Mak oh yah meng ma brak matip meng oh 10:21 - Oksapmin

²¹ Potporhan Jisas oh wandeipat ohnong bopor mara Go imat dindeipat orhora; mama tit da mohoh go na ihpatmur. Gwe ma na ihpat oh mamarumur. Gin noh napotiprohmur. Gorhe ihsen erer ruumsan ma papat oh gin wan han ihirsi mohoma mani oh dara borop hat ma pati han ihirnong apinmur. Ihahhanoh go aw tei Got ohe napaptepra tei mahat ohhe ruumsansi han hatipramur. Ihpat nohsi tap hat sashen han hat aprishenmur pongopri.

Mak oh yah meng ma brak matip meng oh 10:21 ပူးပေါင်းရင်းမြစ်များ

Matyu 16:24

Por indeipat nuhurnong Gur Noh ohe danong ham dimtipora ma dahapti kuuhan gur guragure ma Nuhur ihat inpera ma dahapti da oh mandama Noh Jisas ohe danongwi hat sapatin nohnong ruumsup naham nitperhan hapurhanhe yahwa dahat orhorwi nohe danong ham dinahenmur.

Matyu 19:21

Potporhan Jisas oh Go Noh yahnap han hatpora dahahhanoh gorhe erer oh ihirsi mohoma mani oh dar borop han ihirnong apinmur. Ihyahanoh go aw tei mahat Got ohe napapindin tei ohe ruumsansi han hatipramur. Ihpat nohsi tap hat sashen han hat aprishenmur pongop.

Mak oh yah meng ma brak matip meng oh 10:22

Potporhan oh Noh ihsen ruumsan pat moh gonsi ha mandatiproh dahama heimse rim da er ham mandam sangopri.

Mak oh yah meng ma brak matip meng oh 8:34

Pora Kuuhan ihir norhe pinggit pisapat han ihirsi nohe pat ha apringwe potperhan apriperhan ihirnong Gur Noh ohe danong ham dimtipora ma dahapti kuuhan gur guragure ma Nuhur ihat inpera ma dahapti da oh mandama Noh Jisas ohe danongwi hat sapatin nohnong ruumsup naham nitperhan hapurhanhe yahwa dahat orhorwi nohe danong ham dinahenmur.

Ruk oh yah meng ma brak matip ohe meng oh 10:42

Ohri isip hat pat da oh tit pokwi hat patmur. Ama danong oh Maria uh datpora daham darpatmur. Oh yahnap dat na mandatin ohe da dar ohoh ihan kinmat it dat amdatiprohe pongopri.

Ruk oh yah meng ma brak matip ohe meng oh 12:33

Ihat patim guragure erer oh wan han ihirsi mani ohsi mohoma ama mani ohsi hatip hat pati kuuhan ihirnong panggeinmur. Imat panggeipti aw tei mahathe guragure yah han erer oh ruprup mat kasip ung na turkatin ung oh mit sarinmur. Aw tei ohe yah han erer ohot ma saripti erer oh timbas haho gapah han ihir dariyao daskein ihir dam timbas deiyo na matin han sariptimur.

Ruk oh yah meng ma brak matip ohe meng oh 16:9

Jisas oh giporpat Gin gur mohnong dahatinmur. Kakdah er hat patim ma daripti mani mohsi hatip hat pati han ihirsi guragur yah han hat indinmat aprishenmur. Imat apriptin ma timbas haya tei mah Got oh orhe eimat ma napaptepra apteinong nambur napisapramur.

Ruk oh yah meng ma brak matip ohe meng oh 18:22

Potporhan Jisas oh Go imat dindeipat orhora; mama tit da mohoh go na ihpatmur. Gwe ma na ihpat oh mamarumur. Gin noh napotiprohmur. Gorhe ihsen erer ruumsan ma papat oh gin wan han ihirsi mohoma mani oh dara borop hat ma pati han ihirnong apinmur. Ihahhanoh go aw tei Got ohe napaptepra tei mahat ohe ruumsansi han hatipramur. Ihpat nohsi tap hat sashen han hat aprishenmur pongopri.

Ruk oh yah meng ma brak matip ohe meng oh 19:41

Ihir Jisas ohnong armi mat pisusa Jerusarem ap mutuhnong sonmat kakduup mara Jisas oh ap mutuhnong wamara mama aptei pati kuuhan ire er hat sapti ohe batbet ruumsup oh datiprio rim da er ham

Ruk oh yah meng ma brak matip ohe meng oh 9:23

Pora orhorsi sapti han gonsi ihirnong Gur Noh ohe danong ham dimtipora ma dahapti kuuhan gur guragure ma nuhur ihat inpera ma dahapti da oh mandama noh Jisas ohe danongwi hat sapatin nohnong ruumsup naham nitperhan hapurhanhe yahwa dahat orhorwi nohe danong ham dinahenmur.

