Mak oh yah meng ma brak matip meng oh 10:45 - Oksapmin

⁴⁵ Amaru hat orhor Hanip Brer norhor hat patmur. Noh winsi han hama gurdapat nohnong ha napanggeingwe rim na wanhupmur. Basra. Nohdapat win timbas han hatin ham gurnong napanggeinmat wanhupmur. Noh gur eimat paten ohe dasi hat ha patengwe rim noh gure danong hama haputinmat wanhupmur. Ihan gurhe nohe ma dahat patru hat orhor patenmur pongopri.

Mak oh yah meng ma brak matip meng oh 10:45 ပူးပေါင်းရင်းမြစ်များ

Matyu 20:28

Amaru hat orhor Hanip Brer norhor hat patmur. Noh winsi han hama gurdapat nohnong ha napanggeingwe rim na wanhupmur. Basra. Nohdapat win timbas han hatin ham gurnong napanggeinmat wanhupmur. Noh gur eimat paten ohe dasi hat ha patengwerim noh gure danong hama haputinmat wanhupmur. Ihan gurhe amaru hat orhor patenmur napongop.

2 Korin 8:9

Gur mohnong dahat patimur. Hanipyah Jisas Krais oh kamah han hat patesuh orhora; Noh Gin borop han hatpor. Nohe borop han ma hatipra ohe pe oh ihir kamah han bap sa hatipri daham oh dire gwemat borop han ham wanhupmur.

Taitas 2:14

Ama minhan pati han Krais orhor Noh ire er nang hrepnong hat pati moh norhor ambura yah teinong matpora. Yah teinong mara ire er gap ahirmara eimat norhe kuuhan hat paten han bap matpora. Mara yah hat pan hat sashen ohe da ohsi matpora daham orhe yah hat paten ohe danong na hama dire danong ham dire gwemat haputipmur. Ama inahapat han orhornong apripra ma hapat daham minhan patimur.

Jon oh yah meng ma brak matip ohe meng oh 13:14

Noh arpin ihtin han hat pat orhor ihtin han ire dahapti da oh na hahmur. Noh gure hrepdapat han hatin ham gure tong oh tom nagahdeimur. Noh hanipyah hat pat han orhor gure tongnong ma nagahdei oh Norhorwi ihtin hanmur dahatin ohe da oh na namgimur. Noh bisei han hat patim ire danong ham panggeitpor dahapti ohe da oh namgimur. Ihan gurhe norhe mama namgi danong morhorwi hat sashenmur.

Jon oh yah meng ma brak matip ohe meng oh 10:15

Ma ihat pati oh Got nute nohdapat Got ohnong am haho ohdapat nohnong am haho nutanute ma ihat pati da hatin hat orhor patimur. Noh ihirnong ihat am ham papat ohoh ihan ihirnong er matipririm norhornong ire gwemat niyarit hapurhan yahmur daham yah mat orhor papatmur.

Hibru 5:8

Oh Got orhe brer hat patesuh orhor itap ohe meng amram dindeipatdapat orhe boknong batbet datipmur. Darpat ama batbet dar ohe pe oh itap orhe meng amram pomat dimtin ohe da oh pomat am hatipmur. Am hama itap ohe danong dimtin ohe da oh na hatip hama yah mat orhorwi dimtipmur.

1 Pita 1:19

Ma namohotip oh Krais orhe heim yahnap yan isipsihe na mohotin hatin heim ohsi namohotipmur. Ama heimsi ma namohotip han ohe bok oh sipsip bap ire bok trotinsi yahnap hat patin sum ma atendeishe sipsip bap hatin hat patin ohe heim oh dukera namohotipmur.

2 Korin 5:21

Got oh Krais orhe dap teidapat Norhe yahnap duung da moh ire boknong matpor. Matinmat ire er hat pati da moh ongeng tahat pat han Krais orhe boknong matpor daham orhe boknong mar er han hatin matipmur.

Garesia 3:13

Dir pohon mengnong dimtipera dahapti orhor pomat na dindeipti ohoh ihan Got oh heisup nahat napapatmur. Ama da oh Jisas oh dara ama yan oh oh datipmur. Ohe ma heisup nahat napapat da oh ma datip oh mama brak matpa mengru hatin mat datipmur. Ma brak matpa meng oh Hanip sama Moh er han sutin han ma hapat daham irat boknong nang atpayahanoh ama irat boknong nang atpaya hannong oh Got ohhe heisup mat papat hanmur por brak matpamur. Ma brak matpa mengru hat orhor Got orhe bopor heisup nahat napapat da oh Jisas orhe sur gartahatip boknong matipmur.

Mak oh yah meng ma brak matip meng oh 10:44

Gur Nohri kakhan winsi han hatipraneng gidahapat han go Norhor bisei han hat patin ihirnong panggeim paptepora daham hanip ihirnong panggeimo hat patenmur.