Mak oh yah meng ma brak matip meng oh 10:18 - Oksapmin

¹⁸ Dahamtiporhan Jisas oh ohnong Wa. Got orhap yah hat pat hanmur. Gin nohnong yah hatwi sapat hanmur ma napor oh Oh Got hatin hat pat hanmur daham naporda da na gidaham napor.

Mak oh yah meng ma brak matip meng oh 10:18 ပူးပေါင်းရင်းမြစ်များ

Ruk oh yah meng ma brak matip ohe meng oh 18:19

Por dahamtiporhan Jisas oh ohnong Wa. Got orhap yah hat pat hanmur. Gin nohnong yah hatwi sapat hanmur ma napor oh Oh Got hatin hat pat hanmur daham naporda da na gidaham napor.

Matyu 19:17

Dahamtiporhan Jisas oh ohnong Go mohnong dahatinmur. Yah han oh Got orhor pokwimur. Tit han tit yah hanhe timbasmur. Go ihat na daham nohnong dahanahapatda por irhaha deingop. Irhaha deipat Go Noh eimat paten dasi hatpor dahahhanoh Moses ohe sawa mengnong dimtinmur pongop.

1 Jon 4:16

Ihat orhorsi tap hat patim orhe bopor nahat napapat da oh dir wamar am hama arpin ama da ohsi inahat napisapatin dir ihat sapti ma hapat dahaptimur. Hanip ihirnong da apris bopor deipti da gon oh Got orhorwi hat patmur. Ihat pat han ohoh ihan hanip ihirnong da apris bopor deipti han dir orhorsi tap hat ayao oh dire tapnong hat ao hat patim diradir da gosapriptimur.

Rom ihirnong Por oh brak atip ohe meng oh 3:12

Ihat patima gonsi gonsinap gur nohe yah da hat son ohe mandap oh mandama er da hat son ohe mandap ohwi gonsi saptimur. Ihat ma pati han bap gur er hat pati han bap gurmur. Hanip gur yah danong ham duung dasi hat son ohe dahe timbasnapmur.

1 Jon 4:8

Hanip ihirnong da apris bopor deipti da gon oh Got orhorwi hat pat ohoh ihan hanip ihirnong da na apris na bopor mat papti han ihir Got orhornong hanhan hat patim ihat patimur.

Jemis 1:17

Imat er nahatin oh Got oh eimat timbasnapmur. Aw tei mahat ohe has han ma darpatip han oh orhor pokwimur. Orhorwi ihat pat ohoh ihan oh atan danda oh hatip haho dapsi haho ma ihpatru na hapat hanmur. Oh tit da duung dawi hat pat han ohoh ihan yahnap yahnap han dire boknong ma nahapat oh orhe hrep papatdapat orhorwi papatim dire boknong nahapat ma hapat dahenmur.

Mak oh yah meng ma brak matip meng oh 10:17

Gahan Jisaso ihir Gin dir wan apteinong sapero rim mandap oh saptin tit han tit sakat aprisa Jisas ohe duup oh katin takir tongnongopri. Tongnoma Jisas ohnong Tisa. Yah hatwi sapat hana. Noh kinhat ushanoh yah hat eimat paten dasi hatiproh por dahandeingopri.

Mak oh yah meng ma brak matip meng oh 10:19

Go Got ohe sawa meng Moses ohe atem teimdapat ma napotip meng oh go am hat patmur. Sawa meng oh mamarumur. Haniphe ha haputinoh dahamhe supri. Bisei sawheri hapri. Gapahhe hapri. Dasuh inin menghe hanip ire boknong deipri. Hanip ire yan oh behe adaripri. Suanir itanir ire danong ham ire mengnong pomar amram dindeinmur. Ama sawa meng muk oh go am hat pat ohoh amram dindeinmur pongopri.