Mak oh yah meng ma brak matip meng oh 11:20 - Oksapmin

²⁰ Timorimdapat kimsi kutwi mong da hatporhan ihir it Jerusarem ap mutuhnong pipari. Susa mandap oh irat kai hatin pik ma wamtiri irat oh gonsi gathat hangopri.

Mak oh yah meng ma brak matip meng oh 11:20 ပူးပေါင်းရင်းမြစ်များ

Matyu 13:6

Ti kwei kiki tei wandangopari. Wandasa yah hat maras orhora; mong ariar tei ohoh

Matyu 15:13

Potperhan Jisas oh At aw tei mahat ma pat han oh ohe bes tei rang tei ma na gonotip hannong oh kakersi pet mandatipramur.

Matyu 21:18

Timorimdapat kutkutwi masas it ap mutuhnong sapti mandap oh Jisas oh pahoh hangop.

Mak oh yah meng ma brak matip meng oh 11:12

Kimsi mong da hatporhan it Jerusarem ap mutuhnong sapero rim Betani aptei oh mandam pipari. Saptin mandap oh Jisas oh pahoh hangopri.

Mak oh yah meng ma brak matip meng oh 11:14

Rinwi pathan Jisas oh Gin irat go damhe eimat ti na timapramur por yahoh deingopri. Imat yahoh matporhan orhe pinggit pisapat han ihir amratpari.

Jon oh yah meng ma brak matip ohe meng oh 15:6

Nohsi na pati ihiroh er te ma gatmar anduripti ohe tan hat pati ihirmur. Imtiperhan kimsi ama te ihir gathatperhan irat te dara irat teinong saripti ohe tan hat pati bap ihirmur.

Hibru 6:8

Den gonotperhan dennong na pamrasa ti gah ti gah nangnong ma pamrapat mong oh er mongo rim Got oh bopor heisup ohsi timbas matporo dahat ma papat mong ohmur. Ama imat papat mong oh taur timbas hatipra mong ohmur.

Jut ohe brak mat atip ohe meng oh 1:12

Ama er hat sapti han bap ihir gure da gosaprinmat tarmur den dapti teinong haptimur. Ma ihapti oh ihir iraire ma ihat sapti danong oh na kas ham gure tapnong hama gure winnong naer mar ihaptimur. Ihir hanip ihirnong panggein den pandepti danong na hama iraire din atornongwi hat patim orhor gure tapnong ham den daptimur. Ama han bap ihiroh apiap hat patin tom wandon riannong inim oh mer mat popriporhan Gin wes tom rian apir moh tom wandaproh ma hapat dahatperhan tom na wanporhan Epe. Tom wandon rian hatin hat apir moh gin tom na wandon rian hahda dahaptimur. Ama er han ihir ihtin rian hatin hat pati han bap ihirmur. Ihir irat gwe dam tima dik orhor dam na timapat san hatin hat pati han bap ihirmur. Ama ihat pati han bap ihir irat gattahatporhan kakersi pet mandatperhan atnap gattahapat hatin hat pati han bap ihirmur.