Jon oh yah meng ma brak matip ohe meng oh 12:26

Gur Dir Jisas ohe atamreindin danongwi hat sasipera dahayahanhe ama han gur nohsiwi sasiprimur. Nohsi ma sasipri oh nohe ma sasipra teinonghe gursiwi sasiprimur. Ihat saptin at ohhe gurnong Ihir ohsiwi tap hat tamrein saptio rim winsi han nahatipramur napongop.

Jon oh yah meng ma brak matip ohe meng oh 16:33

Kakdah moh gur ruumsupsi hapti orhor noh kakdah mohe erer oh nohe hrepnong mar ambapte mat papatmur. Ambapte mat papat ohoh ihan gur Oh erer moh orhe hrepnongwi mat papat ma hapat daham manap da tei hat orhorwi da yah hat patenmur. Gur Nuhur Jisas orhe tapnong hat pati moh yah hat patiwa daham gur da yah hat ha patengwe rim noh mameng moh napormur napongop.

Aposer 2:45

Ihat patim iraire mongo ihseno oh be han ihirsi mohopti yan oh dara tap deisheri. Tap mara irair tit han oh erer oh hatip hatporhan orhe ma hatip hah kis orhor aprisheri.

2 Korin 12:15

Na napora gurnong ha yah hatingwe rim nohe erer oh gonsi gurnong napanggeim sus napripatin nohe erer timbas hama norhe ina bokwi hapat ruumsup darhanhe yahwa dahapatmur. Yahwa daham gurnong bopor nahatin da oh isip dapsi mat orhor napisapatmur. Inahapatin gurdapat oh nohnong bopor nahatin ohe da oh gar gar mat ha napisashengwe dahapatda. Basra. Nohe gurnong ma isip mat orhor bopor nahapatru hat orhor gurdapathe nohnong imat orhor ha bopor nahengwe dahapatmur.

2 Timoti 3:12

Nohnongwi inahat napapti basmur. Nuhur Krais Jisas orhe tapnong hama yah danongwi hat pateper ma dahapti han gurnonghe gonsi inahatperhan mama mihtin ruumsup oh gure boknong inahaptimur. Imat ruumsup nahapti ohoh ihan gur kasip hat orhor patenmur.

Hibru 10:34

Kat gur karapus hat pati ihirnong hinhina mar panggeiptin ama ohe ruumsup oh it guragur tap hat darishemur. Kat gure ruumsup ma hashe oh guragure erer oh nadatinmat apriperhan Yahwa nure ma datipri han oh yahnap dipwi paten han patmur. Mama kakdah mohe erer moh timbas hatipra han ohoh ihan yah da tei orhor gur darina potperhan ihir nadarishemur.

Jemis 2:10

Gur Nuhur garpok ihya moh sawa mengnong na amkariya ma hapat dahapri. Basra. Garnong oh amkariyahanoh gonsi sawa mengnong amkar er deiptimur.

Erer tarpatipra 2:14

Gur ihat yah hat sapti orhor tit ma ihat saperhan ohe ma na amam hapat da oh mamaru hat patiri. Guragur kat han ihir rih ma patesuh han Baram ohe ma risuh mengnong amram dindeiptiri. Dasuh propet Baram ohdapat er hat son ohe da oh kakhan Berak ohnong pinggisuhmur. Berak ohdapat Isrer ihirnong ama er da oh pinggisuhmur. Ma pinggisuh oh bisei saw hapti dao hanapsup ihirnong atemar asariya den oh yahwimur. Denmur porin ohe dao oh pinggisuhmur.

Erer tarpatipra 2:20

Gur ihat yah hat sapti orhor tit ma er hat saperhan ohe ma na amam hapat da oh mamaru hat patiri. Kuu tit Jeseber uh Noh Got ohe meng pot pisapat kuumur napor er hat son ohe dasuh meng oh napot napisaporhan gur baso na por uhe mengnong ma amrat sapti oh oh da ruumsupsi hat patri. Uhe er hat son ohe dasuh meng napot ma napisapat oh mamaru mat napot napisapatri. Jisas orhe atamreipti han ihirnong bisei saw hapti dao hanapsup iremur por den temar asariya den oh yahwimur. Denmur porpat dao ada ohsi ihirnong er hat son da pinggit pisapatri.

Erer tarpatipra 2:4

Gur ihat yah hat sapti orhor tit ma ihat saperhan ohe ma na amam hapat da oh mamaru hat patiri. Gur kopenat ma orhe nita ham isip bopornap mar ma pateshe da oh gin mandatiriri.