Mak oh yah meng ma brak matip meng oh 12:35 - Oksapmin

³⁵ Potporhan Jisas oh amrapat Han moh dasi ham rihe dahapat ama han ohnong Go Got ohe napapindin hrepnong hatinmat oh go kakduup hat patim ihat girimur pongopri. Potporhan kuuhan ihir amrama duung dasi hat patim duung mengwi ripat han moh dir kianorim dahamtiprohe daham it ohnong na dahandeingopari.

Mak oh yah meng ma brak matip meng oh 12:35 ပူးပေါင်းရင်းမြစ်များ

Matyu 26:55

Porpat mahaw ihirnong Gur bioro kawo ohsi marim ma apriya oh hanip sum mamter hat sapti han ihirnong amburipti ohe tan hat bioro kawo ohsi tap hat apriyada. Nohra Got ohe ap ros dipwi meng oh napor am nahapatin gur na namburiptingwerio. Gin mamter hat sapti han ire tan mat namburiyada.

Jon oh yah meng ma brak matip ohe meng oh 18:20

Dahamtiporhan oh Wa. Nohnong dahanahapatda. Noh ahar meng ti na porpatmur. Juda ire ma tarmuriya teio rotu ap roya teio Got ohe ap yawar roya teio ohwi tirip hat porpatmur.

Jon oh yah meng ma brak matip ohe meng oh 7:42

Ma brak matpa meng oh Krais oh Depit ohe puh ihirmur. Oh Depit orhe puh ohoh ihan orhe itpa aptei Betrehem apteidapat apripramur rim ma brak matpa meng ohwa. Ihat brak matpa ohoh ihan mama han moh wan aptei han ihir ohoh ihan oh ama Krais oh basmur ringopa.

Ruk oh yah meng ma brak matip ohe meng oh 21:37

Jisas oh Jerusarem ap mutuhnong rus ma indip oh mong da oh Got orhe ap yawar ros kuuhan ihirnong meng por am deingopri. Kwihan oh sus Orip yei ka ohwi timam angopri.

Ruk oh yah meng ma brak matip ohe meng oh 20:1

Jisas oh Got orhe ap yawar ros meng por am mar ma indip oh tit dah tit ap yawar ros kuuhan ihirnong Got orhe yah meng oh por am deingopri. Por am deipatin ap yawar ohe hanat bok han ire duuptei hano sawa meng am hat pati hano rotu ap ohe han pohono ihir apris ohe duupnong hangopari.

Ruk oh yah meng ma brak matip ohe meng oh 19:47

Imaro hapat iraire ma Jerusarem ap mutuh ma aya dik oh Jisas oh dipwi Got ohe ap yawarnong rosa kuuhan ihirnong meng por am mar angopri. Am deipatin ap yawar ohe hanat bok han ire duuptei hano sawa meng am hat pati hano rotu ap ohe han pohono ihir Jisas ohnong sutpero rim sutin kat oh sa apetpari.

Mak oh yah meng ma brak matip meng oh 11:27

Ihama ihir sus Jerusarem ap mutuh oh kotpari. Koripti Got ohe ap yawar ohe doho dahnong oh ruhpari. Rosa Jisas oh ap kepu dap oh watahat sapatin hanat bok han ire duuptei hano sawa meng am hat pati hano han pohono ihir apris

Matyu 9:27

Ihapti nuhur kot rosa pipa. Saptin kin kwisi han yot ihit Depit ohe puh go nuhutnong hinhina nahatina pot uat tit apingopa.

Mak oh yah meng ma brak matip meng oh 10:1

Gahan Jisaso orhe han ihir among tei oh mandama Juda mongnong susa Jodan tom han tannong deihpari. Deperhan kuuhan ruumsan ihir Jisas ohe pat teinong apris tarmungopari. Tarmutperhan oh it orhe ma hapatru hat orhor Got ohe meng oh am deingopri.