

Ruk oh yah meng ma brak matip ohe meng oh 8:43

Huupmat ma saya dus oh kuu kwapran hat patin krismas nathei ma birhitip kuu uh uhnong hanip pomtinhe na pomtin ina hat pat kuu tit uh tap ire mutuh ama ihat pipa oh.

1 Jon 3:17

Arwananah ihirnong imat na bopor mara go ihsen erer oh ruumsan patin orhor arwananah asoh ma hatip hat pati ire danong na ham na hinhina mara gorhe danongwi hat pathanoh Got orhe hanip dirnong bopor nahat napapat da oh gwe mutuh oh ti na pat ma hapat dahenmur.